ಡಾ ಬಾಲಕೃಷ್ಣ ಮದ್ದೋಡಿ ಮೆರೆಗ್ ಅಟಲ್ ಸಾಧನೆ ಪ್ರಶಸ್ತಿ 2022

ಡಾ ಬಾಲಕೃಷ್ಣ ಮದ್ದೋಡಿ ಮೆರೆಗ್ ಅಟಲ್ ಸಾಧನೆ ಪ್ರಶಸ್ತಿ 2022

 ಶಿಕ್ಷಣತಜ್ಞ, ಪರಿಸರವಾದಿ, ಶಿಕ್ಷಕ, ಸಂಶೋಧಕ ಬೊಕ್ಕ ಸಾಮಾಜಿಕ ಪ್ರಭಾವಿಕ ಡಾ ಬಾಲಕೃಷ್ಣ ಮದ್ದೋಡಿ ಮೆರೆಗ್ ಪರಿಸರ ಬೊಕ್ಕ ಶಿಕ್ಷಣ ಕ್ಷೇತ್ರೊಗ್ ಕೊರಿನ ಅತ್ಯುತ್ತಮ ಸೇವಾ ಕೊಡುಗೆಗಾದ್ ಅಟಲ್ ಸಾಧನೆ ಪ್ರಶಸ್ತಿ 2022- ಪರಿಸರ ಶಿಕ್ಷಣ ಬೊಕ್ಕ ಸಾಮಾಜಿಕ ಪ್ರಭಾವಡ್ ಅತ್ಯುತ್ತಮ ಶಿಕ್ಷಣಶಾಸ್ತ್ರದೊಟ್ಟಿಗ್ ಅತ್ಯಂತ ನವೀನ ಅಧ್ಯಾಪಕೆರು ಪ್ರಶಸ್ತಿನ್ ನವದೆಹಲಿದ ವಿಜ್ಞಾನ ಭವನಡ್  ನಡತಿನ ಸಾಧನೆ ಪ್ರಶಸ್ತಿ 2022 ಸಮಾರಂಭಡ್  ಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ತೆರ್.

ಭಾರತ ಸರ್ಕಾರದ ಕೇಂದ್ರ ಬೊಕ್ಕ ರಾಜ್ಯ ಸಚಿವೆರು ಗೌರವ ಪ್ರಶಸ್ತಿ ಕೊರಿಯೆರ್.  ಪಾರಿತೋಷಕ, ಪ್ರಶಸ್ತಿ ಪ್ರಮಾಣ ಪತ್ರನ್ ಭಾರತ ಸರ್ಕಾರದ ಸಮಾಜ ಕಲ್ಯಾಣ ರಾಜ್ಯ ಸಚಿವ ಶ್ರೀ ರಾಮದಾಸ್ ಅಠವಳೆ, ಪರಿಸರ ಅರಣ್ಯ ಬೊಕ್ಕ ಹವಾಮಾನ ಬದಲಾವಣೆ ರಾಜ್ಯ ಸಚಿವ ಶ್ರೀ ಅಶ್ವಿನ್ ಕುಮಾರ್ ಚೌಬಾಯ್, ಶ್ರೀ ಸೈಯದ್ ಶಾನವಾಜ್ ಹುಸೇನ್ ಬಿಜೆಪಿ ವಕ್ತಾರ ಪ್ರಶಸ್ತಿನ್ ಹಸ್ತಾಂತರ ಮಲ್ತೆರ್. 

ಪ್ರಶಸ್ತಿ ಪ್ರದಾನ ಸಮಾರಂಭಡ್ ಕೃಷಿ ಬೊಕ್ಕ ರೈತ ಕಲ್ಯಾಣ ಇಲಾಖೆದ ಸಚಿವ ರಾಜ್ಯ ಸಚಿವ ಶ್ರೀ ಕೈಲಾಶ್ ಚೌಧರಿ  ಉಪಸ್ಥಿತರಿತ್ತೆರ್. ಉಡುಪಿ ಜಿಲ್ಲಾಡಳಿಡ್ದ್ ಡಾ ಬಾಲಕೃಷ್ಣ ಮದ್ದೋಡಿ ಮೆರೆಗ್ ಉಡುಪಿ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ದಿತ್ತುಂಡ್.