ಬಪ್ಪನಾಡ್ ದೇವಸ್ಥಾನದ ಅಂಗಣಡ್ ಬರ್ಸದ ನೀರ್

#

ಮುಲ್ಕಿ : ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಉಲಯಿ ಬರ್ಸದ ನೀರ್ ದಿಂಜಿದ್ಂಡ್.
ಫೆಂಗಲ್ ಚಂಡ ಮಾರುತದ ಹಿನ್ನೆಲೆಡ್ ಸೋಮಾರ ಬಯ್ಯಡ್ ಬುಡಂದೆ ಬರ್ಸ ಬತ್ತಿನೆರ್ದಾವರ ಬರ್ಸದ ನೀರ್ ದೇವಸ್ಥಾನದ ಉಲಯಿದ ಅಂಗಣ, ಪಿದಯಿದ ಅಂಗಣಡ್ ಮಣಿಗಂಟ್ ಮುಟ್ಟ ನೀರ್ ದಿಂಜಿದ್ಂಡ್.
ಡಿ. 3 ಅಂಗಾರೆ ಕಾಂಡೆಲ ಬರ್ಸ ಬೈದಿನೆರ್ದಾವರ ಅಂಗಣದ ನೀರ್ ಖಾಲಿ ಆತಿಜಿ. ಸೋಮವಾರ ರಾತ್ರೆ ಬರ್ಸದ ನೀರ್ ದ ನಡುಟ್ಟೇ ದೇವೆರ್ನ ಬಲಿ ಸೇವೆ ನಡತ್ ದಿತ್ತ್ಂಡ್.
ಸಾಮಾನ್ಯವಾದ್ ಮರಿಯಲೊಡು ವಿಪರೀತ ಬರ್ಸ ಬನ್ನಗ ದೇವಸ್ಥಾನದ ಅಂಗಣೊಡು ನೀರ್ ಉಂತುಂಡು. ಸಿಬ್ಬಂದಿಲು ಪಂಪ್ ಪಾಡ್ದ್ ಅವೆನ್ ಪಿದಯಿ ಬುಡೊಂದಿತ್ತೆರ್.
ನ.30 ಶನಿವಾರ ದೇವಸ್ಥಾನೊಡು ಕಾರ್ತಿಕ ತಿಂಗೊಲ್ದ ನಿಲೆಟ್ಟ್ ಭಾರಿ ಗೌಜಿಡ್ ಲಕ್ಷ ದೀಪೋತ್ಸವ ನಡತ್ ದ್ ಸಾರ ಸಾರ ಸಂಖ್ಯೆಡ್ ಭಕ್ತೆರ್ ಪಾಲ್ ಪಡೆದಿತ್ತೆರ್.