ದುಂಬುದ ಪೀಳಿಗೆಗ್ ಅಭಿವೃದ್ಧಿ ಆಯಿನ ಉಡುಪಿ ಜಿಲ್ಲೆನ್ ಕೊರ್ಪಿನ ಜಬಾದಾರಿ ಮಾತೆರೆಗುಂಡ್ . ದೂರದೃಷ್ಟಿದ ಯೋಜನೆಲೆಡ್ದ್ ಜಿಲ್ಲೆನ್ ಅಭಿವೃದ್ಧಿ ಪಥದಂಚಿ ಕೊನೊವೊರೆಗ್ ಸಾಧ್ಯ ಪಂಡುದು ಹಿಂದುಳಿದ ವರ್ಗಗಳ ಆಯೋಗದ ಅಧ್ಯಕ್ಷೆರಾಯಿನ ಕೆ.ಜಯಪ್ರಕಾಶ್ ಹೆಗ್ಡೆ ಪಂಡೆರ್.
ಆರು ಶುಕ್ರವಾರ ಬಯ್ಯಗ್ ಮಲ್ಪೆ ಬೀಚ್ ಡ್ ಜಿಲ್ಲಾಡಳಿತ, ಕನ್ನಡ & ಸಂಸ್ಕೃತಿ ಇಲಾಖೆ & ಪ್ರವಾಸೋದ್ಯಮ ಇಲಾಖೆ ಉಡುಪಿ ಜಿಲ್ಲೆ ಮೊಕ್ಲೆನ ಸಂಯುಕ್ತ ಆಶ್ರಯಡ್ ನಡಪುನ ರಜತ ಉಡುಪಿ- ಬೀಚ್ ಉತ್ಸವ ಕಾರ್ಯಕ್ರಮ ಉದಿಪನ ಮಲ್ತುದ್ ಪಾತೆರಿಯೆರ್.
ಜಿಲ್ಲೆಡ್ 25 ವರ್ಷದ ಪಿರಾವುಡ್ದ್ ಇನಿಮುಟ್ಟ ಆಯಿನ ಅಭಿವೃದ್ಧಿ ಬೊಕ್ಕ ದುಂಬುದ ಅಭಿವೃದ್ದಿದ ಬಗ್ಗೆ ನಡತಿನ ದೂರದೃಷ್ಟಿ ಕಾರ್ಯಕ್ರಮ ದ ಉದ್ದೇಶದಂಚ , ದುಂಬುದ ಪೀಳಿಗೆಗ್ ನನಲಾ ಜಾಸ್ತಿ ಅಭಿವೃದ್ಧಿ ಬೊಕ್ಕ
ಮೂಲಭೂತ ಸೌಕರ್ಯ ಆವೊಡ್. ಪ್ರವಾಸ ಉದ್ಯಮ ನನಲಾತ್ ಅಭಿವೃದ್ದಿ ಆವಡ್ ಪಂಡೆರು.
ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ ಶಾಸಕ ಕೆ. ರಘುಪತಿ ಭಟ್ ಪಾತೆರ್ದ್, ರಜತ ಉತ್ಸವ ದ ಪೊರ್ತುಡ್ ಜಿಲ್ಲೆಡ್ ಕೆಲವು ಕಾರ್ಯಕ್ರಮೊಲೆನ್ ಆಯೋಜನೆ ಮಲ್ದಿತ್ತುದ್, ಜಿಲ್ಲೆ ದುಂಬುದ 25 ವರ್ಷದ ಅಭಿವೃದ್ಧಿ ಬಗ್ಗೆ ಯೋಜನೆ ತಯಾರಿ ಮಲ್ದುಂಡ್.
ಪ್ರವಾಸೋದ್ಯಮನ್ ನನಲಾತ್ ಅಭಿವೃದ್ಧಿ ಮಲ್ಪುನ ಯೋಜನೆ ಉಂಡು.
ಬೀಚ್ ಉತ್ಸವ ದ ಪ್ರಯುಕ್ತ ನಿಯೋನ್ ಲೈಟಿಂಗ್, ಫ್ಲೈ ಬೋರ್ಡ್, , ಐಲ್ಯಾಂಡ್ ಡ್ ಕ್ಲಿಪ್ ಡ್ರೈವ್ , ಯಾಟ್ ಸೇವೆ,ಸ್ಕ್ಯೂಬಾ ಡ್ರೈವ್ ಸುರು ಆವರೆಗುಂಡ್. ಒಪೆನ್ ಸೀ ವಾಟರ್ ಈಜು ಸ್ಪರ್ಧೆ, ಜನರಲ್ ತಿಮ್ಮಯ್ಯ ಅಕಾಡೆಮಿಡ್ದ್ ಕಾಲೇಜು ವಿದ್ಯಾರ್ಥಿಲೆಗ್ ಧರ್ಮಾರ್ಥ ಕಯಾಕಿಂಗ್ , ಪೊಂಜೊವುನಕ್ಲೆಗ್ ತ್ರೋಬಾಲ್, ಚಿತ್ರಕಲಾ ಶಿಬಿರ, ಪ್ರೇಕ್ಷನಿಯ ಜಾಗೆದ ಛಾಯಾಚಿತ್ರ ಪ್ರದರ್ಶನ ನಡಪರೆಗುಂಡ್ ಪಂಡೆರು.
ನಗರಸಭೆ ಅಧ್ಯಕ್ಷೆ ಸುಮಿತ್ರಾ ನಾಯಕ್, ಉಪಾಧ್ಯಕ್ಷೆ ಲಕ್ಷ್ಮಿ ಮಂಜುನಾಥ್, ಸ್ಥಾಯೀ ಸಮಿತಿ ಅಧ್ಯಕ್ಷ ಶ್ರೀಶ ಕೊಡವೂರು, ಜಿ. ಪಂ. ಸಿಇಒ ಪ್ರಸನ್ನ ಹೆಚ್, ಎಸ್ಪಿ ಹಾಕ್ ಅಕ್ಷಯ್ ಮಚ್ಚಿಇಂದ್ರ, ತರಬೇತಿ ನಿರತ ಜಿಲ್ಲಾಧಿಕಾರಿ ಯತೀಶ್ ಉಪಸ್ಥಿತರಿತ್ತೆರ್.
ಜಿಲ್ಲಾಧಿಕಾರಿ ಕೂರ್ಮಾರಾವ್ ಎಂ ಸ್ವಾಗತ ಮಲ್ತುದ್. ಅಪರ ಜಿಲ್ಲಾಧಿಕಾರಿ ವೀಣಾ ವಂದಿಸಾಯೆರ್. ಯುವ ಸಬಲೀಕರಣ & ಕ್ರೀಡಾ ಇಲಾಖೆ ಸಹಾಯಕ ನಿರ್ದೇಶಕ ಡಾ.ರೋಷನ್ ಕುಮಾರ್ ಶೆಟ್ಟಿ ನಿರೂಪಣೆ ಮಲ್ತೆರ್.
ಬೀಚ್ ಡ್ ಫ್ಲೈ ಬೋರ್ಡ್, ಚಿತ್ರಕಲಾ ಸ್ಪರ್ಧೆ, ಆಹಾರ ಮೇಳ, ಸಮುದ್ರ ಮಧ್ಯ ವಿದ್ಯುತ್ ದೀಪೊಲೆಡ್ ಅಲಂಕೃತ ಆಯಿನ ಬೋಟ್ ಆಕರ್ಷಕ ವಾದುಂಡ್.
ಖ್ಯಾತ ಗಾಯಕ ರಾಜೇಶ್ ಕೃಷ್ಣನ್ & ತಂಡದಕ್ಲೆಡ್ದ್ ರಸಮಂಜರಿ ಕಾರ್ಯಕ್ರಮ ನಡತುಂಡ್.
by 