ಉಡುಪಿ, ಜು.30: ಉಡುಪಿ ಜಿಲ್ಲೆಡ್ ಹೆಚ್ಚ ಸಂಖ್ಯೆಡ್ ನೆತ್ತೆರ್ ದಾನ ಮಲ್ಪುನೆಡ್ದಾವರ ಇನಿ ರಕ್ತದಾನಿಲೆನ ಜಿಲ್ಲೆಯಾದ್ ಮೂಡುದ್ ಬೈದುಂಡ್. ಈ ಮೂಲಕ ಮುಲ್ಪದ ನೆತ್ತೆರ್ ದಾನಿಲು ಬೇತೆಕ್ಲೆಗ್ ಪ್ರೇರಣೆಯಾದುಲ್ಲೆರ್ ಪಂಡುದು ಉಡುಪಿ ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣಾಧಿಕಾರಿ ಡಾ.ನಾಗಭೂಷಣ್ ಉಡುಪ ಪಂಡೆರ್.
ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಉಡುಪಿ ನೆತ್ತ 10ನೇ ವಾರ್ಷಿಕೋತ್ಸವದ ಪ್ರಯುಕ್ತ ಉಡುಪಿ ಜಿಲ್ಲಾಸ್ಪತ್ರೆದ ಸಹಯೋಗದೊಟ್ಟುಗ್ ಐತಾರ ಮಲಬಾರ್ ಗೋಲ್ಡ್ ಉಡುಪಿ ಶಾಖೆಡ್ ಆಯೋಜನೆ ಮಲ್ದಿನ ಹುಬ್ಬಳ್ಳಿ ಶಾಖಾ ವ್ಯವಸ್ಥಾಪಕ ದಿ. ಶಾಶಂಕ್ ಎಕ್ಬೋಟೆ ಮೆರೆನ ಸ್ಮರಣಾರ್ಥ ನೆತ್ತೆರ್ ದಾನ ಶಿಬಿರ ಬೊಕ್ಕ ನೆತ್ತೆರ್ ದಾನಿಲೆಗ್ ಸನ್ಮಾನ ಕಾರ್ಯಕ್ರಮಡ್ ಪಾಲ್ ಪಡೆದ್ ಪಾತೆರಿಯೆರ್.
ಪೆದ್ದುನ ಸಂದರ್ಭಡ್ ಹೆಚ್ಚಾದ್ ನೆತ್ತೆರುದ ಅಗತ್ಯ ಇಪ್ಪುನೆಡ್ದಾವರ ಬಂಜಿನಕ್ಲೆನ ಪೋಡಿಗೆನ್ ದೂರ ಮಲ್ಪುನ ಕಾರ್ಯೊಲೆನ್ ರಕ್ತದಾನಿಲು ಮಲ್ತೊಂದುಲ್ಲೆರ್. ಈ ಮೂಲಕ ನೆತ್ತೆರ್ ದಾನಿಲು ಕುಡೊರಿಯನ ಬದುಕುದ ಆಶಾಕಿರಣ ಆತೆರ್ ಪಂಡುದು ಆರು ತೆರಿಪಾಯೆರು.
ಈ ಸಂದರ್ಭಡ್ ಮಸ್ತ್ ಸರ್ತಿ ನೆತ್ತೆರ್ ದಾನ ಮಲ್ತಿನ ನೆತ್ತೆರ್ ದಾನಿಲಾಯಿನ ರಾಘವೇಂದ್ರ ಪ್ರಭು ಕರ್ವಾಲು, ಮುಹಮ್ಮದ್ ಶರೀಫ್, ಮಹೇಶ್ ಪೂಜಾರಿ ಹೂಡೆ, ಅಜ್ಮಲ್ ಅಸಾದಿ, ಮುನೀರ್ ಕಲ್ಮಾಡಿ, ಡಾ.ಚರಿಷ್ಮಾ ಶೆಟ್ಟಿ, ರಾಮ್ ಅಜೆಕಾರು, ದಿವಾಕರ್ ಎನ್.ಖಾರ್ವಿ, ದೇವದಾಸ್ ಪಾಟ್ಕರ್, ರೋವಿನ್ ಪಾಲನ್ ಮೊಕ್ಲೆನ್ ಮಾನಾದಿಗೆ ಮಲ್ತೆರ್.
ಉಡುಪಿ ಜಿಲ್ಲಾಸ್ಪತ್ರೆದ ರಕ್ತನಿಧಿ ಕೇಂದ್ರದ ಮುಖ್ಯಸ್ಥೆ ಡಾ.ವೀಣಾ ಕುಮಾರಿ, ಹೋಪ್ ಇಂಡಿಯಾ ಫೌಂಡೇಶನ್‌ನ ಅನ್ಸಾರ್ ಅಹ್ಮದ್, ನಗರಸಭೆ ಮಾಜಿ ಸದಸ್ಯ ಶ್ಯಾಮ್‌ಪ್ರಸಾದ್ ಕುಡ್ವ, ಜಿಪಂ ಮಾಜಿ ಸದಸ್ಯೆ ಗೀತಾಂಜಲಿ ಸುವರ್ಣ, ಸಂಜೆ ಪ್ರಭಾ ಪತ್ರಿಕೆದ ಸಂಪಾದಕೆ ವೆಂಕಟೇಶ್ ಪೈ ಮಲ್ಲ ಬಿನ್ನೆರಾದಿತ್ತೆರು.
ಮಲಬಾರ್ ಗೋಲ್ಡ್ ಉಡುಪಿ ಶಾಖೆದ ಮುಖ್ಯಸ್ಥ ಹಫೀಝ್ ರೆಹಮಾನ್, ಸ್ಟೋರ್ ಮೆನೇಜರ್ ಪುರಂದರ ತಿಂಗಳಾಯ, ಗೆಸ್ಟ್ ರಿಲೇಶನ್ ಮೆನೇಜರ್ ರಾಘವೇಂದ್ರ ನಾಯಕ್, ಮಾರ್ಕೆಟಿಂಗ್ ಮೆನೇಜರ್ ತಂಝೀಮ್ ಶಿರ್ವ, ಸಿಬ್ಬಂದಿ ವರ್ಗ, ಗ್ರಾಹಕೆರು ಉಪಸ್ಥಿತರಿತ್ತೆರು. ಸಿಬ್ಬಂದಿ ವಿಘ್ನೇಶ್ ಸ್ವಾಗತ ಮಲ್ತುದ್, ಕಾರ್ಯಕ್ರಮ ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು.
by 