ವಿಶ್ವ ಬಂಟ ಪ್ರತಿಷ್ಠಾನ

ವಿಶ್ವ ಬಂಟ ಪ್ರತಿಷ್ಟಾನ ಟ್ರಸ್ಟ್ : ವರ್ಷದ ಮಹಾಸಭೆ

ಕುಡ್ಲ : ಗಳೂರು, ಆ.11: ಭಾರತೀಯ ಸೇನೆ ಇನಿ ಸಶಕ್ತ ಆದುಂಡು ಒವ್ವೆ ಶತ್ರುರಾಷ್ಟ್ರನ್ ಬಗ್ಗು ಬಡಿಯೆರೆ ಸಮರ್ಥವಾದುಂಡು . ಸೇನಾ ಸಾಧನದ ತಯಾರಿದ ಸಂಶೋಧನೆ, ಅಭಿವೃದ್ಧಿ ಬೊಕ್ಕ ಉತ್ಪಾದನೆಡ್ ದೇಶ ಶೇ.75ರಷ್ಟು ಸ್ವಾವಲಂಬಿ ಆದುಂಡು ಪಂದ್ ಮೇಜರ್ ಜನರಲ್ ಸತೀಶ್ ಭಂಡಾರಿ ಪಂಡೆರ್ .

ಪೇಂಟೆದ ಹೋಟೆಲ್ ಮೋತಿ ಮಹಲ್ ಚಾವಡಿಡ್ ಶನಿಯರ ನಡತಿನ ವಿಶ್ವ ಬಂಟ ಪ್ರತಿಷ್ಠಾನ ಟ್ರಸ್ಟ್‌ದ 28ನೇ ವಾರ್ಷಿಕ ಮಹಾಸಭೆ ಬೊಕ್ಕ ಪ್ರಶಸ್ತಿ ಪ್ರದಾನ ಲೇಸ್ ಡ್ ಎಮಿನೆಂಟ್ ಬಂಟ್ ಪರ್ಸನಾಲಿಟಿ ಅವಾರ್ಡ್ ಸ್ವೀಕಾರ ಮಲ್ತ್ ಪಾತೆರಿಯೆರ್ .
ಕುಡ್ಲ ವಿ.ವಿ.ರ್ದ್ ಗೌರವ ಡಾಕ್ಟರೇಟ್ ಪುರಸ್ಕೃತ ಉದ್ಯಮಿ ಡಾ.ಕೆ.ಪ್ರಕಾಶ್ ಶೆಟ್ಟಿ ಮೆರೆನ್ ಪ್ರತಿಷ್ಠಾನದ ವತಿರ್ದ್ ಮಾನದಿಗೆ ಮಲ್ತೆರ್ .

ಯಕ್ಷಗಾನ ರಂಗಡ್ 55 ವರ್ಷ ಸೇವೆ ಮಲ್ತಿನ ಹಳ್ಳಾಡಿ ಜಯರಾಮ ಶೆಟ್ಟಿ ಮೆರೆಗ್ ದಿ.ಡಿ.ಕೆ.ಚೌಟ ದತ್ತಿನಿಧಿ ರ್ದ್ 25 ಸಾರ ಪಣವು , ಫಲಕ ಕೊರ್ದು ಮಾನದಿಗೆ ಮಲ್ತೆರ್ . ಕೃಷಿ ಕ್ಷೇತ್ರದ ಸಾಧನೆಗಾದ್ ಪುಷ್ಪ ಶೆಟ್ಟಿಗ್ ದಿ.ಎಣ್ಮಕಜೆ ಕಲಾವತಿ ಶೆಟ್ಟಿ ದತ್ತಿನಿಧಿ ಪ್ರಶಸ್ತಿ , ಸಿಎ ಮನೀಶ್ ಶೆಟ್ಟಿ ಮೆರೆಗ್ ಸಿಎ ವೈ.ಆರ್.ಶೆಟ್ಟಿ ದತ್ತಿನಿಧಿ ಪ್ರಶಸ್ತಿ , ಸಿಎ ರೋಶನ್ ಶೆಟ್ಟಿ ಮೆರೆಗ್ ಸಿಎ ಗೋಪಾಲ್.ಬಿ.ಶೆಟ್ಟಿ ದತ್ತಿನಿಧಿ ಪ್ರಶಸ್ತಿ ಕೊರಿಯೆರ್ .

ವಿಶ್ವ ಬಂಟ ಪ್ರತಿಷ್ಠಾನ ಟ್ರಸ್ಟ್ ದ ಗುರ್ಕಾರ್ಲಾಯಿನ ಡಾ.ಎ.ಜೆ.ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ .

ಕಾರ್ಯದರ್ಶಿ ಸಿಎ ಸುಧೀರ್ ಕುಮಾರ್ ಶೆಟ್ಟಿ , ಒತ್ತು ಗುರ್ಕಾರ್ಲಾಯಿನ ಕುಶಲ್.ಎಸ್.ಹೆಗ್ಡೆ, ಕೆ.ಎಸ್.ಹೆಗ್ಡೆ, ಯೋಜನಾ ನಿರ್ದೇಶಕ ಡಾ.ಬಿ. ಸಂಜೀವ ರೈ, ಖಜಾಂಚಿ ಸಿಎ ಸುದೇಶ್ ಕುಮಾರ್ ರೈ , ಪ್ರೊ.ಜಿ.ಆರ್.ರೈ, ಪಳ್ಳಿ ಕಿಶನ್ ಹೆಗ್ಡೆ ಪಾಲ್ ಪಡೆದಿತ್ತೆರ್ .

ಭಾಸ್ಕರ .ರೈ.ಕುಕ್ಕುವಳ್ಳಿ, ಜ್ಯೋತಿ ಪ್ರಸಾದ್ ಹೆಗ್ಡೆ, ಜೈರಾಜ್.ಬಿ.ರೈ ಬೊಕ್ಕ ಆರ್ತಿ ಶೆಟ್ಟಿ ಸನ್ಮಾನಿತೆರೆನ ಪೊಲಬು ಮಲ್ತೆರ್.