ಸ್ಮಾರ್ಟ್ ಸಿಟಿಟ್ ಟರ್ಪಾಲ್ದ ಬಸ್ಟ್ಯಾಂಡ್.

ಸ್ಮಾರ್ಟ್ ಸಿಟಿ ಗ್ ಬತ್ತಿನ ಟರ್ಪಲ್ ದ ಬಸ್ ಸ್ಟಾಂಡ್

ಸ್ಟೇಟ್ ಬ್ಯಾಂಕ್ : ಆಗಸ್ಟ್ 2: ಕುಡ್ಲ ಪೇಂಟೆ ಅತ್ತoದೆ ಪಿದಾಯಿದ ಊರುದ ಮೂಲೆ ಮೂಲೆಗ್ ಪೋಯೇರೆ ಸಾಲಾದ್ ಉಂತುನ ಬಸ್‌ , ಬರ್ಸಡೆ ಕೊಡೆ ಪತ್ತೊಂದು ಉಂತಿನ ಜನಕುಲು , ತರೆತ ಮಿತ್ತ್ ಕುಂಟು ಪಾರ್ದ್ ಅಂಚಿರ್ದ್ ಇಂಚಿ ಬಲಿತೊಂದು ಜನಕ್ಲೆನ್ ಲೆಪ್ಪುನ ನಿರ್ವಾಹಕೆರ್ … ಟಾರ್ಪಲಿನ್‌ದ ಅಡಿಟ್ ಉಂತುದು ಅರ್ಧ ಚಂಡಿ ಆದ್ ಉಂತುನ ಜನಕುಲು..

ಉಂದು ಸ್ಮಾರ್ಟ್‌ಸಿಟಿ ಕುಡ್ಲಗ್ ಬರ್ಪಿನ ದುಂಬು ಸಾಮಾನ್ಯವಾದ್ ಮಾತೆರ್ಲ ಜಪ್ಪುನ ಕೇಂದ್ರ ಜಾಗೆ ಆಯಿನ ಸ್ಟೇಟ್‌ಬ್ಯಾಂಕ್‌ದ ಖಾಸಗಿ ಬಸ್‌ ನಿಲ್ದಾಣದ ಚಿತ್ರಣ. ಈ ಬಸ್‌ ನಿಲ್ದಾಣದ ಅಭಿವೃದ್ಧಿ ಕಾಮಗಾರಿ ಅರ್ಧ ಅರ್ಧ ಆಯಿನೆರ್ದಾವರ ಇಂಚಿನ ಅವ್ಯವಸ್ಥೆ ಬೈದುಂಡು .

ಬಸ್‌ ಉಂತೆರೆ , ಜನಕುಲು ಉಂತೆರೆ ಲೇನ್‌ ಕಟ್ಟ್ ದ್ ಪ್ರತ್ಯೇಕವಾದ್ ಶೆಲ್ಟರ್‌ ಕಟ್ಟುನ ಯೋಜನೆ ಮೂಲು ಕೈ ಪತ್ತ್ ದಿತ್ತೆರ್ . ಸಿಟಿ, ಸರ್ವಿಸ್‌ ಮಾತ್ರ ಅತ್ತoದೆ ಕೆಲವು ಕೆಎಸ್‌ಆರ್‌ಟಿಸಿ ಬಸ್‌ ಉಂತೆರೆಲಾ ಮೂಲು ಅವಕಾಶ ಉಂಡು ಆಂಡ ಶೆಲ್ಟರ್‌ದ ನಿರ್ಮಾಣ ಅರ್ಧಗ್ ಉಂತುದು ವರ್ಷ ರಡ್ಡ್ ಕರೀದುಂಡು . ಸಿಟಿ ಬಸ್‌ ಉಂತುನ ರಡ್ಡ್ ಲೇನ್‌ ಬೊಕ್ಕ ಖಾಸಗಿ ಎಕ್ಸ್‌ಪ್ರೆಸ್‌ ಬಸ್‌ ಉಂತುನ ಒಂಜಿ ಲೇನ್ ಪ್ರಯಾಣಿಕೆರ್ ಉಂತೆರೆ ಮೇಲ್ಛಾವಣೆಯೇ ಇಜ್ಜಂದೆ ದೊಂಬು , ಬರ್ಸಗ್ ಉಂತೋಡಾಯಿನ ಅನಿವಾರ್ಯ ಸೃಷ್ಟಿಯಾತುಂಡು . ಇತ್ತೇ ಕುಡೊಂಜಿ ಬರ್ಸಡ್ ಲಾ ಜನಕ್ಲೆಗ್ ಬಂಗ ಬೈದುಂಡು.

ಟಾರ್ಪಲ್ ದ ರಕ್ಷಣೆ!
ಒಡಿಪು ಕಡೆಕ್ ಪೋಪಿನ ಎಕ್ಸ್‌ಪ್ರೆಸ್‌ ಬಸ್‌ ಉಂತುನ ಜಾಗೆಡ್ ಬಸ್‌ ನಿರ್ವಾಹಕೆರ್ , ಏಜೆಂಟ್ ಸೇರ್ದ್ ಟಾರ್ಪಲಿನ್‌ ಪಾರ್ದ್ ಎಲ್ಯ ಒಂಜಿ ಸೂರು ಮಲ್ದೆರ್ . ಜೋರು ಬರ್ಸ ಬತ್ತ್ ಡ ಐತ ಅಡಿಟ್ ಪ್ರಯಾಣಿಕೆರೆನ್ ಲೆಪ್ಪುವೆರ್ .