ವ್ಯೋಮ್ ಡ್ಯಾನ್ಸ್ ಅಕಾಡೆಮಿದ ಅದ್ಧೂರಿ ಕಾರ್ಯಕ್ರಮ ನೃತ್ಯಂ-2023

ವ್ಯೋಮ್ ಡ್ಯಾನ್ಸ್ ಅಕಾಡೆಮಿದ ಅದ್ಧೂರಿ ಕಾರ್ಯಕ್ರಮ ನೃತ್ಯಂ-2023

ಉಡುಪಿ ಕಿನ್ನಿಮುಲ್ಕಿದ ಹೃದಯ ಭಾಗೊಡುಪ್ಪುನ ಗಣಪತಿ ಮೈದಾನಡ್ ಶನಿವಾರ ನಡತಿನ ವ್ಯೋಮ್ ಡ್ಯಾನ್ಸ್ ಅಕಾಡೆಮಿ ಮಾಲಕೆರ್ ಬೊಕ್ಕ ತರಬೇತುದಾರೆರಾಯಿನ ಅವಿನಾಶ್ ಬಂಗೇರ ಮೆರೆನ ನೇತೃತ್ವಡ್ ರಾಷ್ಟ್ರೀಯ ಮಟ್ಟದ ನೃತ್ಯ ಕಾರ್ಯಕ್ರಮವಾಯಿನ “ನೃತ್ಯಂ-2023” ಕಾರ್ಯಕ್ರಮ ಅದ್ಧೂರಿಯಾದ್ ಓಪನ್ ಚಾಂಪಿಯನ್‍ಶಿಪ್ ಯಶಸ್ವಿಯಾದ್ ನಡತುಂಡ್. ಕಾರ್ಯಕ್ರಮೊನ್ ಉಡುಪಿ ಜಿಲ್ಲಾ ಕಾಂಗ್ರೆಸ್ ವಿಧಾನಸಭಾ ಕ್ಷೇತ್ರ ಪ್ರಚಾರ ಸಮಿತಿದ ಅಧ್ಯಕ್ಷೆರಾಯಿನ ಕೆ. ಕೃಷ್ಣಮೂರ್ತಿ ಆಚಾರ್ಯ ಮೇರು ಉದಿಪನ ಮಲ್ತುದ್ ಪಾತೆರಿನ ಆರ್ ಉಡುಪಿ ಜಿಲ್ಲೆಡ್ ನೃತ್ಯಗ್ಬ ಅಯಿತ್ತವೇ ಆಯಿನ ಮಹತ್ವ ಉಂಡು ಪಂಡೆರ್. ಮುಖ್ಯ ಅತಿಥಿಲಾದ್ ದ.ಕ. ಮತ್ತು ಉಡುಪಿ ಜಿಲ್ಲಾ ಮೀನುಮಾರಾಟ ಫೆಡರೇಶನ್‍ನ ಅಧ್ಯಕ್ಷೆರು, ಸಹಕಾರಿ ರತ್ನ ಶ್ರೀ ಯಶ್‍ಪಾಲ್ ಸುವರ್ಣ, ಉದ್ಯಮಿಲಾಯಿನ ಗುರ್ಮೆ ಫೌಂಡೇಶನ್ ನೆತ್ತ ಮುಖ್ಯ ಪ್ರವರ್ತಕೆರಾಯಿನ ಸುರೇಶ್ ಶೆಟ್ಟಿ ಗುರ್ಮೆ ಕಾರ್ಯಕ್ರಮಗ್ಬ ಶುಭ ಹಾರೈಸಿಯೆರ್. ಕಾರ್ಯಕ್ರಮಡ್ ಜೇಷ್ಟ ಡೆವಲರ್ಸ್ ನೆತ್ತ ಮಾಲಕೆರಾಯಿನ ಶ್ರೀ ಯೋಗೀಶ್ ಪೂಜಾರಿ, ಶಟರ್‍ಬಾಕ್ಸ್ ಫಿಲಂಸ್‍ ದ ಖ್ಯಾತ ಯ್ಯೂಟ್ಯೂಬರ್ ಸಚಿನ್ ಶೆಟ್ಟಿ, ಕಾಮಿಡಿ ಖಿಲಾಡಿ ಖ್ಯಾತಿದ ಶ್ರೀ ರಾಕೇಶ್ ಮಲ್ಪೆ, ದೇಹಧಾಡ್ಯ ಪಟು ಉಮೇಶ್ ಮಟ್ಟು, ಸಚಿನ್ ಸುವರ್ಣ ಪಿತ್ರೋಡಿ, ಉಪಸ್ಥಿತರಿತ್ತೆರ್. ಈ ನೃತ್ಯಂ-2023ದ ತೀರ್ಪುಗಾರೆರಾದ್ ಪ್ರಖ್ಯಾತ ನೃತ್ಯಪಟುಲಾಯಿನ ಅಂತರಾಷ್ಟ್ರೀಯಮಟ್ಟೊಡ್ ಖ್ಯಾತಿ ಪಡೆಯಿನ ಶ್ರೀ ಪ್ರಶಾಂತ್ ಶಿಂದೆ, ತಾರಕ್ ಕ್ಷೇವಿಯರ್ ಬೊಕ್ಕ ಪೂಜಾ ಸಚಿನ್ ಉಪಸ್ಥಿತರಿತ್ತೆರ್. ನೃತ್ಯೊಡ್ ಪಾಲ್ ಪಡೆಯಿನ ತಂಡೊಲೆಡ್ ವಿಜೇತರಾದ್ ಸುರುತ್ತ ಇನಾಮು ಪಡೆಯಿನ ಗದಗದ ವೆಲ್‍ನೋನ್ ಸ್ಟ್ರೇರ್ಸ್ 50,000/- ಟ್ರೋಫಿ, ರಡ್ಡನೇ ಇನಾಮು ಪಡೆಯಿನ ಮಣಿಪಾಲದ ಬ್ಲಿಟ್ಜ್ ಕ್ರೇಗ್ 25,000/-ಬೊಕ್ಕ ಟ್ರೋಫಿ, ಮೂಜನೇ ಇನಾಮು ಪಡೆಯಿನ ಉಡುಪಿದ ಫೈ ಫೈರ್ಸ್ ತಂಡ 15,000/- ಬೊಕ್ಕ ಟ್ರೋಫಿ ಪಡೆತೊಂಡೆರ್. ಕಾರ್ಯಕ್ರಮದ ನಿರೂಪಣೆನ್ ಶ್ರೀ ಪ್ರಶಾಂತ್ ಶೆಟ್ಟಿ ಹಾವಂಜೆ, ಪ್ರಖ್ಯಾತ ಕಾರ್ಯಕ್ರಮ ನಿರೂಪಕೆ ಸಾಹಿಲ್ ರೈ ಮೊಕುಲು ಮಲ್ತೆರ್. ಸಿನೇಮಾಟೋಗ್ರಫರ್ ಭುವನೇಶ್ ಪ್ರಭು ಹಿರೇಬೆಟ್ಟು ಮೇರ್ ಸಹಕಾರ ಕೊರಿಯೆರ್. ತಂಡದ ಸದಸ್ಯೆರಾಯಿನ ಮಮತಾ ಮೇರು ಪ್ರಾಸ್ತಾವಿಕ ಪಾತೆರಿಯೆರ್.