ಸುಳ್ಯ ದಸರಾದ ಅಧ್ಯಕ್ಷೆ

ಸುಳ್ಯದ ನಾಡಹಬ್ಬ ದಸರಾದ ಅಧ್ಯಕ್ಷೆರಾದ್  ಡಾ. ಲೀಲಾಧರ್ ಡಿ.ವಿ.

ಸುಳ್ಯಡ್  ಕರಿನ 52 ವರ್ಷಡಿಂಚಿ ಬಾರೀ ಗೌಜಿಡ್  ಶಾರದಾಂಬ ಉತ್ಸವ ನಡತೊಂದಿತ್ತುದ್. ಈ ಸರ್ತಿದ 53ನೇ ವರ್ಷದ ಸುಳ್ಯದ ನಾಡಹಬ್ಬ ಶ್ರೀ ಶಾರದಾಂಬ – ದಸರಾ ಕಾರ್ಯಕ್ರಮದ ಉತ್ಸವ ಸಮಿತಿ ಸೇರಿನಂಚ, ಬೇತೆ ಬೇತೆ ಸಮಿತಿದ  ತಯಾರಿದ  ಪೂರ್ವಭಾವಿ ಸಭೆ ಸುಳ್ಯದ ಎಪಿಎಂಸಿ ಸಭಾಂಗಣಡ್  ನಡತುಂಡ್.

ಈ ಸಂಧರ್ಭಡ್  53ನೇ ವರ್ಷದ ನಾಡಹಬ್ಬ ದಸರಾ ಉತ್ಸವ ಸಮಿತಿ ಅಧ್ಯಕ್ಷೆರಾದ್  ಡಾ. ಲೀಲಾಧರ್ ಡಿ. ವಿ ಮೇರ್ ಆಯ್ಕೆ ಆತೆರ್. ಈ ಪೊರ್ತುಡ್ ಪಾತೆರಿನ ಆರು, ಈ ಸರ್ತಿದ  ದಸರಾ  ಮಾತಾ  ಸಂಘ ಸಂಸ್ಥೆಲೆನ, ಧಾರ್ಮಿಕ ಸಂಘಟನೆ, ಸಾರ್ವಜನಿಕೆರೆನ  ಒಗ್ಗೂಡುವಿಕೆಡ್  ವಿಶೇಷ ದಸರಾ ಆದ್  ಮೂಡ್ದ್ ಬರೊಡ್, ಈ ಬಾರಿ ವಿಶೇಷವಾದ್  ಒಂಜಿ  ದಿನ ಪೊಂಜೊವುಲ್ ಬೊಕ್ಕ ಜೋಕ್ಲೆನ ದಸರಾ ಆಚರಣೆ ಮಲ್ಪುಂಡ್ . ದಸರಾದ 9 ದಿನಲಾ  ಭಕ್ತಾಧಿಲೆಗ್  ರಾತ್ರೆಗ್  ವನಸ್ ದ  ವ್ಯವಸ್ಥೆ ಮಲ್ಪುಂಡ್  ಅಂಚೆನೇ  ನಗರದ ಮಾತಾ  ಕಟ್ಟಡಲೆಗ್  ವಿದ್ಯುತ್ ಅಲಂಕಾರ ಮಲ್ಪುಂಡ್ ಪಂಡುದು ತೆರಿಪಾಯೆರು.