ಪ್ರತಿ ರಡ್ಡ್ ದಿನಕೊರ ಮಾರ್ಗದ ಗುರಿ ಮುಚ್ಚೆರೆ ಪಂಡಿನ ಜಿಲ್ಲಾಧಿಕಾರಿ
ಕುಡ್ಲ : ಜುಲೈ 17: ಪೇಂಟೆಡ್ ರಾಷ್ಟ್ರೀಯ ಹೆದ್ದಾರಿ 66 ಟ್ಟ್ ನಂತೂರು ಬೊಕ್ಕ ಕೆಪಿಟಿ ಜಂಕ್ಷನ್ ಡ್ ಗುರಿ ಉಪ್ಪುನೆರ್ದಾವರ ಗಾಡಿ ಪೋಯೇರೆ ಬಂಗ ಆವೊಂದು ಉಂಡು. ಈ ಜಂಕ್ಷನ್ ಡ್ ಪೋಯೇರೆ ಗಾಡಿ ದಕುಲು ಗಂಟೆಗಟ್ಟಲೆ ಕಾಪುನ ಸ್ಥಿತಿ ಬೈದುಂಡು.
ಸಮಸ್ಯೆ ಎದುರಿಸಾವೊಂದು ಉಪ್ಪುನ ಸಾರ್ವಜನಿಕೆರೆರ್ದ್ ದೂರು ಬೈದಿನೇರ್ದಾವರ ಜಿಲ್ಲಾಧಿಕಾರಿ ಮುಲ್ಲೈ ಮುಗಿಲನ್ ಎಂ.ಪಿ. ಮೇರ್ ಅಂಗಾರೆ ಈ ರಡ್ಡ್ ವೃತ್ತಲೆನ್ ಪರಿಶೀಲನೆ ಮಲ್ತೆರ್ .
ಗಾಡಿದ ಸುಗಮ ಸಂಚಾರಗ್ ಅನುವು ಮಲ್ತ್ ಕೊರಿಯೆರೆ ಕ್ರಮ ದೆತೊನೊಡು ಪಂದ್ ಪಾಲಿಕೆ ಬೊಕ್ಕ ಭಾರತೀಯ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ (ಎನ್‌ಎಚ್‌ಎಐ) ಅಧಿಕಾರಿಲೆಗ್ ಸೂಚನೆ ಕೊರಿಯೆರ್ .
ಈ ಪೊರ್ತುಡು ಪಾಲಿಕೆ ಆಯುಕ್ತ ಆನಂದ ಸಿ.ಎಲ್, ಕಂದಾಯ ವಿಭಾಗದ ಉಪಾಯುಕ್ತ ಗಿರೀಶ್ ನಂದನ್, ಕಾರ್ಯಪಾಲಕ ಎಂಜಿನಿಯರ್ ನರೇಶ್ ಶೆಣೈ, ಎನ್‌ಎಚ್‌ಎಐ ಯೋಜನಾ ನಿರ್ದೇಶಕ ಜಾವೇದ್‌ ಅಜ್ಮಿ ಬೊಕ್ಕ ಅಧಿಕಾರಿಲು ಪಾಲ್ ಪಡೆದಿತ್ತೆರ್ .
by 