ಆಮ್ ಆದ್ಮಿ ಪಾರ್ಟಿದ ಉಡುಪಿ ಜಿಲ್ಲಾಧ್ಯಕ್ಷೆರಾದ್ ದಿವಾಕರ್ ಸನಿಲ್….

ಆಮ್ ಆದ್ಮಿ ಪಾರ್ಟಿದ ಉಡುಪಿದ ಜಿಲ್ಲಾಧ್ಯಕ್ಷೆರಾದ್ ಶ್ರೀ ದಿವಾಕರ್ ಸನಿಲ್ ಆಯ್ಕೆ ಆತೆರ್.

ಶ್ರೀ ಭೋಜ ಪೂಜಾರಿ ಬೊಕ್ಕ ದಿ.ವಿಮಲಾ ಪೂಜಾರಿ ಮೊಕ್ಲೆನ ಮಗೆ ಆಯಿನ ಶ್ರೀ ದಿವಾಕರ್ ಸನಿಲ್ ಮೇರ್ ಉಡುಪಿ ಜಿಲ್ಲೆಡ್ ಬೇತೆ ಬೇತೆ ಸಂಘಟನೆಲೆಡ್ ಪದಾಧಿಕಾರಿಯಾದ್ ನಿರಂತರ ಸಮಾಜಸೇವೆಡ್ ತೊಡಗಿಸಾವೊಂದೆರ್.

ಮಲ್ಪೆದ ಕಡಲ ಕಿನಾರೆಡ್ ಪುಟ್ಟುದ್ ಬಲತಿನ ಮೇರ್ ಎಲ್ಯ ಪ್ರಾಯೊಡೇ ಸಾಮಾಜಿಕ ಚಟುವಟಿಕೆಲೆಡ್ ನಿರತರಾದಿತ್ತೆರ್.

ಪ್ರಸ್ತುತ ಮೇರ್ ಉಡುಪಿ ಜಿಲ್ಲಾ ವರ್ತಕರ ಹಿತರಕ್ಷಣಾ ವೇದಿಕೆದ ಅಧ್ಯಕ್ಷೆರಾದ್,ಉಡುಪಿ ಜಿಲ್ಲಾ ವರ್ತಕರ ಸೌಹಾರ್ದ ಸಹಕಾರಿದ ಉಪಾಧ್ಯಕ್ಷೆರಾದ್,ಉಡುಪಿ ಜಿಲ್ಲಾ ಬಿಲ್ಲವ ಯುವವೇದಿಕೆದ ಗೌರವಾಧ್ಯಕ್ಷೆರಾದ್,ಶ್ರೀ ವಿಶ್ವನಾಥ ಕ್ಷೇತ್ರ ಕಟಪಾಡಿದ ಮಾಜಿ ಜತೆ ಕಾರ್ಯದರ್ಶಿಯಾದ್,ಬೈಲೂರು ಶ್ರೀ ಮಹಿಷಮರ್ದಿನಿ ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿದ ಮಾಜಿ ಜತೆ ಕೋಶಾಧಿಕಾರಿಯಾದ್,ತುಳುಕೂಟ ಉಡುಪಿದ ತುಳುಗೊಬ್ಬುಲೆದ ಸಂಚಾಲಕೆರಾದ್,ಲಯನ್ಸ್ ಕ್ಲಬ್ ಉಡುಪಿ ಇಂದ್ರಾಳಿದ ಸದಸ್ಯೆರಾದ್,ರೋಟರಿ ಕ್ಲಬ್ ಉಡುಪಿ ರೋಯಲ್ ದ ಸದಸ್ಯೆರಾದ್,ಯಕ್ಷಗಾನ ಕಲಾರಂಗ ಉಡುಪಿದ ಸದಸ್ಯೆರಾದ್ ,ಜಯಂಟ್ಸ್ ಸಂಸ್ಥೆಡ್ ಸದಸ್ಯೆರಾದ್ ಸೇವೆ ಮಲ್ತೊಂದುಲ್ಲೆರ್.

ಕರಿನ ಕೆಲವು ವರ್ಸೊಡಿಂಚಿ ಉಡುಪಿಡ್ ಸ್ಮರಣಿಕಾ ಮೆಮೆಂಟೊ & ಗಿಫ್ಟ್ ಶಾಪ್ ದ ಮಾಲಕೆರಾದ್ ಉಡುಪಿ ಜಿಲ್ಲೆಡ್ ಮಾತ್ರ ಅತ್ತಾವಂದೆ ಇಡೀ ರಾಜ್ಯೊಡೇ ಸ್ಮರಣಿಕೆದ ಉದ್ಯಮಡ್ ಪುಗಾರ್ತೆದ ಸಂಸ್ಥೆಯಾದ್ ಬೆಳಗಾದೆರ್.ನಿರಂತರವಾದ್ ಪ್ರತಿಯೊಂಜಿ ಕ್ಷೇತ್ರೊಡುಲಾ ಸಮಾಜಸೇವೆಡ್ ತೊಡಗಿಸಾವುಂದುಪ್ಪುನ ಮೇರ್ ಇದಮುಟ್ಟ ಒವ್ವೇ ರಾಜಕೀಯ ಪಕ್ಷೊಡ್ ಬೇಲೆ ಮಲ್ಪಂದೆ, ರಾಜಕೀಯ ರಹಿತವಾದ್ ಸೇವೆ ಮಲ್ದಿನಾರ್..

ಆಮ್ ಆದ್ಮಿ ಪಾರ್ಟಿದ ಜಿಲ್ಲಾಧ್ಯಕ್ಷೆರಾದ್ ರಾಜಕೀಯದ ಉನ್ನತ ಹುದ್ದೆಗ್ ಆಸೆ ಪಡಂದೆ ದುಂಬು ಎಂಚ ಸಮಾಜಸೇವೆ ಮಲ್ದೆನಾ ಅಂಚೆನೇ ನನ ದುಂಬುಗುಲಾ ನಿರಂತರ ಸೇವೆ ಮಲ್ಪುವೆ ಪಂಡುದ್ ದಿವಾಕರ್ ಸನಿಲ್ ತೆರಿಪಾದೆರ್.