ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ ರಜತ ಮಹೋತ್ಸವ ಸಮಿತಿದ ಆಶ್ರಯಡ್ ರಜತ ಮಹೋತ್ಸವದ ಪ್ರಯುಕ್ತ ಉಡುಪಿ ಗಾಂಧಿ ಆಸ್ಪತ್ರೆ ಬೊಕ್ಕ ಉಡುಪಿ ಪತ್ರಿಕಾ ಭವನ ಸಮಿತಿದ ಸಹಯೋಗದೊಟ್ಟುಗ್ ಸಂಘದ ಸ್ಥಾಪನಾ ದಿನಾಚರಣೆ ಎ.12 ಕಾಂಡೆ ಉಡುಪಿ ಪತ್ರಿಕಾ ಭವನಡ್ ಆಯೋಜನೆ ಮಲ್ದಿತ್ತೆರ್.
ಹಿರಿಯ ಸಾಹಿತಿ ವೈದೇಹಿ ಕಜ್ಜೊದ ಉದಿಪನ ಮಲ್ರುದ್ ಶುಭಹಾರೈಸಿಯೆರ್. ಸ್ಥಾಪನಾ ದಿನಾಚರಣೆ ಬಗ್ಗೆ ಸಂಘದ ಸ್ಥಾಪಕಾ ಕೋಶಾಧಿಕಾರಿ ಬೊಕ್ಕ ಮಂಗಳೂರು ವಿಜಯ ಕರ್ನಾಟಕ ಪತ್ರಿಕೆದ ಪ್ರಧಾನ ವರದಿಗಾರ ಆರೀಫ್ ಪಡುಬಿದ್ರೆ ತನ್ನ ದುಂಬುದ ಅನುಭವೊನ್ ಪಟ್ಟೊಂಡೆರ್.
ಈ ಸಂದರ್ಭಡ್ ಸಂಘದ ಮಾಜಿ ಅಧ್ಯಕ್ಷೆರಾಯಿನ ಎನ್.ಗುರುರಾಜ್, ದಿನೇಶ್ ಕಿಣಿ ಅಲೆವೂರು, ಕಿರಣ್ ಮಂಜನಬೈಲು, ಗೋಕುಲ್‌ದಾಸ್ ಪೈ, ಜಯಕರ ಸುವರ್ಣ, ಗಣೇಶ್ ಪ್ರಸಾದ್ ಪಾಂಡೇಲು ಅಕ್ಲೆನ್ ಸನ್ಮಾನ ಮಲ್ತೆರ್. ಸಂಘದ ಫೇಸ್‌ಬುಕ್ ಪೇಜ್ ನ್ ಅನಾವರಣ ಮಲ್ತೆರ್.
ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಅಧ್ಯಕ್ಷತೆಡಿತ್ತೆರ್. ರಜತ ಮಹೋತ್ಸವ ಸಮಿತಿದ ಸಂಚಾಲಕ ಮುಹಮ್ಮದ್ ಶರೀಫ್, ಇಂಡಿಯನ್ ಫೆಡರೇಶನ್ ಆಫ್ ವರ್ಕಿಂಗ್ ಜರ್ನಲಿಸ್ಟ್ಸ್ ರಾಷ್ಟ್ರೀಯ ಸಮಿತಿ ಸದಸ್ಯ ಅರುಣ್ ಕುಮಾರ್ ಶಿರೂರು, ಕರ್ನಾಟಕ ಕಾರ್ಯನಿರತ ಪತ್ರಕರ್ತರ ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ಪತ್ರಿಕಾ ಭವನ ಸಮಿತಿದ ಸಂಚಾಲಕ ಅಜಿತ್ ಆರಾಡಿ ಗೌರವ ಉಪಸ್ಥಿತಡಿತ್ತೆರ್.
by 