ಸರಕಾರದ ಈ ಗೌರವನ್ ಸಂತೋಷಡ್ ಸ್ವೀಕಾರ ಮಲ್ತಿನ ಹಿರಿಯ ಶ್ರೀನಿವಾಸ ಕಾಮತ್ ಸರಕಾರಗ್ ಧನ್ಯವಾದ ಅರ್ಪಿಸಾದೆರ್.

1942ರ ಆಗಸ್ಟ್ 8ರಂದು ನಡತಿನ ಕ್ವಿಟ್ ಇಂಡಿಯಾ ಚಳುವಳಿಡ್ ಪಾಲ್ ಪಡೆದ್ 6 ತಿಂಗಳು ಜೈಲುವಾಸ ಅನುಭವಿಸಾದ್ ಹಿರಿಯ ಸ್ವಾತಂತ್ರ್ಯಪೊರಂಬಾಟ ಮಲ್ದಿನ ಉಡುಪಿ ಜಿಲ್ಲೆ ಕಾರ್ಕಳದ ಕೆ.ಶ್ರೀನಿವಾಸ ಕಾಮತ್ ಮೆರೆನ್ ಗುರುತಿಸಾದ್ ಉಡುಪಿ ಜಿಲ್ಲಾಡಳಿತ ಮಂಗಳವಾರ ಸನ್ಮಾನ ಮಲ್ತುದ್ ಗೌರವ ಮಲ್ದುಂಡ್.

ಕಾರ್ಕಳಡ್ ಹಿರಿಯ ಸ್ವಾತಂತ್ರ್ಯ ಪೊರಂಬಾಟ ಮಲ್ದಿನಾರ್ ಇಪ್ಪುನ ಮಾಹಿತಿ ತೆರಿನ ಜಿಲ್ಲಾಡಳಿತ ಆರು ಪ್ರಸ್ತುತ ಬೆಂಗಳೂರುಡ್ ಇಪ್ಪುನ ಕಾರಣ ಅರೆನ ವಿಳಾಸನ್ ಸಂಗ್ರಹ ಮಲ್ತುದ್ ಕಾರ್ಕಳ ತಾಲೂಕು ಕಚೇರಿದ ಉಪ ತಹಸೀಲ್ದಾರ್ ಮಂಜುನಾಥ ನಾಯಕ್ ಮೆರೆನ ನೇತೃತ್ವಡ್ ಅಧಿಕಾರಿಲೆನ ತಂಡ ಸೋಮವಾರ ರಾತ್ರೆಡೇ ಬೆಂಗಳೂರುಗ್ ಪೋದ್ ಸ್ವಾತಂತ್ರ್ಯ ಗಾದ್ ಪೊರಂಬಾಟ ಮಲ್ದಿನ ಶ್ರೀನಿವಾಸ ಕಾಮತ್ ಅರೆನ ಇಲ್ಲಡ್ ಅರೆಗ್ ಸಕಲ ಸರಕಾರಿ ಗೌರವನ್ ಕೊರ್ದ್ ಸನ್ಮಾನ ಮಲ್ತುದ್ ಗೌರವ ಕೊರುಂಡ್.

ಸರಕಾರದ ಈ ಗೌರವನ್ ಸಂತೋಷಡ್ ಸ್ವೀಕಾರ ಮಲ್ತಿನ ಹಿರಿಯ ಶ್ರೀನಿವಾಸ ಕಾಮತ್ ಸರಕಾರಗ್ ಧನ್ಯವಾದ ಅರ್ಪಿಸಾದೆರ್.