ಮೊಗವೀರ ಸಮಾಜದ ಮುಖಂಡೆರ್,ಕ್ರಾಂತಿಪುರುಷೆ,ಸಮಾಜದ ಹಿತಚಿಂತಕೆರಾಯಿನ ನಾಡೋಜ ಡಾ| ಜಿ.ಶಂಕರ್ ಮೆರೆನ ಪುಟ್ಟುಪರ್ಬದ ಅಂಗವಾದ್ ಮೊಗವೀರ ಯುವ ಸಂಘಟನೆ ಉಡುಪಿ ಜಿಲ್ಲೆದ ಸದಸ್ಯೆರ್ ಒಟ್ಟಾದ್ ಸ್ವ ಇಚ್ಚೆಡ್ ನೆತ್ತೆರ್ ದಾನ ಮಲ್ಪರೆಗುಲ್ಲೆರ್ಕ್ಟೋಬರ್ 5 ತಾರೀಕುದಾನಿ ಬ್ರಹ್ಮಾವರದ ಶಾಮಿಲಿ ಶನಾಯ ಸಭಾಂಗಣೊಡ್ ನೆತ್ತೆರ್ ದಾನ ಶಿಬಿರ ನಡಪರೆಗುಂಡ್.
ಆನಿ ಆರೋಗ್ಯ ಇಲಾಖೆದ ಸಹಕಾರದೊಟ್ಟುಗ್ ಕೋವಿಡ್ ಲಸಿಕಾ ಮಹಾ ಮೇಳ ನಡಪರೆಗುಂಡ್.ಲಸಿಕೆ ದೆತೊನರೆಗ್ ಬಾಕಿ ಇತ್ತಿನಕುಲು ಈ ಕಜ್ಜೊಡ್ ಲಸಿಕೆ ದೆತೊನೊಲಿ ಪಂಡುದ್ ಆಯೋಜಕೆರ್ ಮನವಿ ಮಲ್ತುದೆರ್.ಅಂಚೆನೇ ನೆತ್ತೆರ್ ದಾನ ಮಲ್ಪರೆಗ್ ಆಸಕ್ತಿ ಇತ್ತಿನಕುಲು ಲಸಿಕೆ ದೆತೊನೊಂದ್ 14 ದಿನ ಕರಿದಿಪ್ಪೊಡ್ ಪಂಡುದ್ ಆಯೋಜಕೆರ್ ಪ್ರಕಟಣೆಡ್ ತೆರಿಪಾದೆರ್.
ಈ ಕಾರ್ಯಕ್ರಮೊನ್ ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್(ರಿ.) ಅಂಬಲಪಾಡಿ,ಉಡುಪಿ., ಮೊಗವೀರ ಯುವಸಂಘಟನೆ(ರಿ.) ಉಡುಪಿ ಜಿಲ್ಲೆ,ಅಭಯಹಸ್ತ ಚಾರಿಟೇಬಲ್ ಟ್ರಸ್ಟ್(ರಿ.),ಉಡುಪಿ, ದಕುಲ್ ರಕ್ತನಿಧಿ ವಿಭಾಗ,ಕೆ.ಎಮ್.ಸಿ.ಮಣಿಪಾಲ ಬೊಕ್ಕ ರೆಡ್ ಕ್ರಾಸ್ ಸೊಸೈಟಿ,ಕುಂದಾಪುರದ ಸಹಭಾಗಿತ್ವೊಡ್ ಆಯೋಜನೆ ಮಲ್ಪರೆಗುಲ್ಲೆರ್.
ಸಮಾಜದ ಬಂಧುಲ್ ಹೆಚ್ಚಿಗೆ ಸಂಖ್ಯೆಡ್ ಈ ಒಂಜಿ ಕಾರ್ಯೊಡ್ ಪಾಲ್ ಪಡೆದ್ ಕಜ್ಜೊನ್ ಯಶಸ್ವಿ ಮಲ್ತ್ ಕೊರೊಡ್ ಪಂಡುದ್ ಮೊಗವೀರ ಯುವ ಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ಶಿವರಾಮ ಕೋಟಾ ಬೊಕ್ಕ ಕಾರ್ಯದಶರ್ಿ ರಾಜೇಂದ್ರ ಹಿರಿಯಡ್ಕ ಬಿನ್ನಪ ಮಲ್ತುದೆರ್.
by 