ರೋಟರಿ ಕ್ಲಬ್ ಕಲ್ಯಾಣಪುರ, ಲಯನ್ಸ್ ಬೊಕ್ಕ ಲಿಯೋ ಕ್ಲಬ್ ಉಡುಪಿ- ಇಂದ್ರಾಳಿ, ಮೈಸೂರುದ ಅಖಿಲ ಭಾರತ ವಾಕ್ ಶ್ರವಣ ಸಂಸ್ಥೆ, ಬೊಕ್ಕ ಕಾರ್ಕಳ ನಕ್ರೆದ ಆದಿತ್ಯ ಟ್ರಸ್ಟ್ ಸಹಯೋಗಡ್ ಮೇ 5ತಾರೀಕುದಾನಿ ಗುರುವಾರ ಧರ್ಮಾರ್ಥ ಶ್ರವಣ ದೋಷ ತಪಾಸಣೆ ಬೊಕ್ಕ ಬಿ.ಪಿ.ಎಲ್ ಕಾರ್ಡ್ ಇತ್ತಿನಕ್ಲೆಗ್ ಧರ್ಮಾರ್ಥ ವಾದ್ ಶ್ರವಣ ಉಪಕರಣ ವಿತರಣಾ ಶಿಬಿರನ್ ಉಡುಪಿ ಅಂಬಾಗಿಲುದ ಅಮೃತ್ ಗಾರ್ಡನ್ ಡ್ ಆಯೋಜನೆ ಮಲ್ದಿತ್ತೆರ್.
ಸಂವಹನ ನ್ಯೂನತೆ ಕ್ಷೇತ್ರೊಡ್ ದಕ್ಷಿಣ ಏಷ್ಯಾಡೇ ಒಂಜಿ ವಿಶಿಷ್ಟ ಸಂಸ್ಥೆಯಾದುಪ್ಪುನ ಅಖಿಲ ಭಾರತ ವಾಕ್ ಶ್ರವಣ ಸಂಸ್ಥೆ ಭಾರತ ಸರ್ಕಾರದ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆದ ಸಚಿವಾಲಯದಡಿಟ್ 1965 ಡ್ ಸ್ಥಾಪನೆ ಆತಿನ ಸಂಸ್ಥೆ. ಭಾಷಾ ನ್ಯೂನತೆ ಬಗ್ಗೆ ಸಾರ್ವಜನಿಕರೆಡ ಅರಿವು ಮೂಡಿಸಾವುನ ಈ ಸಂಸ್ಥೆದ ಪ್ರಮುಖ ಉದ್ಧೇಶ.
ಉಡುಪಿ ಬೊಕ್ಕ ಕೈತಲುದ ಜಿಲ್ಲೆದ 250ಡ್ದ್ ಲಾ ಹೆಚ್ಚ ಸಂಖ್ಯೆಡ್ ಫಲಾನುಭವಿಲು ಶಿಬಿರದ ಪ್ರಯೋಜನ ದೆತೊಂಡೆರ್.
ಉಡುಪಿ ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ. ನಾಗಭೂಷಣ ಉಡುಪ ಮೇರ್ ಮುಖ್ಯ ಅತಿಥಿಲಾದ್ ಶಿಬಿರೊನ್ ಉದಿಪನ ಮಲ್ತೆರ್.
ಡಾ. ರಾಜ್ ಕುಮಾರ್, ಕ್ಲಿನಿಕಲ್ ಸೈಕಾಲಜಿಸ್ಟ್ ಮೈಸೂರು ಮೇರ್ ಪ್ರಾಸ್ತಾವಿಕವಾದ್ ಪಾತೆರಿಯೆರ್. ನಿರಂಜನ ಭಟ್, ವಿಶ್ರಾಂತ ಸಹಾಯಕ ನಿರ್ದೇಶಕರು ವಿಕಲ ಚೇತನ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆ, ರೋ. ರಾಜಾರಾಮ ಭಟ್, ಮಾಜಿ ರೋಟರಿ ಜಿಲ್ಲಾ ಗವರ್ನರ್, ಲಯನ್. ವಿಶ್ವನಾಥ್ ಶೆಟ್ಟಿ. ಲಯನ್ಸ್ ಜಿಲ್ಲಾ ಗವರ್ನರ್.ಮೇರ್ ಶುಭ ಹಾರೈಸಿಯೆರ್. ಡಾ. ಉಮೇಶ್ ಪ್ರಭು. ಆದಿತ್ಯ ಟ್ರಸ್ಟ್ ನ ಮಂಜುನಾಥ ತೆಂಕಿಲಾಯ, ಲಯನ್ಸ್ ಅಧ್ಯಕ್ಷೆರಾಯಿನ ಲಯನ್ ಮನೋಹರ್ ತೋನ್ಸೆ, ರೋಟರಿ ಅಧ್ಯಕ್ಷೆರಾಯಿನ ರೋ ಶಂಭು ಶಂಕರ್ ಬೊಕ್ಕ ಬಾಕಿದ ಗಣ್ಯೆರು ವೇದಿಕೆಡ್ ಉಪಸ್ಥಿತರಿತ್ತೆರ್.
ಸಮಾಜ ಸೇವಕೆರಾಯಿನ ಡಾ.ಮಹಾಲಿಂಗ ಭಟ್, ಲಕ್ಷ್ಮೀ ಭಟ್ ಮೊಕ್ಲೆನ್ ವೇದಿಕೆಡ್ ಮಾನಾದಿಗೆ ಮಲ್ತೆರ್.
ರೋ.ಅಲೆನ್ ಲೂವಿಸ್ ಮೇರ್ ನಿರೂಪಣೆ ಮಲ್ತೆರ್.
by 