ಉಡುಪಿ ಜಿಲ್ಲೆಡ್ ಮರಾಠಿ ಸಮುದಾಯ ಸಾಂಪ್ರದಾಯಿಕವಾದ್ ಆಚರಣೆ ಮಲ್ಪುನ ಹೋಳಿ ಹುಣ್ಣಿಮೆದ ದಿನ ಉಡುಪಿ ಜಿಲ್ಲೆಡ್ ವಿಶೇಷ ಸ್ಥಳೀಯ ರಜೆ ಘೋಷಣೆ ಮಲ್ಪೊಡ್ ಪಂಡುದ್ ಶಾಸಕ ರಘುಪತಿ ಭಟ್ ಕೊರಿನ ಮನವಿನ್ ದೆತೊಂದ್ ಹೋಳಿ ಹುಣ್ಣಿಮೆ ಪರ್ಬದ ದಿನ ಒಂಜಿ ದಿನತ್ತ ವಿಶೇಷ ಸ್ಥಳೀಯ ರಜೆನ್ ಕೊರ್ರೆಗ್ ಉಪ ನಿರ್ದೇಶಕೆರು, ಸಾರ್ವಜನಿಕ ಶಿಕ್ಷಣ ಇಲಾಖೆ ಉಡುಪಿ ಜಿಲ್ಲೆ ಮೇರ್ ಆದೇಶ ಕೊರ್ತೆರ್.
ಹೋಳಿ ಪರ್ಬೊನ್ ಮಾರ್ಚ್ ತಿಂಗೊಲುಡ್ ಬರ್ಪಿನ ಹೋಳಿ ಪುಣ್ಣಮೆದ ದಿನ ಆಚರಣೆ ಮಲ್ಪುವೆರ್. ಈ ಬಗ್ಗೆ ವಿಶೇಷ ಸ್ಥಳೀಯ ರಜೆನ್ ಘೋಷಣೆ ಮಲ್ಪುನ ಬಗ್ಗೆ ಉಡುಪಿ ಜಿಲ್ಲಾ ಮರಾಠಿ ಸಮಾಜ ಸೇವಾ ಸಂಘ (ರಿ.) ಉಡುಪಿ ಮೊಕ್ಲೆನ ಮನವಿದ ಪ್ರಕಾರ ಮಾನ್ಯ ಉಡುಪಿ ಶಾಸಕ ಶ್ರೀ ಕೆ ರಘುಪತಿ ಭಟ್ ಮೇರ್ ಉಡುಪಿ ಜಿಲ್ಲಾಧಿಕಾರಿಲೆಗ್ ಹೋಳಿ ಪುಣ್ಣಮೆ ಪರ್ಬದ ದಿನ ಸ್ಥಳೀಯವಾದ್ ವಿಶೇಷ ರಜೆ ಘೋಷಣೆ ಮಲ್ಪುನ ಬಗ್ಗೆ ಪತ್ರ ಮುಖೇನ ಮನವಿ ಮಲ್ದೆರ್. ಆ ಪ್ರಕಾರ ಜಿಲ್ಲಾಧಿಕಾರಿ ಮೇರ್ ವಿದ್ಯಾಂಗ ಉಪ ನಿರ್ದೇಶಕೆರೆಗ್ ಈ ಬಗ್ಗೆ ಕೊರ್ತಿನ ವರದಿದಂಚ ಹೋಳಿ ಪುಣ್ಣಮೆ ಪರ್ಬೊನ್ ವಿಶೇಷವಾದ್ ಆಚರಣೆ ಮಲ್ಪುನ ವ್ಯಾಪ್ತಿದ ಶಾಲಾ ವಿದ್ಯಾರ್ಥಿಲೆಗ್ ಒಂಜಿ ದಿನತ್ತ ವಿಶೇಷ ಸ್ಥಳೀಯ ರಜೆನ್ ಕೊರ್ರೆಗ್ ಆದೇಶ ಮಲ್ದೆರ್.
by 