ಬ್ರಹ್ಮಾವರೊಡ್ ಇಮೇಜ್ ಮೊಬೈಲ್ಸ್ ದ ಮೂಜನೇ ಶಾಖೆ ಉದಿಪನ:

ಪೊಸ ಶಾಖೆಗ್ ಆಶೀರ್ವಾದ ಮಲ್ತಿನ ಮೂಜಿ ಧರ್ಮದ‌ಧರ್ಮದರ್ಶಿಲು.

ಇಮೇಜ್ ಮೊಬೈಲ್ಸ್ ದ ಮೂಜನೇ ಶಾಖೆ ಬ್ರಹ್ಮಾವರದ ಮಧುವನ್ ಕಾಂಪ್ಲೆಕ್ಸ್ ಡ್ ಅಕ್ಟೋಬರ್ 29 ತಾರೀಕುದಾನಿ ಉದಿಪನ ಆಂಡ್ ಬ್ರಹ್ಮಾವರದ ಸರ್ಕಲ್ ಇನ್ಸ್‌ಪೆಕ್ಟರ್ ಅನಂತ ಪದ್ಮನಾಭ್ ಪೊಸ ಶಾಖೆನ್ ಉದಿಪನ ಮಲ್ತೆರ್.

ವಿಶೇಷ ಪಂಡ ಈ ಒಂಜಿ ಉದಿಪನದ ಸಮಾರಂಭೊಡ್ ಮೂಜಿ ಧರ್ಮದ ಧರ್ಮದರ್ಶಿಲು ಉಪಸ್ಥಿತ್ತ್ ದ್ ಸಂಸ್ಥೆ ಗ್ ಆಶೀರ್ವಾದ ಮಲ್ತೆರ್.

ಸಭಾ ಕಜ್ಜೊಡ್ ದ್ವಾರಕಾಮಾಯಿ ಶ್ರೀ ಸಾಯಿಬಾಬಾ‌ ಮಂದಿರದ ಧರ್ಮಧರ್ಶಿಲಾಯಿನ ಗುರೂಜಿ ಸಾಯಿ ಈಶ್ವರ್ ಪಾತೆರ್ದ್ ಭೂಲೋಕೊಡ್ ಶ್ರೇಷ್ಠವಾಯಿನ ಜೀವಿ ಪಂಡ ನರಮಾನಿ.ನಮ ಪ್ರತಿಯೊಂಜಿ ಬೇಲೆ ಮಲ್ಪನಗ ಅಲೋಚನೆ ಮಲ್ತುದ್ ಮಲ್ಪರೆಗ್ ದೇವೆರ್ ದಿವ್ಯವಾಯಿನ ಅಲೋಚನಾಶಕ್ತಿನ್ ನಮಕ್ ಕೊರ್ತೆರ್.ಅಂಚಾದ್ ನಮ ಮಲ್ತಿನ ಸೇವೆನ್ ದೇವೆರ್ ಗಮನಿಸಾವೊಂದಿಪ್ಪುವೆರ್.ಆ ಸೇವೆಗ್ ಸರಿಯಾಯಿನ ಫಲೊನ್ ಕೊರ್ಪೆರ್.ಈ ನಿಟ್ಟುಡ್ ಮೂಜಿ ಜನ ಒಟ್ಟಾದ್ ಇಮೇಜ್ ಮೊಬೈಲ್ ಸಂಸ್ಥೆ ನ್ ಬಾರೀ ಪೊರ್ಲುಡ್ ನಡಪಾವೊಂದ್ ಬರ್ಪಿನವ್ವ್ ಮೆಚ್ಚೊಡಾಯಿನ ಸಂಗತಿ.ನನಲಾತ್ ಉನ್ನತ ಮಟ್ಡೊಗ್ ಪೋಪಿನ ಶಕ್ತಿ ದೇವೆರ್ ಕೊರಡ್ ಪಂಡುದ್ ಈ ಪೊರ್ತುಡ್ ಶುಭಾಶೀರ್ವಾದ ಮಲ್ತೆರ್.

ಹೋಲಿ ಫ್ಯಾಮಿಲಿ ಚರ್ಚ್ ಬ್ರಹ್ಮಾವರದ ರೆ.ಫಾ.ವಿಕ್ಟರ್ ಫೆರ್ನಾಂಡೀಸ್ ಪಾತೆರ್ದ್ ಒರಿಯೊಗೊರಿ ಹೊಂದಾಣಿಕೆಡಿತ್ತುಂಡ ಮಾತ್ರ ಸಂಸ್ಥೆ ಬುಲೆವರೆಗ್ ಸಾಧ್ಯ ಆಪುಂಡ್. ಪಂಡುದ್ ಸಂಸ್ಥೆ ಗ್ ಎಡ್ಡೆಪ್ಪು ಬಯಕಿಯೆರ್.

ರಾಜ್ಯೋತ್ಸವ ಪ್ರಶಸ್ತಿ ವಿಜೇತೆರಾಯಿನ ಸಮಾಜ ಸೇವಕೆ ಎಚ್.ಇಬ್ರಾಹಿಮ್ ಸಾಹೇಬ್ ಪಾತೆರ್ದ್ ಸಂಸ್ಥೆದ ಏಳಿಗೆಗ್ ಪರಿಶ್ರಮದೊಟ್ಟುಗ್ ದೈವ ದೇವೆರೆನ ಆಶೀರ್ವಾದಲಾ ಬೋಡು.ಅಪಗಾಂಡ ಮಾತ್ರ ಸಂಸ್ಥೆ ದ ಉನ್ನತಿ ಆಪುಂಡ್ ಪಂಡುದ್ ಶುಭ ಕೋರಿಯೆರ್.

ವೇದಿಕೆಡ್ ಬ್ರಹ್ಮಾವರ ರೋಟರಿ ಕ್ಲಬ್ ದ ಅಧ್ಯಕ್ಷೆರಾಯಿನ ತ್ರಿಭುಜ ಇಂಡಸ್ಟ್ರೀಸ್ ದ ಹರೀಶ್ ಕುಂದರ್,ಜೇಷ್ಠ ಡೆವಲಪರ್ಸ್ ದ ಯೋಗೀಶ್ ಕುಮಾರ್, ಚಾಂತಾರು ಪಂಚಾಯತ್ ದ ಅಧ್ಯಕ್ಷೆರಾಯಿನ ಮೀರಾ ಸದಾನಂದ ಪೂಜಾರಿ,ಷಟರ್ ಬಾಕ್ಸ್ ಫಿಲಂ ದ ಸಚಿನ್ ಶೆಟ್ಟಿ, ಪ್ರೀಮಿಯರ್ ಡಿಸ್ಟ್ರಿಬ್ಯೂಟರ್ ದ ನಿಕೋಲಸ್ ಲುವಿಸ್ ,ಶ ಓಮಿ ದ ಸಿಎಸ್ ಎಮ್ ಪ್ರದೀಪ್ ಬಿ.ಆರ್.ಸಂಸ್ಥೆ ದ ಮಾಲಕೆರಾಯಿನ ರಾಕೇಶ್,ಯಾದವ್ ಬೊಕ್ಕ ಧನಂಜಯ್ ಉಪಸ್ತರಿತರಿತ್ತೆರ್.ಸ್ವಾತಿ ಕಜ್ಜೊದ ನಿರೂಪಣೆ ಮಲ್ತೆರ್.

ಸಂಪೂರ್ಣ ಹವಾನಿಯಂತ್ರಿತ ವಾದಿತ್ತುದ್ ಸುಸಜ್ಜಿತವಾಯಿನ ಶೋರೂಂ ಉಂದಾದಿತ್ತುದ್ ಒಂಜೇ ಸೂರುದಡಿಟ್ ಮಾತಾ ಬ್ರಾಂಡ್ ದ ಸ್ಮಾರ್ಟ್ ಫೋನುಲು ಲಭ್ಯವಾದುಂಡ್.ಉಡುಪಿ ಜಿಲ್ಲೆಡ್ ಸಾವಿರಗ್ಲಾ ಜಾಸ್ತಿ ಗ್ರಾಹಕೆರಿತ್ತುದ್,ಇಮೇಜ್ ಮೊಬೈಲ್ಸ್ ಎಡ್ಡೆ ತೆರಿದಿನ ಸಿಬ್ಬಂದಿ ವರ್ಗ ಬೊಕ್ಕ ಗುಣಮಟ್ಟದ ಸೇವೆಗ್ ಗ್ರಾಹಕೆರೆನ ಉಡಲ್ ಗೆಂದುದುಂಡ್.

ಕರಿನ ನಾಲು ವರ್ಸೊಡಿಂಚಿ ಉಡುಪಿದ ಪಿಪಿಸಿದ ಕೈತಲುಡ್ ಕಾರ್ಯನಿರ್ವಹಿಸೊಂದುಪ್ಪುನ ಇಮೇಜ್ ಮೊಬೈಲ್ಸ್ ಕಡಪಾಡಿದ ಪಂಚಾಯತ್ ಬಿಲ್ಡಿಂಗ್ ಡ್ ಲಾ ಸೇವೆ ಕೊರೊಂದುಂಡ್.

ದೀಪಾವಳಿ ಬೊಕ್ಕ ಪೊಸ ವರ್ಸೊದ ಪ್ರಯುಕ್ತ ವಿಶೇಷ ಆಫರ್ ಇತ್ತುದ್ 18‌ಜನವರಿ 2022 ಮುಟ್ಟ ಈ ಆಫರ್ ಮೂಜಿ ಸಂಸ್ಥೆ ಡುಲಾ ದುಂಬರಿಯುಂಡ್.ಗ್ರಾಹಕೆರ್ ನೆತ್ತ ಸಂಪೂರ್ಣ ಲಾಭೊನ್‌ ಪಡೆತೊನೊಡು ಪಂಡುದ್ ಸಂಸ್ಥೆದ ಮಾಲಕೆರ್ ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.