ಸರ್ವದಾ ಯುವ ಸಂಘೊಡ್ ಸ್ವಾತಂತ್ರ್ಯ ಅಮ್ರತಮಹಹೋತ್ಸವದ ಗೌಜಿ

ಸರ್ವದಾ ಯುವ ಸಂಘ (ರಿ) ಪಾವಂಜಿಗುಡ್ಡೆ ಬಡಾನಿಡಿಯೂರು ಮುಲ್ಪ ಸ್ವಾತಂತ್ರ್ಯೋತ್ಸವದ ಅಮ್ರತಮಹೋತ್ಸವನ್ ಬಾರೀ ಗೌಜಿಡ್ ಆಚರಣೆ ಮಲ್ತೆರ್.ಸಂಘದ ಗೌರವಾಧ್ಯಕ್ಷೆರಾಯಿನ ಸದಾನಂದ ಗಾಣಿಗ ಮೇರ್ ಧ್ವಜಾರೋಹಣ ಮಲ್ತುದ್ ಎಡ್ಡೆಪ್ಪುನ್ ಬಯಕಿಯೆರ್.ಈ ಪೊರ್ತುಡ್ ಸಂಘದ ಅಧ್ಯಕ್ಷೆರಾಯಿನ ಜಗನ್ನಾಥ ಸಾಲಿಯಾನ್,ಉಪಾಧ್ಯಕ್ಷೆರಾಯಿನ ಆಶಾ ದಾಮೋದರ್,ಕಾರ್ಯದರ್ಶಿ ಗಂಗಾಧರ್,ಕೋಶಾಧಿಕಾರಿ ರಮೇಶ್ ಕೋಟ್ಯಾನ್,ಜತೆ ಕಾರ್ಯದರ್ಶಿ ಶಶಿಕಲಾ,ಬೊಕ್ಕ ಸಂಘದ ಸದಸ್ಯೆರಾಯಿನ ಮೀರಾಭಟ್,ಅಮಿತಾ,ಯಶೋದಕೇಶವ್, ಮೋಹಿನಿ,ಬಾನುಮತಿ,ಭಾರತಿಶೇಖರ್,ಸುಖೇಶ್,ಯೋಗೀಶ್,ರಘುರಾಜ್,ಅಂಚೆನೇ ಊರುದ ಜೋಕುಲು ಬೊಕ್ಕ ಹಿರಿಯೆರ್ ಪಾಲ್ ಪಡೆದ್ ಮಾತೆರ್ ಒಟ್ಟಾದ್ ದೇಶೊಗ್ ಮಾನಾದಿಗೆ ಕೊರಿಯೆರ್.
ಸಂಘದ ವತಿಡ್ದ್ ಮಾತೆರೆಗ್ಲಾ ಸೀಪೆ ಪಟ್ಟಿಯೆರ್.ಅಗಸ್ಟ್ 13 ತಾರೀಕುಗ್ ಇಲ್ಲ ಇಲ್ಲಡ್ ಬಾವುಟ ರಾಪಾವುನ ಉದ್ದೇಶೊಡ್ ಸಂಘದ ವತಿಡ್ದ್ ಸುಮಾರ್ 50 ಬಾವುಟನ್ ಉದ್ಯಮಿ ಸತೀಶ್ ಜಿ.ಮೆರೆನ ಸಹಕಾರೊಡ್ ಕೊರ್ತುಂಡ್..