ಶಿಕ್ಷಣ & ಆರೋಗ್ಯ ಸೇವೆಗ್ ಸುರುತ್ತ ಪ್ರಾಶಸ್ತ್ಯ: ರೊ.ದಿವಾಕರ್

ಶಿಕ್ಷಣ & ಆರೋಗ್ಯ ಸೇವೆಗ್ ಸುರುತ್ತ ಪ್ರಾಶಸ್ತ್ಯ

ಸೇವೆನೇ ರೋಟರಿ ಸಂಸ್ಥೆದ ಮೂಲ ಧ್ಯೇಯ. ಶಿಕ್ಷಣ & ಆರೋಗ್ಯ ಸೇವೆಗ್ ಸುರುತ್ತ ಪ್ರಾಶಸ್ತ್ಯ ಕೊರೊಂದ್ ಸಮಾಜದ ಏಳಿಗೆಗಾದ್ ಬೇಲೆ ಮಲ್ಪುವಾ ಪಂಡುದು ಕಲ್ಯಾಣಪುರ ರೋಟರಿ ಕ್ಲಬ್ಬ್ ದ ಪೊಸ ಅಧ್ಯಕ್ಷೆರಾಯಿನ ರೋ. ದಿವಾಕರ್ ಪಂಡೆರು.

ಅಂಬಾಗಿಲುದ ಅಮೃತ್ ಗಾರ್ಡನ್ ಸಭಾಭವನಡ್ ನಡತಿನ ಕಲ್ಯಾಣಪುರ ರೋಟರಿ ಕ್ಲಬ್ಬ್ ದ ಪೊಸ ಪದಾದಿಕಾರಿಲೆನ ಪದಗ್ರಹಣ ಕಾರ್ಯಕ್ರಮಡ್ ಅಧಿಕಾರ ಸ್ವೀಕರಿಸಾದ್ ಪಾತೆರಿಯೆರು.

2025-26ನೇ ಸಾಲುಗ್ ಜಿಲ್ಲಾ ಗವರ್ನರ್ ಆದ್ ಆಯ್ಕೆಯಾದುಪ್ಪುನ ರೋ. ಪಿ.ಎಚ್.ಎಫ್ ಪಾಲಾಕ್ಷ ಪದಪ್ರಧಾನ ಅಧಿಕಾರಿಯಾದ್ ಬತ್ತುದ್ ಸಮಾಜ ಸೇವೆಡ್ ರೋಟರಿ ಕಲ್ಯಾಣ ಪುರದ ಬಗ್ಗೆ ಮೆಚ್ಚುಗೆ ಪಾತೆರ ಪಂಡೆರ್. . ಅಸಿಸ್ಟೆಂಟ್ ಗವರ್ನರ್ ರೋ. ಪಿ.ಎಚ್.ಎಫ್ ಅಲ್ವಿನ್ ಸಿಲ್ವೆಸ್ಟರ್ ಕಾಡ್ರಾಸ್, ಮೇರು ಕಲ್ಯಾಣ ಜ್ಯೋತಿ ರೋಟರಿ ಸಂಚಿಕೆ ನ್ ಬುಡುಗಡೆ ಮಲ್ತೆರ್. ನಿಕಟಪೂರ್ವ ಅಸಿಸ್ಟೆಂಟ್ ಗವರ್ನರ್ ರೋ. ಪಿ.ಎಚ್.ಎಫ್ ಆನಂದ ಶೆಟ್ಟಿ, ವಲಯ ಸೇನಾನಿ ರೋ. ಗಣೇಶ್ ಕುಮಾರ್ ಕೆ., ನಿಕಟಪೂರ್ವ ವಲಯ ಸೇನಾನಿ ರೋ. ಇಕ್ಬಾಲ್ ಹಮ್ಮಾಜಿ ವಿಶೇಷ ಬಿನ್ನೆರಾದ್ ಬತ್ತಿತ್ತೆರು.

ನಿಕಟಪೂರ್ವ ಅಧ್ಯಕ್ಷೆ ರೋ. ಪಿ.ಎಚ್.ಎಫ್ ಶಲೆಟ್ ಲುವಿಸ್ ಸ್ವಾಗತ ಮಲ್ತೆರ್. ನಿಕಟ ಪೂರ್ವ ಕಾರ್ಯದರ್ಶಿ ರೋ ಪಿ ಎಚ್ ಎಫ್ ರೀನಾ ಆನಂದ್ ಶೆಟ್ಟಿ ಒಂಜಿ ವರ್ಷ ದ ವರದಿನ್ ಓದಿಯೆರ್. ಪೊಸ ಕಾರ್ಯದರ್ಶಿ ರೋ. ಗಿರೀಶ್ಚಂದ್ರ ಆರ್ ಸೊಲ್ಮೆ ಸಂದಾಯ್ತ ಮಲ್ತೆರ್. ರೋ. ಅಲೆನ್ ಲುವಿಸ್ & ಉಪನ್ಯಾಸಕೆರಾಯಿನ ಸುಚಿತ್ ಕೋಟ್ಯಾನ್ ನಿರೂಪಣೆ ಮಲ್ತೆರ್.