ತೋಟಗಾರಿಕಾ ಇಲಾಖೆ ಉಡುಪಿ,ಸುಫಲ ಫಾರ್ಮರ್ಸ್ ಪ್ರೊಡ್ಯೂಸರ್ ಕಂಪನಿ ಲಿಮಿಟೆಡ್,ಬೊಕ್ಕ ಎಐಸಿ ನಿಟ್ಟೆ ಮೊಕ್ಲೆನ ಒತ್ತುಸೇರಿಗೆಡ್ ರಾಷ್ಟ್ರೀಯ ಹಲಸು ಮೇಳ ಬೊಕ್ಕ ನಿಟ್ಟೆ ಗ್ರಾಮೋತ್ಸವ ಇನಿಡ್ದ್ 3 ದಿನ ನಡಪರೆಗುಂಡ್.
ಕಾರ್ಕಳ ತಾಲೂಕುದ ನಿಟ್ಟೆ ಇಂಜಿನಿಯರಿಂಗ್ ಕಾಲೇಜ್ ಅವರಣಡ್ ನಡಪುನ ಈ ಮೇಳ ಇನಿ ಕಾಂಡೆ 11.30 ಗಂಟೆಗ್ ಉದಿಪನ ಅವರೆಗುಂಡ್.ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷೆರಾಯಿನ ಶ್ರೀ ಮಟ್ಟಾರು ರತ್ನಾಕರ ಹೆಗ್ಡೆ ಕಜ್ಜೊದ ಉದಿಪನ ಮಲ್ಪರೆಗುಲ್ಲೆರ್.ಉದಿಪನದ ಕಜ್ಜೊಡ್ ಕಾರ್ಕಳ ತಾಲೂಕುದ ತಹಶೀಲ್ದಾರೆರಾಯಿನ ಶ್ರೀ ಪ್ರದೀಪ್ ಕುರುಡೇಕರ್ ಎಸ್., ಭಾರತೀಯ ಕಿಸಾನ್ ಸಂಘದ ಜಿಲ್ಲಾಧ್ಯಕ್ಷೆರಾಯಿನ ಶ್ರೀ ನವೀನ್ ಚಂದ್ರ ಜೈನ್,ಗುರ್ಮೆ ಫೌಂಡೇಶನ್ ದ ಸುರೇಶ್ ಶೆಟ್ಟಿ ಗುರ್ಮೆ,ಕಲ್ಲುಗುಣಿ ಮಾಲಕರ ಸಂಘದ ರಾಜ್ಯಾಧ್ಯಕ್ಷೆರಾಯಿನ ಶ್ರೀ ರವೀಂದ್ರ ಶೆಟ್ಟಿ ಬಜಗೋಳಿ,ಮಲ್ಲ ಬಿನ್ನೆರಾದ್ ಪಾಲ್ ಪಡೆಯೆಗುಲ್ಲೆರ್.
ಬಯ್ಯಗ್ 6 ಗಂಟೆಗ್ ಕನ್ನಡ &ಸಂಸ್ಕ್ರತಿ ಇಲಾಖೆ ಉಡುಪಿದ ಸಹಯೋಗ ದೊಟ್ಟುಗ್ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆಗುಂಡ್..
ಸುಮಾರು 55 ಸ್ಟಾಲ್ ಇತ್ತೆನೇ ಬುಕ್ ಆದ್,ದೇಶದ ಬೇತೆ ಬೇತೆ ಭಾಗೊಡ್ದ್ ಈ ಮೇಳೊಡ್ ಜನ ಪಾಲ್ ಪಡೆಯರೆಗುಲ್ಲೆರ್.ಎಲ್ಲೆದ ದಿನ ವೈಜ್ಞಾನಿಕ ತಂಡ ಈ ಮೇಳೊಡ್ ಪಾಲ್ ಪಡೆಯರೆಗುಲ್ಲೆರ್ ಪಂಡುದ್ ಸಂಘಟಕೆರ್ ತೆರಿಪಾದೆರ್.
by 