ಕನ್ನಡ ಜಾನಪದ ಪರಿಷತ್ ಕಾಪು ಘಟಕ

13ಶಿರ್ವ-1. ಕನ್ನಡ ಜಾನಪದ ಪರಿಷತ್ ಕಾಪು ತಾಲೂಕು ಘಟಕ ಅಗಸ್ಟ್ 13 ತಾರೀಕುಗ್ ಕಟಪಾಡಿ ಗ್ರಾಮ ಪಂಚಾಯತ್ ಸಭಾಭವನಡ್ ನಡತುಂಡ್. ರಾಜ್ಯೊಡ್ ಒಟ್ಟು 194 ತಾಲೂಕು ಘಟಕಲೆನ್  ತಾಪನೆ ಆದಿತ್ತುದ್ ಡಾ.ಎಸ್.ಬಾಲಾಜಿ ಶಿರ್ವಃ ಕನ್ನಡ ಜಾನಪದ ಪರಿಷತ್ ಬೆಂಗಳೂರು ಬೊಕ್ಕ ಉಡುಪಿ ಜಿಲ್ಲಾ ಘಟಕದ ವತಿಡ್ದ್  ಕಾಪು ತಾಲೂಕು ಘಟಕದ ಉದಿಪನ  ಸಮಾರಂಭ ನಡತುಂಡ್.
ಕನ್ನಡ ಜಾನಪದ ಪರಿಷತ್ ರಾಜ್ಯಾಧ್ಯಕ್ಷ ಡಾ. ಜಾನಪದ ಎಸ್. ಬಾಲಾಜಿ ಮೇರು ತುಳುನಾಡುದ ತೆಂಬರೆ ಬೊಟ್ಟುದ್  ಉದಿಪನ ಮಲ್ತುದ್, ಪಾತೆರ್ದ್ ಜನಪದನೇ ನಮ್ಮ ಉಸಿರು.  ನಾಡು, ಬಾಸೆನ್ ಕಟ್ಟುದ್ ಬುಲೆಪಾವರೆಗ್  ಜನಪದ ಕ್ಷೇತ್ರ ಬೊಕ್ಕ ಜನಪದ ಕಲಾವಿದೆರೆನ ಪಾತ್ರ ಮಹತ್ವವಾದುಂಡ್. ಜನಪದನ್ ಒರಿಪಾದ್  ಬುಲೆಪಾವರೆಗ್  ಕನ್ನಡ ಜಾನಪದ ಪರಿಷತ್ ನಿರಂತರವಾದ್ ಬೇಲೆ ಮರಲ್ತೊಂದುಂಡ್. ಕಾಪು ತಾಲೂಕು ತಹಶೀಲ್ದಾರ್ ಡಾ.‌ಪ್ರತಿಭಾ ಆರ್. ಪಾತೆರ್ದ್, ಜನಪದ ಕಲೆ ತತ್ವ, ನೀತಿ, ಮನರಂಜನೆದ ಪ್ರಾಕಾರ ವಾದುಂಡ್. ಆಂಡ ಇನಿ ಜನಪದ ಕಲೆ ಜನಕ್ಲೆಡ್ದ್ ದೂರ ಆವೊಂದುಂಡ್. ಆಧುನಿಕತೆ ಬುಲೆಯಿಲೆಕ್ಕ ನಮ್ಮ ಸಂಸ್ಕೃತಿ, ಸಂಸ್ಕಾರ, ಕಲೆ ಮದೆಯಾವೊಂದಿತ್ತುದ್ ಉಂದೆನ್ ಒರಿಪಾದ್ , ಬುಲೆಪಾವುನ ನಮ್ಮ ಜವಾಬ್ದಾರಿಯಾದುಂಡ್  ಪಂಡೆರು. ಕಾಪು ತಾಲೂಕು ಘಟಕದ ಅಧ್ಯಕ್ಷ ದಯಾನಂದ ಕೆ. ಶೆಟ್ಟಿ ದೆಂದೂರು ಬೊಕ್ಕ ಪದಾಧಿಕಾರಿಲು ಅಧಿಕಾರ ಸ್ವೀಕಾರ ಮಲ್ತೆರು. ಕಟಪಾಡಿ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಪ್ರಭಾ ವಿ.ಶೆಟ್ಟಿ ಅಧ್ಯಕ್ಷತೆಡಿತ್ತೆರು. ಕಟಪಾಡಿದ  ಆಯುರ್ವೇದ ತಜ್ಞ ಡಾ.ಯು.ಕೆ.ಶೆಟ್ಟಿ, ಉಡುಪಿ ಹೃದಯಂ ಫೌಂಡೇಶನ್ ಅಧ್ಯಕ್ಷ ಸುಭಾಸ್ ಎಂ.ಸಾಲಿಯಾನ್, ಕನ್ನಡ ಜಾನಪದ ಪರಿಷತ್ ಉಡುಪಿ ತಾಲೂಕು ಘಟಕದ ಅಧ್ಯಕ್ಷೆ ಮಾಯಾ ಕಾಮತ್, ಕಟಪಾಡಿ ಸ್ವಸ್ತಿಕ್ ಸಂಘದ ಅಧ್ಯಕ್ಷ ರಮೇಶ್ ಕೆ.ಕೋಟ್ಯಾನ್ ಕಟಪಾಡಿ ಉಪಸ್ಥಿತರಿತ್ತೆರು. ಈ ಸಂದರ್ಭಡ್ ಕಟಪಾಡಿದ  ನಾಟಿ ವೈದ್ಯ ಸತೀಶ್ ಶೆಟ್ಟಿಗಾರ್ ಅರೆಗ್ ಜಾನಪದ ವೈದ್ಯಸಿರಿ ಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ತೆರ್. . ಉಡುಪಿ ಜಿಲ್ಲಾ ಜಾನಪದ ಪರಿಷತ್ ಅಧ್ಯಕ್ಷ ಡಾ.ಗಣೇಶ್ ಕುಮಾರ್ ಗಂಗೊಳ್ಳಿ ಪ್ರಾಸ್ತಾವಿಕವಾದ್ ಪಾತೆರಿಯೆರು. ಕಾಪು ತಾಲೂಕು ಅಧ್ಯಕ್ಷ ದಯಾನಂದ ಕೆ.ಶೆಟ್ಟಿ ಸ್ವಾಗತ ಮಲ್ತುದ್ . ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಪ್ರಕಾಶ ಸುವರ್ಣ ಕಟಪಾಡಿ ನಿರೂಪಣೆ ಮಲ್ತೆರು. ತಾಲೂಕು ಘಟಕದ ಕಾರ್ಯದರ್ಶಿ ಕೆ.ನಾಗೇಶ್ ಕಾಮತ್ ಕಟಪಾಡಿ ವಂದಿಸಾಯೆರು.