ಪತ್ರಕರ್ತೆರ್ ಸುದ್ದಿನ್ ಬರೆಪಿನೊಟ್ಟುಗ್ ವಿಶೇಷ ಸುದ್ದಿನ್ ಆಧಾರದೊಟ್ಟುಗ್ ಬರೆಯೊಡ್ ಪಂಡುದ್ ಪೆರಿಯ ಪತ್ರಕರ್ತೆರಾಯಿನ ಕೆ.ಎಲ್.ಕುಂಡಂತಾಯೆರ್ ಪಂಡೆರ್.ಬೆಂಗಳೂರು ಪತ್ರಕರ್ತರ ವೇದಿಕೆದ ಉಡುಪಿ ಜಿಲ್ಲಾ ಘಟಕದ ವತಿಡ್ದ್ ಕುಂಜೂರುದ ಅರೆನ ಇಲ್ಲಡೇ ನಡತಿನ ಹಿರಿಯರೆಡೆಗೆ ನಮ್ಮ ನಡಿಗೆ ಕಾರ್ಯಕ್ರಮೊಡ್ ಪತ್ರಿಕೋದ್ಯಮ ಕ್ಷೇತ್ರೊಡ್ ಸುದೀರ್ಘವಾದ್ ಸೇವೆ ಮಲ್ತಿನ ಅರೆಗ್ ಮಾನಾದಿಗೆ ಮಲ್ತಿನ ಪೊರ್ತುಡ್ ಮಾನಾದಿಗೆ ದೆತೊಂದ್ ಪಾತೆರಿಯೆರ್.
ಒವ್ವೇ ವಿಚಾರದ ಬಗ್ಗೆ ಬರೆಯನಗ ಸರಿಯಾದ್ ಮಾಹಿತಿ ತೆರಿಯೊಂದ್ ಬರೆಯೊಡ್.ಇಜ್ಜಿಡ ಗೊಂದಲ ಸ್ರಷ್ಟಿಯಾಪುಂಡ್.ಈ ನಿಟ್ಟುಡ್ ಪತ್ರಕರ್ತೆರ್ ಜಾಗ್ರತೆಡ್ ಬರೆಯೊಡ್ ಪಂಡುದ್ ತೆರಿಪಾಯೆರ್.
ಕಾರ್ಯಕ್ರಮದ ಅಧ್ಯಕ್ಷತೆನ್ ಪ್ರತಿನಿಧಿ ಪತ್ರಿಕೆದ ಸಂಪಾದಕೆರಾಯಿನ ಹಾಸನದ ಉದಯರವಿ ಮೇರ್ ಇತ್ತೆರ್.ಕರ್ನಾಟಕ ಸಾಹಿತ್ಯ ಪರಿಷತ್ ದ ರಾಜ್ಯಾಧ್ಯಕ್ಷೆರಾಯಿನ ಡಾ.ಹರಿಕ್ರಷ್ಣ ಪುನರೂರು ಕೆ.ಎಲ್.ಕುಂಡಂತಾಯ ಮೆರೆಗ್ ಮಾನಾದಿಗೆ ಮಲ್ತುದ್ ಎಡ್ಡೆಪ್ಪು ಬಯಕಿಯೆರ್.
ಪತ್ರಕರ್ತೆರೆನ ವೇದಿಕೆ ಬೆಂಗಳೂರುದ ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ಡಾ.ಶೇಖರ್ ಅಜೆಕಾರ್ ಪ್ರಾಸ್ತವಿಕವಾದ್ ಪಾತೆರ್ದ್ ಯುವ ಪತ್ರಕರ್ತೆರೆನ್ ಗುರುತಿಸಾವುನ ಬೊಕ್ಕ ಪೆರಿಯ ಪತ್ರಕರ್ತೆರೆನ್ ಗುರುತಿಸಾವುನ ಬೇಲೆನ್ ವೇದಿಕೆ ನಿರಂತರವಾದ್ ಮಲ್ತೊಂದ್ ಬರೊಂದುಂಡ್..ಈ ನಿಟ್ಟುಡ್ ಪತ್ರಿಕಾ ಕ್ಷೇತ್ರೊಗ್ ಯುವಕೆರ್ ತೊಡಗಿಸಾವೊನರೆಗ್ ಈ ವೇದಿಕೆ ಸ್ಪೂರ್ತಿ ಯಾತುಂಡ್ ಪಂಡೆರ್.
ಕಾರ್ಯಕ್ರಮೊಡ್ ಉಡುಪಿದ ಉದ್ಯಮಿ ವಿಶ್ವನಾಥ ಶೆಣೈ,ಸುರೇಶ್ ಪೈ,ಕರುಣಾ ಪೈ,ಕ.ಸಾ.ಪ.ಉಡುಪಿ ತಾಲ್ಲೂಕುದ ಕಾರ್ಯದರ್ಶಿ ಜನಾರ್ದನ ಕೊಡವೂರು,ಯುವವಾಹಿನಿ ಕಾಪು ಘಟಕದ ಅಧ್ಯಕ್ಷೆರಾಯಿನ ಸಚಿನ್,ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಸಂಪಾದಕೆರಾಯಿನ ಯಶೋಧರ ಕೋಟ್ಯಾನ್, ಪ್ರಶಾಂತ್ ಕಾಮತ್ ಕುಕ್ಕಿಕಟ್ಟೆ, ಮುಂಡ್ಕೂರು ವಿದ್ಯಾವರ್ಧಕ ಪದವಿ ಪೂರ್ವ ಕಾಲೇಜಿದ ನಿವ್ರತ್ತ ಪ್ರಿನ್ಸಿಪಾಲ್ ಸುದರ್ಶನ ವೈ.ಎಸ್.,ಬೊಕ್ಜ ಗುರುರಾಜ ಮಂಜಿತ್ತಾಯ ಉಪಸ್ಥಿತರಿತ್ತೆರ್.
ಶೇಖರ ಅಜೆಕಾರ್ ಸ್ವಾಗತ ಮಲ್ತುದ್,ಸುರೇಂದ್ರ ಪಣಿಯೂರು ಸೊಲ್ಮೆ ಸಂದಾಯ್ತ ಮಲ್ತೆರ್.ಪತ್ರಕರ್ತೆರಾಯಿನ ರಾಕೇಶ್ ಕುಂಜೂರು ಕಾರ್ಯಕ್ರಮದ ನಿರೂಪಣೆ ಮಲ್ತೆರ್.
by 