ಕೈಮಗ್ಗ ಮೇಳ

ಜನವರಿ 1 ಡ್ದ್  15 : ರಾಜಮಾತೆ ಅಹಲ್ಯಾಬಾಯಿ ಹೋಳ್ಕರ್ ಜನ್ಮ ತ್ರಿಶತಾಬ್ದಿ ಮಹೋತ್ಸವದ ಪ್ರಯುಕ್ತ ರಾಜಾಂಗಣಡ್ ಕೈಮಗ್ಗ ಸೀರೆಗಳ ಪ್ರದರ್ಶನ ಬೊಕ್ಕ ಮಾರಾಟ ಮೇಳ

ಪರ್ಯಾಯ ಶ್ರೀ ಪುತ್ತಿಗೆ ಶ್ರೀ ಕೃಷ್ಣ ಮಠದ ಆಶ್ರಯಡ್
ರಾಜಮಾತೆ ಅಹಲ್ಯಾಬಾಯಿ ಹೋಳ್ಕರ್ ಜನ್ಮತ್ರಿಶತಾಬ್ದಿ ಆಚರಣಾ ಸಮಿತಿ ಬೊಕ್ಕ ಪದ್ಮಶಾಲಿ ನೇಕಾರ ಪ್ರತಿಷ್ಠಾನ (ರಿ.) ಉಡುಪಿದ ಸಹಭಾಗಿತ್ವಡ್

ರಾಜಮಾತೆ ಅಹಲ್ಯಾ ಬಾಯಿ ಹೊಳ್ಕರ್ ಜನ್ಮ ತ್ರಿಶತಾಬ್ದಿ ಮಹೋತ್ಸವದ ಪ್ರಯುಕ್ತ ಕೈಮಗ್ಗ ಸೀರೆದ  ಪ್ರದರ್ಶನ ಬೊಕ್ಕ ಮಾರಾಟ ಮೇಳ ಜನವರಿ 1 ಡ್ದ್  15ಮುಟ್ಟ ಶ್ರೀ ಕೃಷ್ಣ ಮಠದ ರಾಜಾಂಗಣಡ್  ನಡಪರೆಗುಂಡ್.

ರಾಜಮಾತೆ, ಮರಾಠಾ ಒಕ್ಕೂಟದ ಇಂದೋರ್‌ನ ಮಹಾರಾಣಿಯಾದ್, ಸಾದ್ವಿಯಾದುಲಾ ಪುಗಾರ್ತೆ ಪಡೆಯಿನ ರಾಜಮಾತೆ ಅಹಲ್ಯಬಾಯಿ ಹೋಳ್ಕರ್ ಮೇರು ಮಹೇಶ್ವರನ್ (ಮಧ್ಯಪ್ರದೇಶದಲ್ಲಿ) ಹೋಳ್ಕರ್ ರಾಜವಂಶದ ಕೇಂದ್ರವಾದ್  ಸ್ಥಾಪನೆ ಮಲ್ತೆರು. ಭಾರತೀಯ ಇತಿಹಾಸದ ಜನಪ್ರಿಯ ಮಹಿಳಾ ಆಡಳಿತಗಾರ್ತಿಯಾದ್  ಎಡ್ಡೆ ಆಡಳಿತ, ಸಾಮಾಜಿಕ ಕಲ್ಯಾಣ, ಧಾರ್ಮಿಕ, ಶೈಕ್ಷಣಿಕ ಬೊಕ್ಕ  ಸಾಂಸ್ಕೃತಿಕ ಪ್ರಗತಿದೊಟ್ಟುಗ್  ಮಾನವೀಯ ಕೆಲಸಲೆಗ್ ಪುಗಾರ್ತೆನ್ ಪಡೆದೆರು. ಆರು ಬೇತೆ ಬೇತೆ ದೇವಾಳು, ಘಾಟ್‌ ಲು ಬೊಕ್ಕ  ಧರ್ಮಶಾಲೆದ ಮೂಲಕ ಭಾರತೀಯ ವಾಸ್ತುಶಿಲ್ಪದ ಬೆಳವಣಿಗೆಗೆ ಕೊಡುಗೆ ಕೊರಿಯೆರು. ಅಹಲ್ಯಾಬಾಯಿನ  ಮಠ, ಅತ್ತುಂಡ ದತ್ತಿ ಸಂಸ್ಥೆಲು ಭಾರತದಾದ್ಯಂತ ಪಸರಿಸಾದುಂಡ್, ಆರು ಸಾಧ್ವಿಯಾದುಲಾ  ನೆನಪಾಪೆರ್. ಕೈಮಗ್ಗದ ಉದ್ಯಮದ ಮೂಲಕ ಸಹಸ್ರಾರು ಮಹಿಳೆಯೆರೆಗ್ ಉದ್ಯೋಗದಾತೆರಾದ್ ‘ಮಾಹೇಶ್ವರಿ’ ಸೀರೆದ ಏಳಿಗೆಗು ಕಾರಣರಾಪೆರ್.

ಅರೆನ  ಸ್ಮರಣಾರ್ಥ ನಡಪುನ ಈ ಕೈಮಗ್ಗ ಸೀರೆದ ಪ್ರದರ್ಶನ ಬೊಕ್ಕ ಮಾರಾಟ ಮೇಳದ ಉದ್ಘಾಟನೆನ್ 1.1.2025 ತಾರೀಕುಗ್  ಕಾಂಡೆ 10:00 ಗಂಟೆಗ್ ಸರಿಯಾದ್ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು (ಪರ್ಯಾಯ ಶ್ರೀ ಪುತ್ತಿಗೆ ಶ್ರೀಕೃಷ್ಣ ಮಠ ಉಡುಪಿ) ನಡಪಾದ್ ಕೊರ್ಪೆರ್.

ಮುಖ್ಯ ಅತಿಥಿಲಾದ್  ಉಡುಪಿದ  ಶಾಸಕೆರು ಶ್ರೀ ಯಶ್ ಪಾಲ್ ಸುವರ್ಣ ಬೊಕ್ಕ ಗೌರವ ಅತಿಥಿಲಾದ್ಡಾ| ಪುಷ್ಪಾ ಕಿಣಿ (ಮಕ್ಕಳ ತಜ್ಞರು, ಕೆಎಂಸಿ ಮಣಿಪಾಲ) ಮೇರು ಪಾಲ್ ಪಡೆಯರೆಗುಲ್ಲೆರ್.

ವಿಶೇಷವಾದ್  ರಾಜಮಾತೆ ಅಹಲ್ಯಾಬಾಯಿ ಹೋಳ್ಕರ್ ಮೆರೆಡ್ದ್  ಏಳಿಗೆ ತೂಯಿನ  ಮಾಹೇಶ್ವರಿ ಸೀರೆಲು ಈ ಮೇಳದ ವಿಶೇಷ ಆಕರ್ಷಣೆಯಾದುಂಡ್. ಒಟ್ಟುಗ್ ಉಡುಪಿ, ಇಳಕಲ್, ಕೋಲ್ಕತ್ತಾ, ವೆಂಕಟಗಿರಿ, ಮಧುಬನಿ, ಬಿಹಾರದ ಕಸೂತಿ, ಕೈ ನೇಯ್ಗೆ, ಸುಜನಿ, ಝಾರ್ಕಂಡ್ ನ ತಸರ್ ಸಿಲ್ಕ್, ಕಾಟನ್ ಸಿಲ್ಕ್, ಕೋಲಾರ ಸಿಲ್ಕ್, ಧಾರವಾಡ ಕಸೂತಿ, ಪೋಚಂಪಲ್ಲಿ, ಮಲಬಾರಿ ಸಿಲ್ಕ್, ಮೈಸೂರ್ ಕ್ರೇಪ್ ಸಿಲ್ಕ್, ಕಾಶ್ಮೀರ, ಲಡಾಕ್, ಮೊಳಕಾಲ್ಮುರು, ಹುಬ್ಬಳ್ಳಿ ಕಾಟನ್, ಕೊಳ್ಳೇಗಾಲ ಸಿಲ್ಕ್, ಸೀರೆಗಳು, ಪಶ್ಮಿನ, ಕಲಂಕಾರಿ, ಮಧುಬನಿ, ಜಾರ್ಕಂಡ್ ಶಾಲು ಬೊಕ್ಕ ಡ್ರೆಸ್ ಮೆಟೀರಿಯಲ್ಸ್,
ಮಟ್ಕಾ ಸಿಲ್ಕ್, ತಸರ್ ಸಿಲ್ಕ್, ಎರಿ ಸಿಲ್ಕ್ ಸೀರೆ, ಶಾಲು, ಡ್ರೆಸ್
ಮೈಸೂರ್, ತುಮ್ಮಿನಕಟ್ಟಿ, ಗುತ್ತೂರ್ ಟವೆಲ್, ಬೆಡ್ ಶೀಟ್, ಲುಂಗಿ, ಶರ್ಟ್ ಗಳು ಲಭ್ಯ ಉಂಡು ಪಂಡುದು ರಾಜಮಾತೆ ಅಹಲ್ಯಾಬಾಯಿ ಹೋಳ್ಕರ್ ಜನ್ಮತ್ರಿಶತಾಬ್ದಿ ಮಹೋತ್ಸವ ಆಚರಣಾ ಸಮಿತಿ ಬೊಕ್ಕ ಪದ್ಮಶಾಲಿ ನೇಕಾರ ಪ್ರತಿಷ್ಠಾನ (ರಿ.) ಉಡುಪಿದ ಪ್ರಕಟಣೆ ತೆರಿಪಾದುಂಡ್.