ಕಲಾವಿದೆರ್ ತಂತ್ರಜ್ಞೆರ್ನ ಒಕ್ಕೂಟ

ಕಲಾವಿದೆರ್, ತಂತ್ರಜ್ಞೆರ್ನ ಒಕ್ಕೂಟದ ಪೊಸ ಅಧ್ಯಕ್ಷೆರಾದ್ ಲಂಚುಲಾಲ್ ಅವಿರೋಧ ಆಯ್ಕೆ

ಕುಡ್ಲ : ಕೋಸ್ಟಲ್ ವುಡ್ ಕಲಾವಿದರ ಮತ್ತು ತಂತ್ರಜ್ಞರ ಸಹಕಾರಿ ಒಕ್ಕೂಟ (ರಿ) (ಕ್ಯಾಟ್ಕ)ದ ಪೊಸ ಅಧ್ಯಕ್ಷೆರಾದ್ ಯುವ ನಿರ್ಮಾಪಕೆ, ನಟೆ ಲಂಚುಲಾಲ್ ಕೆ‌.ಎಸ್ ಮೇರ್ ಆಯ್ಕೆ ಆಯೆರ್.
ಉರ್ವಸ್ಟೋರ್
ಅಶೋಕನಗರದ ದೇವಾಂಗ ಭವನಡ್ ನಡತಿನ ಕೋಸ್ಟಲ್ ವುಡ್ ಕಲಾವಿದೆರ್ ಬೊಕ್ಕ ತಂತ್ರಜ್ಞೆರ್ನ ಸಹಕಾರಿ ಒಕ್ಕೂಟದ ವಾರ್ಷಿಕ ಮಹಾಸಭೆಟ್ಟ್ ಲಂಚುಲಾಲ್ ಕೆ.ಎಸ್ ಅಧ್ಯಕ್ಷೆರಾದ್, ಸಂದೀಪ್ ಶೆಟ್ಟಿ ಸುರತ್ಕಲ್ ಬೊಕ್ಕ ನಾಯಕ ನಟೆ ಅನೂಪ್ ಸಾಗರ್ ಉಪಾಧ್ಯಕ್ಷೆರಾದ್ ಆಯ್ಕೆ ಆಯೆರ್.
ಸುಧಾಕರ್ ಶೆಟ್ಟಿ ಬೆದ್ರ ಪ್ರಧಾನ ಕಾರ್ಯದರ್ಶಿಯಾದ್, ಅನಿಲ್ ಕರ್ಕೇರ ಖಜಾಂಚಿಯಾದ್, ವಿನಾಯಕ್ ಜಪ್ಪು ಜತೆ ಕಾರ್ಯದರ್ಶಿ ಯಾದ್ ಆಯ್ಕೆ ಆಯೆರ್. ಯತೀಶ್ ಪೂಜಾರಿ ತಾರನಾಥ್ ಉರ್ವ ಸಾಂಸ್ಕೃತಿಕ ಕಾರ್ಯದರ್ಶಿ ಯಾದ್ ಆಯ್ಕೆ ಆಯೆರ್.
ಮಹಮ್ಮದ್ ಅಸ್ಗರ್, ಅಜಿತ್ ಶೆಟ್ಟಿ ಕಾವೂರ್ ಸಂಘಟನಾ ಕಾರ್ಯದರ್ಶಿಲಾದ್ ಆಯ್ಕೆ ಆಯೆರ್. ಚರಣ್ ರಾಜ್, ರಂಜನ್ ಬೋಳೂರು, ವಿಜಯ್ ಪಂಜಿಮೊಗೆರ್, ಸುಕೇಶ್ ಶೆಟ್ಟಿ ಪಡುಪದವು, ಸಚ್ಚಿಂದ್ರ ಶೆಟ್ಟಿ ಉಡುಪಿ, ಮಂಜುನಾಥ್ ಚೇರ್ಕಾಡಿ ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ಆಯ್ಕೆ ಆಯೆರ್.
ಕೋಸ್ಟಲ್ ವುಡ್ ದ CPL ಕಮಿಟಿದ BCCC ಚೇರ್ ಮನ್ ಆದ್ ಪ್ರಕಾಶ್ ಶೆಟ್ಟಿ ಧರ್ಮನಗರ ಆಯ್ಕೆ ಆಯೆರ್.

ಉಂದುವೇ ಪೊರ್ತುಡು ಪಾತೆರ್ನ ಪೊಸ ಅಧ್ಯಕ್ಷೆರ್ ಲಂಚುಲಾಲ್ , ನನದ 2 ವರ್ಷಡ್ ಕಲಾವಿದರೆಗಾದ್ ಅಂಚೆನೆ ತುಳು ಚಿತ್ರರಂಗದ ಅಭಿವೃದ್ಧಿಗಾದ್ ಕೆಲವು ಯೋಜನೆಲೆನ್ ಪಾಡ್ದ್ ಕೂಟದ ಪುದರ್ ನ್ ನನಲ ಎತ್ತರೊಗು ಕೊನೊಪ ಪಂಡೆರ್.
ವಾರ್ಪಿಕ ಮಹಾಸಭೆಟ್ಟ್ ಒಕ್ಕೂಟದ ಸ್ಥಾಪಕ ಅಧ್ಯಕ್ಷೆರ್ ಅಶ್ವಿನಿ ಕೋಟ್ಯಾನ್, ಮಾಜಿ ಅಧ್ಯಕ್ಷೆರಾಯಿನ ಮೋಹನ್ ಕೊಪ್ಪಳ ಕದ್ರಿ, ಪಮ್ಮಿ ಕೊಡಿಯಾಲ್ ಬೈಲ್ ಮಹಮ್ಮದ್ ಅಸ್ಗರ್, ಅನೂಪ್ ಸಾಗರ್ ಇತ್ತೆರ್.