ಕಲ್ಯಾಣಪುರ ರೋಟರಿ ಕ್ರಿಸ್ಮಸ್ & ಪೊಸ ವರ್ಷ ಆಚರಣೆ.

: ಕಲ್ಯಾಣಪುರ ರೋಟರಿ ಕ್ಲಬ್ ದ ಸದಸ್ಯೆರು ಬೊಕ್ಕ ಕುಟುಂಬದಕ್ಲೆಡ್ದ್ ಇಂಚಪ್ಪೊಗ್ ಕ್ರಿಸ್ಮಸ್ ಬೊಕ್ಕ ಪೊಸ ವರ್ಷದ ಆಚರಣೆನ್ ಮಲ್ತೆರ್. ಕ್ಲಬ್ ದ ಅಧ್ಯಕ್ಷೆರಾಯಿನ ರೋ ಶಂಭು ಶಂಕರ್ ಸ್ವಾಗತ ಮಲ್ತೆರ್. ಮುಖ್ಯ ಅತಿಥಿಯಾದ್ ರೋ. ಕೆ ಪದ್ಮನಾಭ ಕಾಂಚನ್ ಮೇರ್ ಕ್ರಿಸ್ಮಸ್ ಪರ್ಬದ ಆಚರಣೆದ ಹಿನ್ನೆಲೆ ಬೊಕ್ಕ ಸಂಪ್ರದಾಯದ ಬಗ್ಗೆ ಪಾತೆರ್ದ್ ವಿಶ್ವ ಶಾಂತಿ, ಸೌಹಾರ್ದತೆದ ಬಗ್ಗೆ ಪಾತೆರಿಯೆರ್. ಮುಖ್ಯ ಅತಿಥಿಯಾದಿತ್ತಿನ ನಿಕಟಪೂರ್ವ ಜಿಲ್ಲಾ ಗವರ್ನರ್ ರೋ.ರಾಜರಾಮ ಭಟ್ ಮೇರ್ ಪಾತೆರ್ದ್ ಕ್ಲಬ್ ದ ಚಟುವಟಿಕೆಲೆನ್ ಪುಗಾರಿಯೆರ್.

ಈ ಸಂದರ್ಭಡ್ ಸೇವೆ ಮಲ್ತೊಂದುಪ್ಪುನ ಕ್ಲಾರೆನ್ಸ್ ಡಿಸೋಜ ಬೊಕ್ಕ ಸೇವಾಧಾಮ ವಿಶೇಷ ಪುನರ್ವಸತಿ ಸಂಸ್ಥೆ ದ ರಾಯನ್ ಫೇರ್ನಾಂಡಿಸ್ ಮೆರೆನ್ ಸನ್ಮಾನ ಮಲ್ತೆರ್. ಬೊಕ್ಕ ಸಂಸ್ಥೆದ ಚಟುವಟಿಕೆಗ್ ರೂಪಾಯಿ.5000.00 ದೇಣಿಗೆ ವಿತರಣೆ ಮಲ್ತೆರ್.

ರೋ.ರೀನಾ ಶೆಟ್ಟಿ ಬೊಕ್ಕ ರೋ.ಲಿಯೋ ಅಂದ್ರಾದೆ ಮೇರ್, ಸದಸ್ಯೆರೆಗ್ ಮನೋರಂಜನಾ ಗೊಬ್ಬುಲೆನ್ ಆಯೋಜನೆ ಮಲ್ತೆರ್. .ಕಜ್ಜೊಡ್ ಬೊಕ್ಕ
ವಿಶೇಷ ಖಾದ್ಯೊದ ಸಹಭೋಜನ ಕೂಟೊನ್ ಆಯೋಜನೆ ಮಲ್ದಿತ್ತೆರ್.

ಕಾರ್ಯದರ್ಶಿ ರೋ ಪ್ರಕಾಶ್ ಮೇರ್ ಧನ್ಯವಾದ ಕೊರಿಯೆರ್. ಅಲೆನ್ ಲೂವಿಸ್ ಬೊಕ್ಕ ಗಿರೀಶ್ಚಂದ್ರ ಮೇರ್ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.