ಕಣ್ಣೀರ ಕಣಿವೆ

ಡಾ ರಾಹುಲ್ ಮೆಗೆಝಿನ್ ಎಂಬ ಕಾಶ್ಮೀರಿ ಪಂಡಿತೆರು ಬರೆತಿನ And the Valley Remained Silent ಕೃತಿತ  ಕನ್ನಡ ಅನುವಾದ ಕೃತಿ “ಕಣ್ಣೀರ ಕಣಿವೆ” ಕಾಶ್ಮೀರಿ ನೆಲೆಟ್ ನೆಲೆ ಕಳೆಯೊಂದಿನಕ್ಲೆನ  ಕಥೆ” ಪುಸ್ತಕನ್ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಶ್ರೀಪಾದೆರು ಶ್ರೀ ಪುತ್ತಿಗೆ ಪರ್ಯಾಯ ಶ್ರೀಕೃಷ್ಣ ಮಠ ಮೇರು ಬುಡುಗಡೆ ಮಲ್ತುದ್” ಡಾ ರಾಹುಲ್ ಮೆಗೆಝಿನ್ ಸ್ವತಃ ಅನುಭವಿಸಾಯಿನ,ಪ್ರತ್ಯಕ್ಷ ತೂಯಿನ ಕಾಶ್ಮೀರಿ ಮುಸ್ಲಿಂ ಭಯೋತ್ಪಾದಕೆರು ಹಿಂದುಲೆನ  ಮಿತ್ತ್  ಮಲ್ದಿನ ಬರ್ಬರ ಜನಾಂಗೀಯ ಹತ್ಯೆನ್ , ಅತ್ಯಾಚಾರಲೆನ್ ಹೂಬೇ ಹೂಬೇ ತಮ್ಮ ಪುಸ್ತಕಡ್ ಚಿತ್ರಣ ಮಲ್ದೆರ್.ಇಂಚಿನ ಸಂಗತಿಲೆನ್ ಮಾಧ್ಯಮದಕುಲು  ಪನ್ಪಿನ  ತುಂಬ ಕಡಿಮೆ.ಈ ಕಾಶ್ಮೀರಿ ಪಂಡಿತೆರೆಗ್  ನ್ಯಾಯ ಸಿಕ್ಕೊಡ್.ಈ ಪುಸ್ತಕನ್  ಮಾತೆರ್ಲ ಓದೊಡ್ ಪಂಡುದು ಲೆಪ್ಪು ಕೊರಿಯೆರು‌
ವೇದಿಕೆಡ್  ಶ್ರೀ ಶ್ರೀ ಸುಶೀಂದ್ರ ತೀರ್ಥ ಶ್ರೀಪಾದೆರು ಉಪಸ್ಥಿತರಿತ್ತೆರು‌ ಈ ಪುಸ್ತಕನ್  ಪ್ರಕಟಿಸಾಯಿನ ಅಯೋಧ್ಯ ಪಬ್ಲಿಕೇಶನ್ಸ್ ಪ್ರಕಾಶನದ ಶ್ರೀ ರೋಹಿತ ಚಕ್ರತೀರ್ಥೆರು ಪಾತೆರ್ದ್  “ಈ ಪುಸ್ತಕದ ಮೂಲಕ ಡಾ ರಾಹುಲ್ ಮೆಗೆಝಿನ್ ಮೇರು ತಮ್ಮ ಹಿಂದು ಸಮುದಾಯಗ್  ಆಯಿನ  ಅನ್ಯಾಯನ್  ವ್ಯಕ್ತಪಡಿಸಾದೆರ್. ಕಾಶ್ಮೀರಿ ಹಿಂದುಲೆಗ್ ನ್ಯಾಯ ಸಿಕ್ಕಡ್ ಪಂಡೆರು‌
ಅನುವಾದಕೆರಾಯಿನ ಶ್ರೀ ಉದಯಕುಮಾರ ಹಬ್ಬು ಮೇರು ಪುಸ್ತಕನ್  ಪರಿಚಯ ಮಲ್ತೆರು‌
ಶ್ರೀಮತಿ ಮೇಘನಾ ಭಟ್ಟೆರು ಕಾರ್ಯಕ್ರಮ ನಿರ್ವಹಣೆ ಮಲ್ತೆರು

ಡಾ ಚಿನ್ಮಯಿ ಪೆಡ್ಡಿಸೆಟ್ಟಿ ಪ್ರಾರ್ಥನೆ ಮಲ್ತೆರು. ಡಾ ಕುಶಾಂತ ಪಿ ಸಭೆಕ್  ಸ್ವಾಗತ ಮಲ್ತೆರು.
ಡಾ ರಾಹುಲ್ ಮೆಗೆಝಿನ್ ಮೂಲ ಕೃತಿತ್ತ  ಲೇಖಕ ಬೊಕ್ಕ ಅರೆನ  ಪೊಪ್ಪ  ಡಾ ಮನಮೋಹನ್ ಕಿಶನ್ ಮೆಗೆಝಿನ್ ಉಪಸ್ಥಿತರಿತ್ತೆರು. ಡಾ ಮನಿಷ್ ಆರ್ ಶೆಟ್ಟಿ ವಂದನಾರ್ಪಣೆ ಮಲ್ತೆರು.