ಕಾಂತಾರದ ಮಾಧವ ಆಚಾರಿ ಪಾತ್ರದ ಪ್ರಭಾಕರ್ ಕುಂದರ್ ಮೆರೆನ್ ಮೊಗವೀರ ಸಂಘಟನೆ ಗುರುತಿಸಾಯಿನ ಪೊರ್ತು.

ಅಂತರರಾಷ್ಟ್ರೀಯ ಮಟ್ಟೊಡ್ ಪುಗಾರ್ತೆನ್ ಪಡೆಯಿನ “ಕಾಂತಾರ” ಸಿನೇಮಾಡ್ ಮಾಧವ ಆಚಾರಿನ ಪಾತ್ರ ಮಲ್ದಿನ ಬ್ರಹ್ಮಾವರದ ಪ್ರಭಾಕರ್ ಕುಂದರ್ ಮೆರೆನ್ ಮೊಗವೀರ ಯುವಸಂಘಟನೆ(ರಿ) ಉಡುಪಿ ಜಿಲ್ಲೆದ ವಾರ್ಷಿಕ ಮಹಾಸಭೆಟ್ ಮೊಗವೀರ ಮುಂದಾಳು ನಾಡೋಜ ಡಾ.ಜಿ.ಶಂಕರ್ ಮೇರ್ ಗುರುತಿಸಾದ್ ಮಾನಾದಿಗೆ ಮಲ್ತೆರ್.
ಪ್ರಭಾಕರ್ ಕುಂದರ್ ಮೇರ್ ಮೊಗವೀರ ಯುವಸಂಘಟನೆ ಬ್ರಹ್ಮಾವರ ಘಟಕದ ಸದಸ್ಯೆರಾದುಲ್ಲೆರ್.
ಜನವರಿ 29 ತಾರೀಕುದಾನಿ ಉಡುಪಿ ಅಂಬಲಪಾಡಿದ ಶ್ಯಾಮಿಲಿಡ್ ನಡತಿನ ಮೊಗವೀರ ಯುವಸಂಘಟನೆದ ವಾರ್ಷಿಕ ಮಹಾಸಭೆಟ್ ಜಿಲ್ಲಾಧ್ಯಕ್ಷೆರಾಯಿನ ರಾಜೇಂದ್ರ ಸುವರ್ಣ ಹಿರಿಯಡಕ ಅಧ್ಯಕ್ಷತೆಡಿತ್ತೆರ್.ಸಂಘಟನೆದ ನಿಕಟಪೂರ್ವ ಅಧ್ಯಕ್ಷೆರಾಯಿನ ಶಿವರಾಮ್ ಕೋಟ,ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್,ಬಾರ್ಕೂರು ಸಂಯುಕ್ತ ಸಭಾದ ಅಧ್ಯಕ್ಷೆರಾಯಿನ ಸತೀಶ್ ಬಾರ್ಕೂರು,ಸಂಘಟನೆದ ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರವೀಶ್ ಎಸ್.ಕೊರವಡಿ,ಕೋಶಾಧಿಕಾರ್ ಶೇಖರ್ ತೋಳಾರ್ ಉಪಸ್ಥಿತರಿತ್ತೆರ್.ಮೊಗವೀರ ಯುವಸಂಘಟನೆದ 19 ಘಟಕದ ಅಧ್ಯಕ್ಷೆರ್,ಕಾರ್ಯದರ್ಶಿ, ಮಾಜಿ ಅಧ್ಯಕ್ಷೆರ್,ಕಾರ್ಯದರ್ಶಿ ,ಜಿಲ್ಲಾ ಪದಾಧಿಕಾರಿಲು,ಬೊಕ್ಕ ಸರ್ವಸದಸ್ಯೆರ್ ಮಹಾಸಭೆಟ್ ಉಪಸ್ಥಿತರಿತ್ತೆರ್.