ಸಚಿನ್ ಉಚ್ಚಿಲ ಸಾರಥ್ಯೊಡ್ ಕಾಪು ಯುವವಾಹಿನಿ ಘಟಕ ಪೊಸ ತಂಡದ ಪದಗ್ರಹಣ

ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಯುವವಾಹಿನಿ ಕಾಪು ಘಟಕದ ಅಧ್ಯಕ್ಷೆರಾದ್ ಸಚ್ಚಿನ್ ಉಚ್ಚಿಲ ಬೊಕ್ಕ ತಂಡದ ಪದಗ್ರಹಣ ಸೋಮವಾರ ಬೈಯಗ್ ಕಾಪುದ ಜೆಸಿಐ ಸಭಾಭವನಡ್ ನಡತುಂಡ್.

ಮಾಜಿ ಸಚಿವ ವಿನಯ್ ಕುಮಾರ್ ಸೊರಕೆ ಕಜ್ಜೊದ ಉದಿಪನ ಮಲ್ತೆರ್.

ಯುವವಾಹಿನಿ ಕೇಂದ್ರ ಸಮಿತಿದ ಅದ್ಯಕ್ಷೆರಾಯಿನ ಉದಯ್ ಕುಮಾರ್ ಮಟ್ಟು ಮೇರ್ ಪ್ರತಿಜ್ಞಾ ವಿಧಿ ಬೋಧನೆ ಮಲ್ತೆರ್.

ಈ ಪೊರ್ತುಡ್ ಪುರಸಭಾ ಸದಸ್ಯರೆನ್ ಮಾನಾದಿಗೆ ಮಲ್ತೆರ್.

ವೇದಿಕೆಡ್ ಉಡುಪಿದ ಖ್ಯಾತ ನ್ಯಾಯವಾದಿ ಸಂಕಪ್ಪ, ಯುವವಾಹಿನಿ ಕಾಪು ಘಟಕದ ಗೌರವಾಧ್ಯಕ್ಷೆರಾಯಿನ ಪ್ರಭಾಕರ ಪೂಜಾರಿ, ಸಂಘಟನಾ ಕಾರ್ಯದರ್ಶಿ ದೀಪಕ್ ಎರ್ಮಾಳು, ನಿರ್ಗಮನ ಅಧ್ಯಕ್ಷೆರಾಯಿನ ಸೌಮ್ಯ ರಾಕೇಶ್, ನಿರ್ಗಮನ ಕಾರ್ಯದರ್ಶಿ ಸುಧಾಕರ್ ಸಾಲ್ಯಾನ್, ನಿಯೋಜಿತ ಅಧ್ಯಕ್ಷೆರಾಯಿನ ಸಚಿನ್ ಉಚ್ಚಿಲ, ನಿಯೋಜಿತ ಕಾರ್ಯದರ್ಶಿ ಸುಮಿತ್ರ ಉಪಸ್ಥಿತರಿತ್ತೆರ್. ಸೌಮ್ಯ ರಾಕೇಶ್ ಸ್ವಾಗತ ಮಲ್ತೆರ್. ರಾಕೇಶ್ ಕುಂಜೂರು ಪ್ರಾಸ್ತಾವಿಕವಾದ್ ಪಾತೆರ್ದ್ ನಿರೂಪಣೆ ಮಲ್ತೆರ್.
ಸುಧಾಕರ್ ಸಾಲ್ಯಾನ್ ಸೊಲ್ಮೆ ಸಂದಾಯ್ತ ಮಲ್ತೆರ್.