ರಾಜ್ಯ ಕರಾಟೆ ಸಂಸ್ಥೆ (ರಿ) ರಾಜ್ಯ ಯುವಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ನೆಹರೂ ಯುವ ಕೇಂದ್ರ ಶಿವಮೊಗ್ಗದ ಆಶ್ರಯೊಡ್ ಶಿವಮೊಗ್ಗ ಒಳಾಂಗಣ ಕ್ರೀಡಾಂಗಣಡ್ ನಡತಿನ 3 ನೇ ಅಂತರಾಷ್ಟ್ರೀಯ ಮಟ್ಟದ ಕರಾಟೆ ಚಾಂಪಿಯನ್ ಶಿಪ್ ಡ್ ಉಡುಪಿ ಬೈಲೂರುದ ಕು.ಪ್ರಾರ್ಥನಾ ರಾಜ್ಯಮಟ್ಟಡ್ ಗೊಬ್ಬುದ್ ಕಟಾ ಬೊಕ್ಕ ಕುಮಿಟೆ ರಡ್ಡ್ ವಿಭಾಗೊಡ್ಲಾ ಸುರುತ್ತ ತಾನೊನ್ ಪಡೆತೊಂದ್ ಬಂಗಾರ್ದ ಪದಕ ಗೆಂದುದೊಲು. ಉಡುಪಿ ವಿದ್ಯೋದಯ ಪಬ್ಲಿಕ್ ಶಾಲೆದ ವಿದ್ಯಾರ್ಥಿನಿ ಆಯಿನ ಮೇರ್ ಜೆ.ಸಿ.ಎಮ್.ಪ್ರಶಾಂತ್ ಆಚಾರ್ಯ ಬೊಕ್ಕ ಆಶಾ ದಂಪತಿಲೆನ ಮಗಲ್.ಮೇರ್ ಶ್ರೀಯುತ ಮಾರ್ಪಳ್ಳಿ ದಯಾನಂದ ಆಚಾರ್ಯ ಮೆರೆಡ ತರಬೇತಿನ್ ಪಡೆದೆರ್.
ಎಡ್ಡೆ ಕರಾಟೆ ಪಟುವಾದ್,ಶಿವಮೊಗ್ಗ, ಕುಮಟಾ,ಗಂಜಿಮಠ,ಬೊಕ್ಕ ಉಡುಪಿಡ್ ದೊಡ್ಡಣಗುಡ್ಡೆ,ಅಂಬಲಪಾಡಿ,ಕರಂಬಳ್ಳಿ,ರಾಜಾಂಗಣಡ್ ಕರಾಟೆ ಪಂತೊಡ್ ಪಾಲ್ ಪಡೆದ್ ಸುರುತ್ತ ಇನಾಮು ಗೆಂದುದೆರ್.ಅತ್ತಾವಂದೆ ಕರಾಟೆ ಅಸೋಸಿಯೇಷನ್ ಆಫ್ ಇಂಡಿಯಾ ಸಂಸ್ಥೆ ಆಯೋಜನೆ ಮಲ್ದಿನ ಕರಾಟೆ ಪಂತೊಡ್ ಪಾಲ್ ಪಡೆದ್ ರಾಷ್ಟ್ರಮಟ್ಟೊಗ್ ಆಯ್ಕೆ ಆತೆರ್. ಕರಾಟೆ ಅತ್ತಾವಂದೆ ಯಕ್ಷಗಾನ,ನ್ರತ್ಯ,ಭರತನಾಟ್ಯೊಡುಲಾ ಎಡ್ಡೆ ಸಾಧನೆ ಮಲ್ತುದೆರ್.ಮೆರೆನ ಎಡ್ಡೆ ಭವಿಷ್ಯೊಗ್ ಎಡ್ಡೆಪ್ಪು ಬಯಕುಗ.
by 