ಕರಾವಳಿ ಉಚ್ಚಯ

ನವೆಂಬರ್- 24ಕ್ ಕರ್ನಾಟಕ ಮಿತ್ರ ಮಂಡಲಿ(ರಿ.) ಬೆಂಗಳೂರುದ
ಮುತಾಲಿಕೆಡ್ ರಾಜಬೂಡುಡು
ಕರಾವಳಿ ಉತ್ಸವ.- 2024

ಕರ್ನಾಟಕದ ರಾಜಧಾನಿ ಬೆಂಗಳೂರುದ ಬೆಳವಣಿಗೆಡ್,ತುಲುವೆರೆನ ಪಾಲ್ ಮಲ್ಲವು.
ಬೆಂಗಳೂರುಡೇ ತುಲುವೆರೆ ಜಾಸ್ತಿ ಉಪ್ಪುನ ದಾಸರಳ್ಳಿ,8th ಮೈಲ್,ನಾಗಸಂದ್ರ ವಲಯೊದ ತುಲುವೆರ್ ಮಾತ ಒಟ್ಟು ಸೇರ್ದ್ 1984ನೇ ಇಸವಿಡ್ ಕಟ್ಟೊಂದಿನ ಪೆರ್ಮೆದ ಕರ್ನಾಟಕ ಕರಾವಳಿ ಮಿತ್ರ ಮಂಡಲಿ(ರಿ.) ಕೂಟ ಬೆಂಗಳೂರುದ ತುಲುವೆರೆಗಾದ್ ಉಂದುವೆ ಬರ್ಪುನ ನವೆಂಬರ್ ತಿಂಗೊಳುದ 24 ತಾರೀಕ್ ಐತಾರೊದಾನಿ 8th ಮೈಲ್ ಸೌಂದರ್ಯ ಶಾಲೆ ಹಾವನೂರು ಬಡಾವಣೆದ ಮೈದಾನೊಡು ಕರಾವಳಿ ಉತ್ಸವ ಪನ್ಪುನ ಬಾರಿ ಮಲ್ಲ ಲೇಸ್ ಅಟ್ಟಣೆ ಮಲ್ತುದೆರ್.

ಬೊಲ್ಪುಗು ತುಡರ್ ಅರಳಾದ್ ಸುರು ಆಪುನ ಲೇಸ್ಡ್,ಜೋಕುಲು ಅಂಚನೆ ಮಲ್ಲಕುಲೆಗಾದ್ ಗೊಬ್ಬುಲು,ತೆಲಿಕೆ ನಲಿಕೆ,ತುಲುನಾಡ ಆಚಾರ ವಿಚಾರೊದ ಪೊಲಬು ಸೇರಿನಂಚನೆ ಈ ಲೇಸ್ ಪೊರ್ಲುಡು ನಡಪೆರೆ ಉಂಡು.

ಖ್ಯಾತ ಗಾಯಕಿ ಆಯಿನ ಪ್ರತಿಭಾ ಭಟ್ ಬೊಕ್ಕ ಕೂಟದಕುಲು ನಡಪಾದ್ ಕೊರ್ಪುನ
ಭಕ್ತಿ ಭಾವಾಂಜಲಿ ಕಾರ್ಯಕ್ರಮ,
ಮಧ್ಯಾಹ್ನ ತುಳುನಾಡ ಶೈಲಿದ ಒನಸ್ಸ್,ಬಯ್ಯದ ಚಾವಡಿ ಲೇಸ್ಡ್,ಲೋಕಯುಕ್ತಡ್ ಪುದರ್ ಪೊಯಿನ ಪಿರಾಕ್ದ ಸುಪ್ರಿಂಕೊರ್ಟುದ ನ್ಯಾಮೂರ್ತಿ ಶ್ರೀ N. ಸಂತೋಷ್ ಹೆಗ್ಡೆ,ಅಂಚನೆ ಸೌಂದರ್ಯ ವಿದ್ಯಾ ಸಂಸ್ಥೆಲೆನ ಮುಖ್ಯಸ್ಥೆರಾಯಿನ ಸೌಂದರ್ಯ ಶ್ರೀ.ಪಿ ಮಂಜಪ್ಪ,ಉದ್ಯಮಿಲು ಆಯಿನ ಶ್ರೀ ಶಶಿಧರ ಶೆಟ್ಟಿ ಬರೋಡ ,ಶ್ರೀ ಗೋಪಾಲ ಶೆಟ್ಟಿ ಅಂಚನೆ ಕ್ರೀಡಾ ಕ್ಷೇತ್ರೊದ ಸಾಧಕಿ ಒಲಿಂಪಿಯನ್ ಸಹನಾ ಕುಮಾರಿ ಮಾನ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್….

ಬಯ್ಯಗ್ ಚೈತನ್ಯ ಕಲಾವಿದೆರ್ ಬೈಲೂರು ಕೂಟದಕುಲು ನಡಪಾದ್ ಕೊರ್ಪುನ ಅಷ್ಟೆಮಿ ಪನ್ಪುನ ತುಳು ನಾಟಕ ಸರ್ವ ತುಳುವ ಕಲಾಭಿಮಾನಿಲೆಗಾದ್ ಅಟ್ಟನೆಯಾತುಂಡ್ ಪಂದ್ ಕರ್ನಾಟಕ ಕರಾವಳಿ ಮಿತ್ರ ಮಂಡಲಿದ ಗುರ್ಕಾರ್ಲು ಆಯಿನ ಶ್ರೀ ಕೆ. ಕೃಷ್ಣ ಶೆಟ್ಟಿ ತೆರಿಪಾದೆರ್.