ಕೀಕಾ ಬೂಕು ಬುಡುಗಡೆ ಆಯಿನ ಪೊರ್ತು.

ಎಲ್ಯ ಪ್ರಾಯೊಡೇ  ಓದುನ  ಹವ್ಯಾಸ ಬುಲೆಪಾವೊಡು~ ನೀಸು ಅಡಿಗ

ಜೋಕ್ಲೆಗ್  ಎಲ್ಯ ಪ್ರಾಯೊಡೇ  ಓದುನ ಹವ್ಯಾಸ ಬುಲೆಪಾವೊಡ್  ಪಂಡುದು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಜಿಲ್ಲಾಧ್ಯಕ್ಷ ನೀಲಾವರ ಸುರೇಂದ್ರ ಅಡಿಗ ರಕ್ಷಕೆರೆಗ್ ಕೆಬಿಪಾತೆರ ಪಂಡೆರು.

ಉಡುಪಿ ಡಿವೈಎಸ್ಪಿ ಡಿ. ಟಿ. ಪ್ರಭು ಮಗಲ್, ಇಂಜಿನಿಯರಿಂಗ್ ವಿದ್ಯಾರ್ಥಿನಿ ಪ್ರಿಯದರ್ಶಿನಿ ಪಿ. ವಿರಚಿತ `ಕೀಕಾ’ ಬೂಕು ಶುಕ್ರವಾರ ನಗರದ ಪುರಭವನಡ್ ನಡತಿನ  ಕಾರ್ಯಕ್ರಮಡ್  ಅನಾವರಣ ಮರಲ್ತುದ್  ಪಾತೆರಿಯೆರು. ಇಂಚಪ್ಟದ  ದಿನೊಟ್ ಬರೆಪಿನಕ್ಲೆನ  ಸಂಖ್ಯೆ ಜಾಸ್ತಿ ಆತುಂಡ್ ಆಂಡ  ಓದುನಕ್ಲೆನ ಸಂಖ್ಯೆ ಕಮ್ಮಿಯಾತುಂಡ್.

ಅಂಚಾದ್  ಓದುನ  ಹವ್ಯಾಸ  ಜಾಸ್ತಿ ಮಲ್ಪುನ ಕಾರ್ಯಕ್ರಮ ಆಯೋಜನೆ ಮಲ್ಪೊಡ್  ಪಂಡುದ್ ಆರು  ಸಲಹೆ  ಕೊರಿಯೆರು.

ಇಂಜಿನಿಯರಿಂಗ್ ವಿದ್ಯಾರ್ಥಿನಿಯಾಂಡಲಾ ಪ್ರಿಯದರ್ಶಿನಿ ಆರು ಈ ಪುಸ್ತಕಡ್  ಪರಿಸರ, ಸ್ವಾತಂತ್ರ್ಯ ಹೋರಾಟ, ಹೆಚ್ಚಾದ್  ರಾಣಾ ಪ್ರತಾಪಸಿಂಹ ಬಗೆಟ್  ಕೆಲವೆರೆಗ್ ಗೊತ್ತಿಪ್ಪಂದಿನ  ವಿಚಾರಲೆನ್  ದಾಖಲೆ ಮಲ್ದೆರ್. ಉಂದು ಶಿಕ್ಷಕ ಕೈಪಿಡಿಯಾವರೆಗ್  ಯೋಗ್ಯವಾದುಂಡ್  ಪಂಡೆರು.

ಪೂತ  ದಯಿಕ್  ನೀರು ಪಾಡುದ್  ಕಾರ್ಯಕ್ರಮ ಉದಿಪನ ಮಲ್ತಿನ  ಹಾಸ್ಯ ಸಾಹಿತಿ ಶಾಂತರಾಜ ಐತಾಳ್, ಮೊಬೈಲ್ ಯುಗಟ್  ಜನಕ್ಲೆಗ್  ಓದುಧ  ಬಗ್ಗೆ ಆಸಕ್ತಿ ಕಡಿಮೆಯಾವೊಂದುಂಡ್  ಪಂಡುದು ಪಂಡೆರು.

ಕನ್ನಡ ಸಾಹಿತ್ಯ ಪರಿಷತ್ ಉಡುಪಿ ತಾಲೂಕು ಘಟಕ ಗೌರವ ಕಾರ್ಯದರ್ಶಿ ಜನಾರ್ದನ ಕೊಡವೂರು, ಎಂಜಿಎಂ ಕಾಲೇಜು ಪ್ರಾಚಾರ್ಯ ಪ್ರೊ. ಲಕ್ಷ್ಮೀನಾರಾಯಣ ಕಾರಂತ, ಅಜ್ಜರಕಾಡು ಜಿ. ಶಂಕರ್ ಮಹಿಳಾ ಸರ್ಕಾರಿ ಕಾಲೇಜು ಸಮಾಜಶಾಸ್ತ್ರ ವಿಭಾಗ ಮುಖ್ಯಸ್ಥ ರಾಜೇಂದ್ರ, ಪೂರ್ಣಪ್ರಜ್ಞ ಕಾಲೇಜಿನ ಪ್ರಾಧ್ಯಾಪಕ ಮಹೇಶ ಶೆಟ್ಟಿ, ಉದ್ಯಮಿ ಪುರುಷೋತ್ತಮ ಶೆಟ್ಟಿ  ಮಿತ್ತರ್ಮೆಡಿತ್ತೆರು.
ಲೇಖಕಿ ಪ್ರಿಯದರ್ಶಿನಿ ಬೊಕ್ಕ  ಶರಣಮ್ಮ ಇತ್ತೆರು.
ಪೊಲೀಸ್ ಕಾನ್ಸ್ ಟೇಬಲ್ ಯೋಗೀಶ್ ಸ್ವಾಗತ ಮಲ್ತುದ್, ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು. ನವ್ಯಾ ಸುಗಿತೆರು.
ಈ ಸಂದರ್ಭಡ್ ಪ್ರಿಯದರ್ಶಿನಿ ಮೆರೆನ್  ಕಸಾಪ ವತಿಡ್ದ್  ಮಾನಾದಿಗೆ ಮಲ್ತೆರ್.