ರಾಜ್ಯೊಗೇ ಮಾದರಿ ಕೊಡವೂರು..

ಉಡುಪಿ ನಗರಸಭೆಟ್ ಒಂಜಾದುಪ್ಪುನ ಕೊಡವೂರು ವಾರ್ಡ್ ದ ಮಾತಾ ಸಮಸ್ಯೆಲೆಗುಲಾ ಉತ್ತರ ಕೊರೊಡು ಪನ್ಪಿನ ನಿಟ್ಟುಡ್ ವಿಜಯ್ ಕೊಡವೂರು ಅರೆನ ಯೋಚನೆ ಯೋಜನೆದ ಮಾದರಿಯ ಕಾರ್ಯ ಕೊಡವೂರು ವಾರ್ಡುಡ್ ನಡತೊಂದುಂಡ್. ಈ ಮೂಲಕ ನರೇಂದ್ರ ಮೋದೀಜಿನ ಕಲ್ಪನೆ, ಯೋಚನೆ ಯೋಜನೆ ಪ್ರತಿಯೊಂಜಿ ಇಲ್ಲಗುಲಾ ತಲುಪಾವುನ ಕೆಲಸ ಮಾದರಿಯಾತುಂಡ್. ಈ ಸೇವಾ ಕಾರ್ಯೊನ್ ಗಮನಿಸಾದ್ ಅಯ್ಯಪ್ಪ ಸೇವಾ ಸಮಿತಿದ ರಾಜ್ಯ ಸಮ್ಮೇಳನಡ್ ನಗರಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಗುರುತಿಸಾದ್ ಗೌರವಿಸಾವುನ ಕಾರ್ಯ ನಡತುಂಡ್.

ಉಡುಪಿ ಜಿಲ್ಲಾ ಅಯ್ಯಪ್ಪ ಸೇವಾ ಸಮಿತಿದ ಉಪಾಧ್ಯಕ್ಷೆರಾಯಿನ ವಿಜಯ್ ಕೊಡವೂರು ಪಾತೆರ್ದ್, ಕೊಡವೂರು ವಾರ್ಡ್ ಡ್ ಮಾತಾ ಕಾರ್ಯಕರ್ತೆರೆನ ಬೊಕ್ಕ ನಾಗರಿಕೆರೆನ ಶ್ರಮಡಾದ್ ಸೇವಾ ಕಾರ್ಯ ಆದಿತ್ತುದ್, ಉಂದೆನ್ ಗುರುತಿಸಾವುನ ಕಾರ್ಯ ಅಯ್ಯಪ್ಪ ಸೇವಾ ಸಮಿತಿದ ಹಿರಿಯೆರೆನ ಮೂಲಕ ಆಯಿನವ್ ಸಂತೋಷದ ವಿಷಯ, ನನಲಾ ದುಂಬುದ ದಿನೊಕ್ಲೆಡ್ ನನಲಾತ್ ಸೇವಾ ಕಾರ್ಯ ಮಲ್ಪುಗ ಪಂಡೆರು.

ಈ ಸಂಧರ್ಭಡ್ ಅಯ್ಯಪ್ಪ ಸೇವಾ ಸಮಿತಿದ ರಾಜ್ಯಾಧ್ಯಕ್ಷೆರಾಯಿನ ಜಯರಾಮ್ ಜಿ, ಉಡುಪಿ ಜಿಲ್ಲಾಧ್ಯಕ್ಷೆರಾಯಿನ ರಾಧಾಕೃಷ್ಣ ಮೆಂಡನ್, ರಂಜಿತ್ , ಗೋಪಾಲ್ ಗುರು ಸ್ವಾಮಿ ಕಾಪು, ಸುಂದರ್, ಗುರು ಸ್ವಾಮಿ, ಗಣೇಶ್ ಕೋಟ, ಸಂಘಟನಾ ಕಾರ್ಯದರ್ಶಿ ರಂಜಿತ್ ಹಾವಂಜೆ ಮೊಕುಲು ಇತ್ತೆರ್.