ಕುರಾಡಿ ಸೀತಾರಾಮ ಅಡಿಗ ಪ್ರಶಸ್ತಿ.

ಕುರಾಡಿ ಸೀತಾರಾಮ ಅಡಿಗ ಕಾವ್ಯ ಪ್ರಶಸ್ತಿ ಪ್ರದಾನ

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ ( ರಿ) ಉಡುಪಿ ಆಯೋಜನೆಡ್  ಸಂಸ್ಕೃತಿ ಭಾರತಿ ಕರ್ನಾಟಕ ಪ್ರತಿಷ್ಠಾನ ಬೆನಗಲ್ ಪ್ರಾಯೋಜಕತ್ವಡ್  ಅಂಬಲಪಾಡಿ ಶ್ರೀ ಜನಾರ್ದನ ಮಹಾಕಾಳಿ ದೇವಳದ ಆಶ್ರಯಡ್  ಕವಿ ದಿ| ಕುರಾಡಿ ಸೀತಾರಾಮ ಅಡಿಗ ಕಾವ್ಯ ಪ್ರಶಸ್ತಿ ಪ್ರದಾನ 2024 , ಮಹಿಳಾ ಕಾವ್ಯ ಸಂವಾದ ಬೊಕ್ಕ ಪುಸ್ತಕ ಬಿಡುಗಡೆ ಕಾರ್ಯಕ್ರಮ ಶನಿವಾರ ಶ್ರೀ ಜನಾರ್ದನ  ಮಹಾಕಾಳಿ ದೇವಸ್ಥಾನ ಅಂಬಲಪಾಡಿದ  ಭವಾನಿ ಮಂಟಪಡ್ ನಡತುಂಡ್.

ಕವಿ  ವಿಜಯಪುರದ ಸುಮಿತ್ ಮೇತ್ರಿ ಬೊಕ್ಕ ಮಂಗಳೂರುದ  ಜಯಶ್ರೀ ಬಿ. ಕದ್ರಿ  ಮೊಕ್ಲೆಗ್  ಪ್ರಶಸ್ತಿ ಪ್ರದಾನ ಮಲ್ತೆರ್.

ಮಹಿಳಾ ಕಾವ್ಯ ಸಂವಾದಡಾ  ಉಡುಪಿ ಜಿಲ್ಲೆದ ಮಹಿಳಾ ಕವಯತ್ರಿಯೆರಾಯಿನ  ಡಾ. ಮಾಧವಿ ಭಂಡಾರಿ, ಡಾ. ನಿಕೇತನ, ಸುಕನ್ಯಾ ಕಳಸ, ಸುಧಾ ಅಡುಕಳ, ಪೂರ್ಣಿಮಾ ಸುರೇಶ್ ಪಾಲ್ ಪಡೆದ್ ಇತ್ತೆಧ  ಮಹಿಳಾ ಬರಹಗಾರೆರೆಗ್ ಇಪ್ಪುನ  ಸಮಸ್ಯೆಲೆನ್  ಸಂವಾದಡ್  ಚರ್ಚೆ ಮಲ್ತೆರ್.

ಸಂವಾದ ಕಾರ್ಯಕ್ರಮನ್  ಉಪಾಧ್ಯಕ್ಷೆ ಸಂಧ್ಯಾ ಶೆಣೈ ನಿರ್ವಹಣೆ ಮಲ್ತೆರು.

ಕಾವ್ಯ ಗಾಯನನ್  ವಿದುಷಿ ಉಮಾಶಂಕರಿ ನಡಪಾದ್ ಕೊರಿಯೆರು. ಉಂದುವೇ ಸಂದರ್ಭಡ್ ಕುರಾಡಿ ಸೀತಾರಾಮ ಅಡಿಗ ಮೇರು ಬರೆತಿನ ಪುಸ್ತಕ ಜೀವನ ರೇಖೆ ಮರು ಮುದ್ರಣನ್  ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆ ಉಡುಪಿ ಜಿಲ್ಲೆದ  ಸಹಾಯಕ ನಿರ್ದೇಶಕೆರಾಯಿನ ಪೂರ್ಣಿಮಾ ಮೇರು ಲೋಕಾರ್ಪಣೆ ಮಲ್ತೆರು.

ಧರ್ಮದರ್ಶಿಲಾಯಿನ ಡಾ. ನೀ ಬಿ ವಿಜಯ ಬಲ್ಲಾಳ್ ಪಾತೆರ್ದ್  ಕಾವ್ಯ ಸೃಷ್ಟಿ ಇನಿಥ ದಿನಕ್ಲೆಡ್  ಅತಿ ಅಗತ್ಯ. ಕವನಲೆನ್  ಬರೆಪಿನ  ಹವ್ಯಾಸನ್  ಇನಿತ ಜನಾಂಗಗ್ ಪ್ರೇರೇಪಣೆ ಮಲ್ಪೊಡ್.

ಕಾವ್ಯದ  ಮೂಲಕ ಸಮಾಜನ್  ಸುಧಾರಣೆ ಮಲ್ಪೊಡ್.

ಹಿರಿಯ ಸಾಹಿತಿಲೆನ್  ಗೌರವಿಸಾವುನ ಬೊಕ್ಕ ನೆಂಪು ಮಲ್ಪುನ ಕಾರ್ಯಕ್ರಮಲು ನಿರಂತರ ಆಪಿನ ಅಗತ್ಯ ಉಂಡು ಪಂಡೆರು.

ಕನ್ನಡದ ಹಿರಿಯ ಸಾಹಿತಿ ಪ್ರೊಫೆಸರ್ ಮುರಳೀಧರ ಉಪಾಧ್ಯ ಮೇರು ಪ್ರಶಸ್ತಿ ವಿಜೇತ ಕೃತಿಕುಲೆನ  ಬಗೆಟ್  ಪಾತೆರಿಯೆರು.

ಈ ಸಂದರ್ಭಡ್  ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸ್ಥಾಪಕ ರಾಯಿನ ಉಡುಪಿ ವಿಶ್ವನಾಥ ಶೆಣೈ, ಉಪಾಧ್ಯಕ್ಷ ನಾಗರಾಜ್ ಹೆಬ್ಬಾರ್, ವಿಶ್ವ ಭಾರತಿ ಕರ್ನಾಟಕ ಪ್ರತಿಷ್ಠಾನ ಬೆನಗಲ್ ದ  ಅಧ್ಯಕ್ಷ ಸೂರಾಲು ನಾರಾಯಣ ಮಡಿ, ಪೋಷಕಾಧ್ಯಕ್ಷರಾಯಿನ  ಅಶೋಕ್ ಭಟ್, ಚಾಂತಾರು ಉಪಸ್ಥಿತರಿತ್ತೆರು.

ಕೋಶಾಧಿಕಾರಿ ರಾಜೇಶ್ ಭಟ್ ಪಣಿಯಾಡಿ ಸ್ವಾಗತ ಮಲ್ತುದ್  ಸಂಚಾಲಕ ರವಿರಾಜ್ ಎಚ್ ಪಿ ಪ್ರಸ್ತಾವಿಕ ಪಾತೆರಿಯೆರು. ಪ್ರಶಸ್ತಿ ಸಮಿತಿದ ಸಂಚಾಲಕಿ ಪೂರ್ಣಿಮಾ ಜನಾರ್ದನ್ ನಿರೂಪಣೆ ಮಲ್ತೆರು. ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜೋಶಿ ಧನ್ಯವಾದ ಮಲ್ತೆರು.