ಒಡಿಪುಡ್ ವಕೀಲೆರೆನ ಪ್ರತಿಭಟನೆ

ಒಡಿಪು: ಚಿಕ್ಕಮಗಳೂರಡ್ ಲಾಯರ್ ನ ಮಿತ್ ಪೊಲೀಸೆರ್ ದೌರ್ಜನ್ಯ ಮಲ್ತಿನಾ ಘಟನೆನ್ ಖಂಡಿಸಾದ್ ಒಡಿಪುದ ವಕೀಲರ ಸಂಘದಾಕುಲ್ ಇನಿ ಪ್ರತಿಭಟನೆ ಮಲ್ತೆರ್.
ಒಡಿಪುದ ಕೋರ್ಟ್ ಆವರಣೊಡ್ ಪ್ರತಿಭಟನೆ ಮಲ್ತಿನಾ ಲಾಯರ್ ನಾಕುಲ್, ದೌರ್ಜನ್ಯ ಮಲ್ತಿನಂಚಿನಾ ಪೊಲೀಸ್ ಅಧಿಕಾರಿ ಬೊಕ್ಕ ಸಿಬ್ಬಂದಿನಾಗಲ್ ನ ಮಿತ್ ಕಾನೂನು ಕ್ರಮ ಗೆತೊನೊಡ್ ಪಂದ್ ಆಗ್ರಹ ಮಲ್ತೆರ್.
ಒಡಿಪು ವಕೀಲರ ಸಂಘದ ಗುರಿಕಾರೆ ರೆನಾಲ್ಡ್ ಪ್ರವೀಣ್ ಕುಮಾರ್ ಮುಂದಾಳತ್ವೊಡ್ ಈ ಪ್ರತಿಭಟನೆ ನಡತುಂಡ್.
ಕೋರ್ಟ್ ಸ ಕಲಾಪೊನ್ ಬಹಿಷ್ಕಾರ ಮಲ್ತದ್ ಅರ್ಧ ಗಂಟೆ ಪ್ರತಿಭಟನೆ ಮಲ್ತೆರ್.
ಪೊಲೀಸೆರ್ ಲಾಯರ್ ನ ಮಿತ್ ಅಮಾನುಷ ಹಲ್ಲೆ ಮಲ್ದೆರ್. ಅವೆಡ್ದ್ ಬೊಕ್ಕ ಪ್ರತಿಭಟನೆ ಮಲ್ದೆರ್. ಇಂಚಾ ಪೊಲೀಸೆರ್ ಪ್ರತಿಭಟನೆ ಮಲ್ದಿನಾ ಇತಿಹಾಸನೇ ಇಜ್ಜಿ. ಪ್ರತಿಭಟನೆ ಮಲ್ದಿನಾ ಪೊಲೀಸೆರ್ ನ ಮಿತ್ ಕ್ರಮ ಗೆತೊನೊಡಗ. ವಕೀಲರ ರಕ್ಷಣಾ ಕಾಯ್ದೆನ್ ಆಯಿನಾತ್ ಬೇಗ ಜಾರಿ ಮಲ್ಪೊಡ್ ಪಂದ್ ವಕೀಲರ ಸಂಘದ ಗುರಿಕಾರೆ ರೆನಾಲ್ಡ್ ಪ್ರವೀಣ್ ಕುಮಾರ್ ಆಗ್ರಹ ಮಲ್ತೆರ್