ಉಡುಪಿ ಪ್ರಾದೇಶಿಕ ಸಾರಿಗೆ ಕಚೇರಿಡ್ 2020-21 ನೇ ಆರ್ಥಿಕ ವರ್ಷಡ್ ಮಾರ್ಚ್ 2021 ದ ಅಂತ್ಯೊಗ್ ರೂ.128,77,19,991(91.95%) ರಾಜಸ್ವ ಸಂಗ್ರಹಣೆ ಮಲ್ತುದುಂಡ್.ಬೇತೆ ಬೇತೆ ವರ್ಗದ 22,492 ಪೊಸ ವಾಹನೊಲು ನೋಂದಣಿಯಾತುಂಡ್.2,884 ಪೊಸ ಚಾಲನಾ ಅನುಜ್ಞಾ ಪತ್ರೊಲೆನ್ ಕೊರ್ತುಂಡ್.2021-22 ನೇ ಸಾಲುದ ಡಿಸೆಂಬರ್ ದ ಅಕೇರಿಗ್ ರೂ.93,55,79,604(82.32%) ರಾಜಸ್ವ ಸಂಗ್ರಹ ಮಲ್ತುದುಂಡ್.ಜನವರಿಡ್ 27.1.2022 ಮುಟ್ಟ ರೂ.12,14,34,361 ರಾಜಸ್ವ ಸಂಗ್ರಹ ಮಲ್ತುದುಂಡ್.ಡಿಸೆಂಬರ್ ಅಕೇರಿಗ್ ಒಟ್ಟು 2138 ವಾಹನೊಲೆನ್ ತ‌ಪಾಸಣೆ ಮಲ್ತುದ್ 266 ಪ್ರಕರಣೊಲೆನ್ ದಾಖಲೆ ಮಲ್ತುದ್ 50ವಾಹನೊಲೆನ್ ಮುಟ್ಟುಗೋಲು ಪಾಡ್ದ್ ತೆರಿಗೆ ರೂ.13,97,686 ಬೊಕ್ಕ ದಂಡ ರೂ.13,21,000 ಒಟ್ಟುಡ್ ರೂ.27,18,686 ವಸೂಲಾತುಂಡ್.ಪಂಡುದ್ ಉಡುಪಿ ಜಿಲ್ಲೆದ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಜೆ.ಪಿ.ಗಂಗಾಧರ ತೆರಿಪಾಯೆರ್.
ಉಡುಪಿ ಪತ್ರಿಕಾ ಭವನೊಡ್ ತಿಂಗೊಲ್ದ ಮಾಧ್ಯಮ ಸಂವಾದ ಕಾರ್ಯಕ್ರಮೊಡ್ ಪಾತೆರಿನ ಆರು ಉಡುಪಿ ಅಲೆವೂರುದ 5 ಎಕರೆ ಜಾಗೆಡ್ ಗಣಕೀಕೃತ ಚಾಲನಾ ಪಥ (ಡ್ರೈವಿಂಗ್ ಟ್ರಾಕ್) ನಿರ್ಮಾಣೊಗ್ ಜಿಲ್ಲಾಧಿಕಾರಿಡ್ದ್ ಮಂಜೂರಾತಿನ 5ಎಕರೆ ಡೀಮ್ಡ್ ಫಾರೆಸ್ಟ್ ಜಾಗದ ಬಗ್ಗೆ ಅರಣ್ಯ ಇಲಾಖೆದ ಪೋರ್ಟಲ್ ಡ್ ದಾಖಲೆನ್ ಅಪ್ ಲೋಡ್ ಮಲ್ದುಂಡ್ ಪಂಡೆರ್.
ಪ್ರತೀ ವರ್ಷ ಜನವರಿಡ್ ರಸ್ತೆ ಸುರಕ್ಷತಾ ಸಪ್ತಾಹ ಬೊಕ್ಕ ಮಾಸಾಚರಣೆ ಬೊಕ್ಕ ಪ್ರತೀ ನವೆಂಬರ್ ತಿಂಗೊಲುಡ್ ವಾಯು ಮಾಲಿನ್ಯ ಮಾಸಾಚರಣೆ ನಡತೊಂದಿತ್ತುದ್,ಕಚೇರಿಗ್ ಅನುಜ್ಞಾ ಪತ್ರೊಗ್ ಬರ್ಪಿನ ಅಭ್ಯರ್ಥಿಲೆಗ್ ಬೊಕ್ಕ ಸಾರ್ವಜನಿಕೆರೆಗ್ ರಸ್ತೆ ಸುರಕ್ಷತೆದ ಬಗ್ಗೆ ಮಾಹಿತಿ ಕಾರ್ಯಕ್ರಮ ಮಲ್ತೊಂದುಂಡ್.ಪಂಡೆರ್.
ಮಾಧ್ಯಮ ಸಂವಾದ ಕಾರ್ಯಕ್ರಮಡ್ ಉಡುಪಿ ಕಾರ್ಯನಿರತ ಪತ್ರಕರ್ತ ಸಂಘದ ಅಧ್ಯಕ್ಷೆರಾಯಿನ ರಾಜೇಶ್ ಶೆಟ್ಟಿ ಅಧ್ಯಕ್ಷತೆಡಿತ್ತುದ್ ಮಾಧ್ಯಮ ಮಿತ್ರೆರ್ ಪತ್ರಕರ್ತ ಸಂಘೊಡ್ ನಡಪುನ ಮಾತಾ ಕಾರ್ಯಕ್ರಮೊಗ್ ಸಹಕಾರ ಕೊರೊಡ್ ಪಂಡುದ್ ಬಿನ್ನಪ ಮಲ್ತೆರ್.
ವೇದಿಕೆಡ್ ಕಾರ್ಯದರ್ಶಿ ನಜೀರ್ ಪೊಲ್ಯ,ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಉಪಸ್ಥಿತರಿತ್ತೆರ್.ಪಲ್ಲವಿ ಸಂತೋಷ್ ಕಾರ್ಯಕ್ರಮದ ನಿರೂಪಣೆ ಮಲ್ತೆರ್.
by 