ಮಹಾನಗರಪಾಲಿಕೆಡ್ ಧರಣಿ

ಮಹಾನಗರ ಪಾಲಿಕೆ ಆಯುಕ್ತೆರ್ನ ಕಚೇರಿಡ್ ಧರಣಿ

ಕುಡ್ಲ ಜುಲೈ 31: : ಮಹಾನಗರ ಪಾಲಿಕೆ ನಡಪಾವೊಂದು ಇತ್ತಿನ ಮಾರ್ಗದ ಬರಿತ ಅಂಗಡಿಲೆನ್ ದೆಪ್ಪುನ ‘ಟೈಗರ್’ ಕಾರ್ಯಾಚರಣೆ ವಿರೋಧಿಸಾದ್ ಮಾರ್ಗದ ಬರಿತ ವ್ಯಾಪಾರಸ್ತೆರ್ ಮಹಾನಗರ ಪಾಲಿಕೆ ಆಯುಕ್ತರ ಕಚೇರಿದ ಎದುರು ಧರಣಿ ಮಲ್ದೆರ್.

ಕಾಂಡೆ 10.30 ರ್ದ್ ಧರಣಿ ಸುರು ಮಲ್ತಿನ ಜನಕುಲು ಪಾಲಿಕೆ ಆಯುಕ್ತೇರ್ ಬತ್ತ್ ದ್ ಸಮಸ್ಯೆ ಕೆನೊಡು ಪಂದ್ ಒತ್ತಾಯ ಮಲ್ತೆರ್.

ಸುರುಟು ಪಾಲಿಕೆದ ಕಾರಿಡಾರ್ ಡ್ ಕುಲ್ದಿನ ಧರಣಿ ನಿರತೆರ್ , ಐರ್ದ್ ಬೊಕ್ಕ ಆಯುಕ್ತೇರ್ನ ಚೇಂಬರ್ ಎದುರು ಬತ್ದ್ ಕುಲ್ದೆರ್

ಆಯುಕ್ತೆರ್ ಜಿಲ್ಲಾಧಿಕಾರಿ‌ ಕಚೇರಿಡ್ ನಡತೊಂದು ಉಪ್ಪುನ ಸಭೆಟ್ ಪಾಲ್ ಪಡೆತೆರ್ ಪಂದ್ ಕಚೇರಿ ಸಿಬ್ಬಂದಿ ಪಂಡಲ , ಆರ್ ಬರ್ಪಿನ ಮುಟ ಜಾಗೆ ಬುರ್ದು ಪೋಪುಜ ಪಂದ್ ಕುಲ್ದೆರ್.

ಜಿಲ್ಲಾ ಬೀದಿ ಬದಿ ವ್ಯಾಪಾರ ಸ್ಥರ ಶ್ರೇಯೋಭಿವೃದ್ಧಿ ಸಂಘದ ಗುರ್ಕಾರ್ಲಾಯಿನ ಬಿ.ಕೆ. ಇಮ್ತಿಯಾಝ್, ಸುನಿಲ್ ಬಜಾಲ್ ಧರಣಿಯ ನೇತೃತ್ವ ವಹಿಸಾದೆರ್ .‌