ದಿಗ್ವಿಜಯ ರಥಯಾತ್ರಾ ಮಹಿಳಾ ಸಮಿತಿದ ಸಭೆ..

ಅಯೋಧ್ಯೆ ಪ್ರಭು ಶ್ರೀರಾಮಚಂದ್ರ ಪ್ರಭು ದಿಗ್ವಿಜಯ ಯಾತ್ರೆ ಉಡುಪಿಗ್ ಬರ್ಪಿನ ಪೊರ್ತುಡ್ ಅವ್ವೆನ್ ಎದ್ಕೊಂಬಿನ ನಿಟ್ಟುಡ್ ಉಡುಪಿ ಜಿಲ್ಲೆಡ್ ಬೇತೆ ಬೇತೆ ಕಡೆಟ್ ಪೂರ್ವತಯಾರಿದ ಸಭೆ ನಡತೊಂದಿತ್ತುದ್,ಮಹಿಳಾ ಸಮಿತಿದ ವತಿಡ್ದ್ ಅಕ್ಟೋಬರ್‌ 27 ತಾರೀಕುದಾನಿ ಅಜ್ಜರಕಾಡುದ ಪುರಭವನಡ್ ಮಹಿಳಾಪ್ರಮುಖೆರ್ ಸೇರ್ದ್ ಸಭೆ ನಡಪಾಯೆರ್. ದಿಗ್ವಿಜಯ ಯಾತ್ರಾ ಸಮಿತಿದ ಅಧ್ಯಕ್ಷೆರಾಯಿನ ಆನಂದ ಶೆಟ್ಟಿ ಅಧ್ಯಕ್ಷತೆಡಿತ್ತುದ್ ಸಭೆ ನಡಪಾಯೆರ್.
ಮಹಿಳಾ ಪ್ರಮುಖೆರಾಯಿನ ತಾರಾ ಉಮೇಶ್ ಆಚಾರ್ಯ ಬತ್ತಿನ ಪೊಂಜೊವುನಕ್ಲೆನ್ ಎದ್ಕೊನೊಂದ್,ನವೆಂಬರ್ 7 ತಾರೀಕುದಾನಿ ನಡಪರೆಗುಪ್ಪುನ ಕಾರ್ಯಕ್ರಮದ ಬಗ್ಗೆ ಪ್ರಾಸ್ತಾವಿಕ ಮಾಹಿತಿ ಕೊರಿಯೆರ್.
ರಾಷ್ಟ್ರೀಯ ಮಹಿಳಾ ಆಯೋಗದ ನಿಕಟಪೂರ್ವ ಸದಸ್ಯೆರಾಯಿನ ಶ್ಯಾಮಲಾ ಕುಂದರ್ ಉಪಸ್ಥಿತೆರಿತ್ತುದ್ ರಾಮರಾಜ್ಯ ಕಟ್ಟುನ ಕನ ನಿಜ ಆಪಿನ ಪೊರ್ತು ಕೈತಲ್ ಬೈದುಂಡ್.ಅಯೋಧ್ಯೆಡ್ದ್ ಬರ್ಪಿನ ದಿಗ್ವಿಜಯ ರಥಯಾತ್ರೆನ್ ನಮ ಮಾತೆರ್ಲಾ ಪೊರ್ಲುಡ್ ಎದ್ಕೊನುಗ ಪಂಡುದ್ ಸಭೆಟ್ ಮಾತೆಯೆರೆಗ್ ಮಾಹಿತಿ ಕೊರಿಯೆರ್..ಹಿರಿಯೆರಾಯಿನ ಸುಪ್ರಭಾ ಆಚಾರ್ ಪಾತೆರ್ದ್ ಮಾತೆರೆಗುಲಾ ಉಂದೊಂಜಿ ಸವರ್ಣಾವಕಾಶ.ಈ ಅವಕಾಶೊನ್ ಏರ್ಲಾ ತಪ್ಪಾವೊನೊಡ್ಚಿ .ಮಾತೆರ್ಲಾ ಸೇರ್ದ್ ರಾಮಸೇವೆ ಮಲ್ಪುಗ ಪಂಡೆರ್.ಬಿಜೆಪಿ ಮಹಿಳಾ ಮೋರ್ಚಾದ ಅಧ್ಯಕ್ಷೆರಾಯಿನ ವೀಣಾ ಎಸ್.ಶೆಟ್ಟಿ ಕಜ್ಜೊಗ್ ಎಡ್ಡೆಪ್ಪು ಬಯಕಿಯೆರ್. ವೇದಿಕೆಡ್ ಗೀತಾಂಜಲಿ ಸುವರ್ಣ,ನಳಿನಿ ಪ್ರದೀಪ್,ಶ್ರೀಮತಿ,ಸಂಧ್ಯಾ ರಮೇಶ್ ಉಪಸ್ಥಿತರಿತ್ತೆರ್.ವೇದಿಕೆದ ಎದುರು ಭಾಗೊಡ್ ಜಿಲ್ಲಾ ಸಂಜೀವಿನಿ ಒಕ್ಕೂಟದ ಸದಸ್ಯೆರ್,ಧರ್ಮಸ್ಥಳ ಗ್ರಾಮಾಭಿವ್ರದ್ಧಿ ಒಕ್ಕೂಟದ ಸದಸ್ಯೆರ್,ನವೋದಯ ಸಂಘದ ಸದಸ್ಯೆರ್,ಮೊಗವೀರ ಸಂಘಟನೆದ ಸದಸ್ಯೆರ್,ಜಿಲ್ಲಾ ಬಿಜೆಪಿ ಮಹಿಳಾ ಮೋರ್ಚಾದ ಸದಸ್ಯೆರ್,ಭಜನಾ ಮಂಡಳಿ ಒಕ್ಕೂಟದ ಸದಸ್ಯೆರ್ ಹೆಚ್ಚಿನ ಸಂಖ್ಯೆಡ್ ಉಪಸ್ಥಿತರಿತ್ತುದ್ ಎಡ್ಡೆ ಸಲಹೆ ಸೂಚನೆ ಕೊರಿಯೆರ್.ಮಾತೆಯೆರ್ ಸುಮಾರು 350 ಗ್ ಲಾ ಜಾಸ್ತಿ ದ್ವಿಚಕ್ರ ವಾಹನೊಡ್ ಬರ್ಪ ಪಂಡುದ್ ಭರವಸೆ ಕೊರಿಯೆರ್.. ಸಮಿತಿದ ಪ್ರಧಾನ ಕಾರ್ಯದರ್ಶಿ ವಿಜಯ ಕೊಡವೂರು ಕಾರ್ಯಕ್ರಮದ ರೂಪುರೇಷೆನ್ ಮಾತೆಯೆರೆಗ್ ತೆರಿಪಾಯೆರ್.
ಸಂಘಟನಾ ಕಾರ್ಯದರ್ಶಿ ರಾಧಕ್ರಷ್ಣ ಮೆಂಡನ್,ಉಪಾಧ್ಯಕ್ಷೆರಾಯಿನ ಮನೋಹರ್ ಶೆಟ್ಟಿ ತೋನ್ಸೆ,ರಾಮ ಪೂಜಾರಿ ಸಂತೆಕಟ್ಟೆ ಉಪಸ್ಥಿತರಿತ್ತೆರ್.