ಡಾ.ಮಾಲತಿ ಶೆಟ್ಟಿ ಮಾಣೂರುಗ್ ಅಬ್ದುಲ್ ಕಲಾಂ ರಾಷ್ಟ್ರೀಯ ಪ್ರಶಸ್ತಿ..

“ಅಮೃತ ಪ್ರಕಾಶ ಪತ್ರಿಕೆದ ವ್ಯವಸ್ಥಾಪಕ ಸಂಪಾದಕಿ ಸಾಹಿತಿ,ಸಮಾಜ ಸೇವಕಿ, ಮಾಲತಿ ಶೆಟ್ಟಿ
ಮಾಣೂರು ಮೆರೆಗ್ ಬೆಂಗಳೂರುದ ಜನತಾ ಸಮಾಜ ಸೇವಾ ಟ್ರಸ್ಟ್( ರಿ) ಪದ್ಮಭೂಷಣ ಡಾ ಎ. ಪಿ .ಜೆ ಅಬ್ದುಲ್ ಕಲಾಂ ಮೆರೆನ 90ನೇ ಪುಟ್ಟು ಪರ್ಬದ ಅಂಗವಾದ್ ಕೊರ್ಪಿನ
ಪದ್ಮಭೂಷಣ ಡಾ ಎ. ಪಿ. ಜೆ ಅಬ್ದುಲ್ ಕಲಾಂ ರಾಷ್ಟ್ರೀಯ ಪ್ರಶಸ್ತಿ ಸಾಹಿತ್ಯ ಬೊಕ್ಕ ಪತ್ರಿಕೋದ್ಯಮ ಕ್ಷೇತ್ರದ ಸಾಧನೆಗಾದ್ ಆಯ್ಕೆಯಾತೆರ್ .ಪ್ರಶಸ್ತಿ ಪ್ರದಾನ ಸಮಾರಂಭ
ನವೆಂಬರ್ ಡ್ ಬೆಂಗಳೂರರುಡ್ ನಡಪುನ ಸಮಾರಂಭದ ಗಣ್ಯೆರೆನ ಸಮ್ಮುಖೊಡ್ ರಾಷ್ಟ್ರಪ್ರಶಸ್ತಿ ಕೊರ್ದ್ ಮಾನಾದಿಗೆ ಮಲ್ಪರೆಗುಲ್ಲೆರ್.
ಡಾ ಮಾಲತಿ ಶೆಟ್ಟಿ ಮಾಣೂರು ಮೇರು 9ಕೃತಿಲೆನ್ ಬರೆದ್ 8ವರುಷಡಿಂಚಿ ಸಾಹಿತ್ಯಪರ, ಸದಾಭಿರುಚಿದ ಅಮೃತ ಪ್ರಕಾಶ
ಪತ್ರಿಕೆನ್ ನಡಪಾವೊಂದ್ ಬರೊಂದುಲ್ಲೆರ್. ಪತ್ರಿಕೆ ವತಿಡ್ದ್ 34ಕೃತಿಲೆನ್ ಬುಡುಗಡೆ ಮಲ್ಪರೆಗುಲ್ಲೆರ್. ಮೆರೆಗ್ 6ರಾಜ್ಯ ಪ್ರಶಸ್ತಿ ,3ರಾಷ್ಟ್ರ ಪ್ರಶಸ್ತಿ, ತಿಕ್ಕುದುಂಡ್.2018ಡ್ ಗೌರವ ಡಾಕ್ಟರೆಟ್ ಚೆನ್ನೈಡ್ ಕೊರ್ದ್ ಮಾನಾದಿಗೆ ಮಲ್ದೆರ್. ಕರಿನ 16 ವರ್ಷೊಡಿಂಚಿ ಸಾಹಿತ್ಯ ಪತ್ರಿಕೋದ್ಯಮ ಸಮಾಜ ಸೇವೆಡ್ ತೊಡಗಿಸಾವೊಂದೆರ್.ಮೇರು ಹಿರಿಯ ಯಕ್ಷಗಾನ ಕಲಾವಿದೆರಾಯಿನ ಮಾಣೂರುದ ಕಿಟ್ಟಣ ಶೆಟ್ಟಿ ಮಾಣೂರು ಬೊಕ್ಕ ರೇವತಿ ಶೆಟ್ಟಿ ಮಾಣೂರು ದಂಪತಿಲೆನ ಮಗಲ್ .
ಪ್ರಸ್ತುತ ಮಂಗಳೂರುದ ಅತ್ತಾವರದ ವೈದ್ಯನಾಥ ನಗರ ಸಾಹಿತ್ಯ ನಂದನೊಡ್ ಕಂಡನೆ ಸತ್ಯಪ್ರಕಾಶ್ ಶೆಟ್ಟಿ ಅರೆನೊಟ್ಟುಗ್ ವಾಸವಾದುಲ್ಲೆರ್.