ಕೃಷಿ ಸಮಿತಿ ಕೊಡವೂರು ಬೊಕ್ಕ ಮಹಿಳಾ ಸಮಿತಿ ಕೊಡವೂರು ಸಹಯೋಗಡ್ ಮಹಿಳಾ ಸಬಲೀಕರಣ ಉದ್ದೇಶದೊಟ್ಟುಗ್ ಮಲ್ಲಿಗೆ ಕೃಷಿ ತರಬೇತಿ ಕಾರ್ಯಾಗಾರ”

ಕೃಷಿ ಸಮಿತಿ ಕೊಡವೂರು ಬೊಕ್ಕ ಮಹಿಳಾ ಸಮಿತಿ ಕೊಡವೂರು ಸಹಯೋಗಡ್ ಮಹಿಳಾ ಸಬಲೀಕರಣ ಉದ್ದೇಶದೊಟ್ಟುಗ್ ಮಲ್ಲಿಗೆ ಕೃಷಿ ತರಬೇತಿ ಕಾರ್ಯಾಗಾರ”

ಉಡುಪಿ ನಗರಸಭಾ ಸದಸ್ಯೆರಾದುಪ್ಪುನ ಶ್ರೀಯುತ ವಿಜಯ ಕೊಡವೂರು ಮೇರು ಗ್ರಾಮೀಣ ಮಹಿಳೆಯರೆನ ಆರ್ಥಿಕ ಸ್ವಾವಲಂಬನೆಗಾದ್ ಬೊಕ್ಕ ಸ್ವದ್ಯೋಗಗ್ ಅನುಕೂಲ ಆಪಿಲೆಕ್ಕ 26-11-2022ತಾರೀಕುದಾನಿ ಕೊಡವೂರುದ ಅಣ್ಣಪ್ಪ ಶೆಟ್ಟಿ ಜುಮಾದಿನಗರ ಮೆರೆನ ಇಲ್ಲಡ್ ಮಲ್ಲಿಗೆ ಕೃಷಿ ತರಬೇತಿ ಕಾರ್ಯಾಗಾರನ್ ಮಲ್ದಿತ್ತೆರ್.
ಕಾರ್ಯಕ್ರಮಡ್ ರಾಮಕೃಷ್ಣ ಶರ್ಮ ( ಅಧ್ಯಕ್ಷೆರು ಉಡುಪಿ ಕೃಷಿಕ ಸಂಘ) ಬೊಕ್ಕ ದಯಾನಂದ್ ಗಾಣಿಗ ಮೇರು ಮಲ್ಲಿಗೆ ಬುಲೆತ್ತ ವಿಧಾನ ಮಾರುಕಟ್ಟೆದ ಅವಕಾಶೊಲು ಆರ್ಥಿಕ ಸಹಾಯದ ವಿಚಾರದ ಬಗ್ಗೆ ಮಾಹಿತಿ ಕೊರಿಯೆರ್. ಕಾರ್ಯಕ್ರಮಡ್ 23 ಜನ ಮಹಿಳೆಯೆರು ಪಾಲ್ ಪಡೆದ್ ಮಾಹಿತಿ ದೆತೊಂಡೆರ್. ತರಬೇತಿ ಕಾರ್ಯಕ್ರಮಡ್ ಬೊಕ್ಕ ಪ್ರೇರಣೆ ಆಯಿನ ಕೆಲವು ಮಹಿಳೆಯೆರು ಮಲ್ಲಿಗೆ ಬುಲೆಪಾದ್ ಆ ಮುಖೇನ ಹೆಚ್ಚುವರಿ ಧನಾರ್ಜನೆ ಮಲ್ಪುನ ಭರವಸೆ ಕೊರಿಯೆರ್. ಇಂಚೆನೇ ದುಂಬುದ ದಿನಕ್ಲೆಡ್ ಬೇತೆ ಬೇತೆ ಗ್ರಾಮೊಲೆಡ್ ಬೇತೆ ಬೇತೆ ಸಂಘ ಸಂಸ್ಥಲೆನ ಸಹಕಾರಡ್ ಸ್ಥಳೀಯ ಮಹಿಳೆಯರೆನ್ ಒಟ್ಟು ಮಲ್ತುದ್ ಬಾಕಿದಕ್ಲೆಗುಲಾ ಮ್ಲಲಿಗೆ ಬುಲೆತ್ತ ಮಾಹಿತಿ ಬೊಕ್ಕ ಬುಲೆಕ್ ಅಗತ್ಯ ಉಪ್ಪುನ ಪೂರಕ ತರಬೇತಿ ಬೊಕ್ಕ ಸಸಿನ್ ವಿತರಣೆ ಮಲ್ಪುನ ಬಗ್ಗೆ ಚಿಂತನೆ ಮಲ್ತೆರ್. ನೂತನವಾದ್ ಸಸಿ ದೆತೊಂಬಿನಕ್ಲೆಗ್ ಸಂಘಸಂಸ್ಥೆಲೆನ ಬೊಕ್ಕ ದಾನಿಲೆನ ಸಹಭಾಗಿತ್ವಡ್ ಕೊರ್ಪಾವುನ ಬಗ್ಗೆಲಾ ಚಿಂತನೆ ಮಲ್ತೆರ್. ಅತ್ತಾವಂದೆ ದುಂಬುದ ದಿನೊಟ್ ರೈತೆರೆಗ್ ಸಾವಯವ ಕೃಷಿ ಮಾಹಿತಿನ್ ಕೊರ್ದ್ ರಾಸಾಯನಿಕ ಮುಕ್ತ ಬುಳೆ ಬುಳೆಪಿಲೆಕ್ಕ ಪ್ರೋತ್ಸಾಹ ಮಲ್ಪುನ ನಿಟ್ಟುಡ್ ಕಾರ್ಯಕ್ರಮಲೆನ್ ನಡಪಾವುನ ಬಗ್ಗೆ ಶ್ರೀ ವಿಜಯ ಕೊಡವೂರು ಮಾಹಿತಿ ಕೊರಿಯೆರು.

ಈ ಸಂದರ್ಬಡ್
ರಾಮಕೃಷ್ಣ ಶರ್ಮ ( ಅದ್ಯಕ್ಷರು ಉಡುಪಿ ಕೃಷಿಕ ಸಂಘ)
ಬೊಕ್ಕ ದಯಾನಂದ ಗಾಣಿಗ ಕಾಮಧೇನು ನರ್ಸರಿ ಹಿರಿಯಡ್ಕ, ಮಹಿಳಾ ಸಮಿತಿ ಅಧ್ಯಕ್ಷೆರಾಯಿನ ಚಂದ್ರಾವತಿ, ಕೃಷಿ ಸಮಿತಿ ಕೊಡವೂರು ಪ್ರಮುಖೆರಾಯಿನ ಅರುಣ್, ತೋಮ ಪೂಜಾರಿ,ಸ್ಥಳೀಯ ಕೃಷಿಕೆರಾಯಿನ ನವೀನ್ ಶೆಟ್ಟಿ, ಉಪಸ್ಥಿತರಿತ್ತೆರ್.