ಮಿನಿ ಉದ್ಯೋಗ ಮೇಳ

ಜಗದ್ಗುರು ಶ್ರೀ ನಿತ್ಯಾನಂದ ಸ್ವಾಮಿ ಮಂದಿರದ ಆಶ್ರಯೊಡ್ ರಾಷ್ಟ್ರೀಯ ಪದವಿಪೂರ್ವ ವಿಧ್ಯಾರ್ಥಿಲೆನ ಪೋಷಕೆರೆನ ಬೊಕ್ಕ ಶಿಕ್ಷಕರ ಸಂಘ, ಸ್ವಾವಲಂಬಿ ಭಾರತ ಬೊಕ್ಕ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ಉಡುಪಿ ವಲಯ
ಮೊಕುಲು ಒಟ್ಟುಡ್ ಮಿನಿ ಉದ್ಯೋಗ ಮೇಳ ಆಯೋಜನೆ ಮಲ್ದೆರ್.

ಕಾರ್ಯಕ್ರಮದ ಆಯೋಜಕೆರಾಯಿನ ವಿಜಯ್ ಕೊಡವೂರು ಮೇರು ಉದ್ಯೋಗ ಸಿಕ್ಕಂದೆ ಯುವ ಜನತೆ ದುಶ್ಚಟೊಲೆಗ್ ಬಲಿಯಾವಂದಿಲೆಕ್ಕ ತಡೆಪರೆಗ್ ನನ ದುಂಬಗ್ ಪ್ರತೀ ತಿಂಗೊಲು ಉದ್ಯೋಗ ಮೇಳ ನಡಪಾವುನ್ ಪಂಡುದ್ ಘೋಷಣೆ ಮಲ್ದೆರ್.
ಉಡುಪಿ ಚೇಂಬರ್ ಆಫ್ ಕಾಮರ್ಸ್ ಬೊಕ್ಕ ಇಂಡಸ್ಟ್ರಿಯ ಅಧ್ಯಕ್ಷೆರಾಯಿನ ಅಂಡಾರು ದೇವಿಪ್ರಸಾದ್ ಶೆಟ್ಟಿ ಮೇರು ಉದ್ಯೋಗ ಮೇಳನ್ ಉದ್ಘಾಟನೆ ಮಲ್ರುದ್ ಉದ್ಯೋಗ ನಾಡುನ ಒಟ್ಟುಗ್ ಸ್ವಉದ್ಯೋಗ ನಡಪಾವುನ ಬಗ್ಗೆ ಲಾ ಆಸಕ್ತೆರಾವೊಡ್ ಪಂಡುದ್ ಪ್ರೋತ್ಸಾಹ ಮಲ್ತೆರ್. ಸಹ ಆಯೋಜಕೆರಾಯಿನ ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ಅಧ್ಯಕ್ಷೆರಾಯಿನ ಜನಾರ್ಧನ ಭಟ್ ಮೇರು ಪಾತೆರ್ದ್ ಉದ್ಯೋಗ ಆಕಾಂಕ್ಷಿಲೆಗ್ ಶುಭ ಹಾರೈಸಿಯೆರ್. ಸಹ ಆಯೋಜಕೆರಾಯಿನ ರಾಷ್ಟ್ರೀಯ ಪದವಿಪೂರ್ವ ವಿದ್ಯಾರ್ಥಿ ನ, ಪೋಷಕೆರೆನ ಬೊಕ್ಕ ಶಿಕ್ಷಕೆರೆನ ಸಂಘದ ಅಧ್ಯಕ್ಷೆರಾಯಿನ ಮಿಥೇಶ್ ಕುಮಾರ್ ಮೂಡುಕೊಣಾಜೆ ಕಾರ್ಯಕ್ರಮ ನಿರೂಪಣೆ ಮಲ್ತೆರ್.

ಒಟ್ಟು 108 ಉದ್ಯೋಗ ಆಕಾಂಕ್ಷಿಲು ಉದ್ಯೋಗ ಮೇಳಡ್ ಪಾಲ್ ಪಡೆದಿತ್ತೆರ್. 8 ಅಭ್ಯರ್ಥಿಲು
ಜಾಗೆಡೇ ಉದ್ಯೋಗ ಖಾತ್ರಿ ಮಲ್ತೊಂಡೆರ್. 82 ಅಭ್ಯರ್ಥಿಲು ದುಂಬುದ ಸುತ್ತು ಸಂದರ್ಶನಗ್ ಆಯ್ಕೆಯಾತೆರ್.