ಮಿಥುನ್ ರೈ ಶ್ರೀ ಕ್ರಷ್ಣ ಮುಖ್ಯಪ್ರಾಣಡ ಮಾಪು ನಟ್ಟೊಡ್..

ಮಿಥುನ್ ರೈ ಶ್ರೀಕೃಷ್ಣ ಮುಖ್ಯಪ್ರಾಣೆರೆಡ ಕ್ಷಮೆ ಕೇನಡ್. ಉಡುಪಿ ಜಿಲ್ಲಾ ಶ್ರೀರಾಮಸೇನೆ.

ಉಡುಪಿದ ಶ್ರೀ ಕೃಷ್ಣ ಮಠೊಕ್ ಜಾಗೆನ್ ಮುಸ್ಲಿಮೆರು ಕೊರ್ತಿನಿ ಪಂಡುದು ಮಿಥುನ್ ರೈ ಹೇಳಿಕೆ ಸರಿಯತ್ತ್..

ಸುಳ್ಳು ಪನರೆಗುಲಾ ಒಂಜಿ ಸಾಕ್ಷಿ ಇಪ್ಪೊಡ್. ಪ್ರಖ್ಯಾತ ಜ್ಯೋತಿಷಿ ಅಮ್ಮಣ್ಣರಾಯೆರೆನ ಪ್ರಖಾರ ಏಳನೇ ಶತಮಾನಡ್ ಅರಬ್ ರಾಷ್ಟ್ರೊಡ್ ಇಸ್ಲಾಂ ಮತ ಶುರುವಾಯಿನಿ.13 ನೇ ಶತಮಾನಡ್ ಕೃಷ್ಣ ಮಠೊನ್ ಸ್ಥಾಪನೆ ಮಲ್ತೆರ್. ಕೇವಲ ಆಜಿನೂದ್ ವರ್ಷೊಡ್ ಮುಸ್ಲಿಮೆರು ಅಯಿಟುಲಾ ಉಡುಪಿಗ್ ಬತ್ತುದ್ ಜಾಗ ಮಲ್ತೆರಾ? ಅರ್ಥ ಇಪ್ಪಂದಿನ ಪಾತೆರ ಪನ್ಪಿನ ಸರಿ ಅತ್ತ್ . ಅನಂತೇಶ್ವರ ಏತ್ ವರ್ಷ ಪಿರಾಕುದವ್ವಾ ಗೊತ್ತಿಜ್ಜಿ. 9ನೇ ಶತಮಾನಡ್ ಅನಂತೆಶ್ವರ ದೇವಸ್ಥಾನ ಪುನರ್ನಿಮಾಣ ಆತುಂಡ್ ಪಂಡುದು ಇತಿಹಾಸ ಉಂಡು. ಅಂಚಿನ ದೇವಸ್ಥಾನದ ಕೈತಲೇ ಮುಸ್ಲಿಮೆರು ಜಾಗ ಮಲ್ದೆರಾ? ದಾದ ಪಾತೆರ್ವೆರ್ ಮಿಥುನ್ ರೈ?
ಕೇವಲ ರಾಜಕೀಯಕ್ಕಾದ್ ಧರ್ಮದ ಉಲಾಯಿ ಕಂದಕೊನ್ ಸೃಷ್ಟಿಸಾವುನ ಇಂಚಿನ ನಾಯಕೆರೆನ್ ರಾಜಕೀಯೇತರವಾದ್ ಹಿಂದೂ ಸಮಾಜ ದೂರ ದೀಯೊಡಾತುಂಡ್.. ಉಡುಪಿದ ಶ್ರೀ ಕೃಷ್ಣ ಮಠೊಕ್ ಅಯಿತವೇ ಆಯಿನ ಇತಿಹಾಸ ಉಂಡು, , ವಿಶ್ವೊಡೇ ಜಾಸ್ತಿ ಆರಾಧನೆ ಮಲ್ಪುನ ದೇವೆರ್ ಪಂಡ ಅವ್ ಉಡುಪಿದ ಶ್ರೀ ಕೃಷ್ಣೆ.
ಉಡುಪಿದ ಶ್ರೀ ಕೃಷ್ಣನ ಜಾಗದ ವಿಚಾರದಲ್ಲಿ ಮಿಥುನ್ ರೈ ಎತ್ತಿದ ವಿಷಯ ನಿಜವಾದುಲಾ ಅರೆನ ಮತೀಯ ಬುದ್ಧಿ ಬ್ರಮಣೆಗ್ ಸಾಕ್ಷಿಯಾತುಂಡ್.

ವಿಜಯನಗರ ಸಾಮಂತ ರಾಮಭೋಜ ಅರಸ ಅನಂತೇಶ್ವರ ದೇವಸ್ಥಾನಕಗ್ ಉಂಬಳಿ ಕೊರ್ತಿನ ಜಾಗೆಡ್ ಉಡುಪಿ ಶ್ರೀಕೃಷ್ಣ ಮಠ ನಿರ್ಮಾಣ ಮಲ್ದೆರ್. ಪಂಡುದ್ ಶ್ರೀಕೃಷ್ಣ ಮಠತ್ತ ಶಿಲಾಶಾಸನೊಡ್ ಉಂಡು. ಮಧ್ವಸರೋವರಡ್ 9 ಶಾಸನೊಲ್ ಉಂಡು. ಜಾಗ ಅನ್ಯ ಧರ್ಮೀಯೆರು ಕೊರ್ತೆರ್ ಪಂಡುದು ವಿರೋಧ ಮಲ್ಪುನಕುಲು ಶಾಸನೊಲೆನ್ ಇತಿಹಾಸ ತಜ್ಞ ಪ್ರಾಜ್ಞೆರೆಡ್ದ್ ತೆರಿಯೊನಡ್.
ಬ್ರಿಟಿಷೆರು ಬತ್ತಿನೇಡ್ ಬೊಕ್ಕ ಮದ್ರಾಸ್‌ ಪ್ರಾಂತ್ಯ ಆಡಳಿತದ ಸಂದರ್ಭ ಉಂದು ಶ್ರೀಕೃಷ್ಣ ಮಠೊಕ್ ಸೇರ್ದುಂಡ್ ಪನ್ಪಿನೇಕ್ ಲಿಖಿತ ದಾಖಲೆಲಾ ಉಂಡು.
ಶಿಲಾಶಾಸನ, ದಾಖಲೆ, ಐತಿಹ್ಯಲೆನ್ ಆಧಾರ ದೀದ್ ಮಾಧ್ವ ವಿದ್ವಾಂಸೆರ್ ಪನ್ಪಿಲೆಕ್ಕ

ಉಂದು ಕುಂಜರ ವಂಶದ ಕುಂಜಿತ್ತಾಯರ ಮನೆತನಗ್ ಸೇರಿನ ಜಾಗ. ರಾಜನ ಕುದುರೆಗಾಡಿದ ಅಡಿಕ್ ನಾಗೆ ಬೂರ್ದ್ ಸೈತಿನಪಗ ರಾಜ ಕುಂಜಿತ್ತಾಯೆರೆನ ಕೈತಲ್ ಬತ್ತೆರ್. ಪಾಪ ಪ್ರಾಯಶ್ಚಿತ್ತಕ್ಕಾದ್ ಉಡುಪಿಡ್ ನಾಲ್ ಸ್ಕಂದಾಲಯ, ನಾಲ್ಕು ದುರ್ಗಾಲಯ ಮಲ್ಪುವೆರ್.

ಉಡುಪಿಡ್ದ್ ಸುಳ್ಯ, ಸುಬ್ರಹ್ಮಣ್ಯ ವರೆಗೆ ದೇವಸ್ಥಾನ ನಿರ್ಮಾಣ ಮಲ್ಪರೆಗ್ ಕುಂಜಿತ್ತಾಯ ವಂಶಸ್ಥರೆಗ್ ಅವಕಾಶನ್ ಕೊರ್ತುಂಡ್.
ಈತ್ ಮಾತಾ ದಾಖಲೆ ಇತ್ತುಂಡಲಾ ಮಿಥುನ್ ರೈ, ಕೇವಲ ರಾಜಕೀಯ ಉದ್ದೇಶಗಾದ್ , ರಾಜಕೀಯವಾದ್ ಬುಲೆಯರೆಗ್ ಜಗದ್ದೋರಾಕ ಶ್ರೀ ಕೃಷ್ಣ ಮಠದ ಇತಿಹಾಸ ಗೊತ್ತಿಪ್ಪಂದೆ ಹಿಂದೂಲೆಡ ಶ್ರೀ ಕೃಷ್ಣ ಮಠದ ಬಗ್ಗೆ ಗೊಂದಲ ಮೂಡಿಸಾವರೆಗ್ ಪ್ರಯತ್ನ ಮಲ್ದಿನವ್ವೆನ್ ಉಡುಪಿ ಜಿಲ್ಲಾ ಶ್ರೀರಾಮಸೇನೆ ತೀವ್ರವಾದ್ ಖಂಡಿಸಾವುಂಡ್ ಅಂಚೆನೇ ಶ್ರೀಕೃಷ್ಣ ಮುಖ್ಯಪ್ರಾಣೆರೆಡ ಕ್ಷಮೆ ಕೇನೊಡ್ ಪಂಡುದ್ ಶ್ರೀರಾಮಸೇನೆದ ಉಡುಪಿ ಜಿಲ್ಲಾಧ್ಯಕ್ಷ ಜಯರಾಂ ಅಂಬೆಕಲ್ಲು ಪ್ರಕಟಣೆಡ್ ತೆರಿಪಾದೆರ್.