ಮೊಗವೀರ ಸಮಾಜದ ಭವ್ಯ ಭವನ ನ.21‌ಗ್ ಉದಿಪನ…

ಮೊಗವೀರ ಸಮಾಜ ಮಾತ್ರ ಅತ್ತಾವಂದೆ ಮಾತಾ ಸಮಾಜದ ಜನತೆಗ್ ಕಡಿಮೆ ಖರ್ಚಿಡ್ ಮದಿಮೆ ಸೇರಿನಂಚ ಬಾಕಿದ ಶುಭಕಾರ್ಯ ಮಲ್ಪರೆಗ್ ಅನುಕೂಲ ಆಪಿಲೆಕ್ಕ ಮಾತಾ ಸೌಕರ್ಯ ಇತ್ತಿನ ಸಭಾಭವನ ನಿರ್ಮಾಣ ಮಲ್ಪೊಡ್ ಪನ್ಪಿನ ಆಶಯೊಡ್ ಮೊಗವೀರ ಸಮಾಜದ ಮಾರ್ಗದರ್ಶಕೆರಾಯಿನ ನಾಡೋಜ ಡಾ| ಜಿ.ಶಂಕರ್ ಮೆರೆನ ಮುಂದಾಳತ್ವ ಡ್ ದ.ಕ.ಮೊಗವೀರ ಮಹಾಜನ ಸಂಘ ಉಚ್ಚಿಲ,ಎಮ್ಆರ್ ಪಿಎಲ್ ಕಾರ್ಪೋರೆಟ್ ಸೋಶಿಯಲ್ ರೆಸ್ಪಾನ್ಸಿಬಿಲಿಟಿ ಇನಿಷಿಯೇಟಿವ್ ಸಹಯೋಗಡ್ ದಿ.ಉದ್ಯಾವರ ಸದಿಯ ಸಾಹುಕಾರೆರ್ ಉಚ್ಚಿಲ ಮಹಾಲಕ್ಷ್ಮಿ ದೇವಸ್ಥಾನ ಗ್ ಕೊರ್ತಿನ 14 ಎಕರೆ ಜಾಗೆದ ರಾ.ಹೆ.66‌ದ ಕೈತಲುಡ್ ಮೊಗವೀರ ಸಭಾಭವನ ನಿರ್ಮಾಣ ಆತುಂಡ್.

ಸಂಪೂರ್ಣ ಹವಾನಿಯಂತ್ರಿತವಾದಿತ್ತಿನ 2‌ಸಭಾಂಗಣ ಇತ್ತುದ್, ಮಾಧವ ಮಂಗಲ ಸಭಾಂಗಣೊಡ್ 1100‌ಜನ, ಕುಲಮಹಾಸ್ತ್ರಿ ಸಭಾಂಗಣೊಡ್ 900‌ ಜನ ಕುಲ್ಲುನ ಸಾಮರ್ಥ್ಯ ಉಂಡು.ಸಸ್ಯಹಾರ ಬೊಕ್ಕ ಮಾಂಸಾಹಾರದ ಬೇತೆ ಬೇತೆನೆ ಅಟ್ಟಿಲ್ದ ಕೋಣೆ ಇತ್ತುದ್ ಲಿಫ್ಟ್, ಜನರೇಟರ್,ಸಿಸಿಟಿವಿ ಬೊಕ್ಕ 550 ಕಾರ್ ಉಂತುನ ಪಾರ್ಕಿಂಗ್ ವ್ಯವಸ್ಥೆ ಉಂಡು.

ಈ ಭವ್ಯ ಭವನದ ಉದಿಪನ ಉಂದುವೇ ಬರ್ಪಿನ ನವೆಂಬರ್ 21 ತಾರೀಕುದಾನಿ ಕಾಂಡೆ 10.30 ಗಂಟೆಗ್ ನಡಪರೆಗುಂಡ್.ಬಿಜೆಪಿ ರಾಜ್ಯಾಧ್ಯಕ್ಷೆರಾಯಿನ ನಳಿನ್ ಕುಮಾರ್ ಕಟೀಲು ಕುಲಮಹಾಸ್ತ್ರಿ ಅಮ್ಮ ಸಭಾಭವನನ್,ಕೇಂದ್ರ ಸಚಿವೆರಾಯಿನ ಶೋಭಾ ಕರಂದ್ಲಾಜೆ ಮಾಧವ ಮಂಗಲ ಸಭಾಭವನನ್,ಸಚಿವೆರಾಯಿನ ವಿ.ಸುನಿಲ್ ಕುಮಾರ್ ಶ್ರೀಮತಿ ಶಾಲಿನಿ ನಾಡೋಜ ಡಾ| ಜಿ.ಶಂಕರ್ ವೇದಿಕೆನ್,ಸಚಿವೆರಾಯಿನ ಕೋಟ ಶ್ರೀನಿವಾಸ ಪೂಜಾರಿ ಶ್ರೀಮತಿ ಆನಂದ ಕುಂದರ್ ವೇದಿಕೆನ್,ಎಮ್.ಆರ್.ಪಿ.ಎಲ್.ಆಡಳಿತ ನಿರ್ದೇಶಕೆರಾಯಿನ ವೆಂಕಟೇಶ್ ಉದಿಪನ ಮಲ್ಪರೆಗುಲ್ಲೆರ್.ಜಿ.ಶಂಕರ್ ಫ್ಯಾಮಿಲಿ ಟ್ರಸ್ಟ್ ದ ಪ್ರವರ್ತೆಕೆರಾಯಿನ ನಾಡೋಜ ಡಾ| ಜಿ.ಶಂಕರ್ ಸಭಾಕಜ್ಜೊದ ಅಧ್ಯಕ್ಷತೆಡಿಪ್ಪುವೆರ್.

ಶಾಸಕೆರಾಯಿನ ಲಾಲಾಜಿ ಆರ್.ಮೆಂಡನ್,ರಘುಪತಿ ಭಟ್,ಮಾಜಿ ಸಚಿವೆರಾಯಿನ ಪ್ರಮೋದ್ ಮಧ್ವರಾಜ್,ವಿನಯ್ ಕುಮಾರ್ ಸೊರಕೆ, ಮೀನುಮಾರಾಟ ಫೆಡರೇಶನ್ ‌ಅಧ್ಯಕ್ಷೆರಾಯಿನ ಯಶ್ ಪಾಲ್ ಸುವರ್ಣ ಕಜ್ಜೊಡ್ ಮಲ್ಲ ಬಿನ್ನೆರಾದುಪ್ಪುವೆರ್.ಕರ್ನಾಟಕ ಮೀನುಗಾರಿಕಾ ಅಭಿವೃದ್ಧಿ ನಿಗಮದ ಅಧ್ಯಕ್ಷೆರಾಯಿನ ನಿತಿನ್ ಕುಮಾರ್,ಮಲ್ಪೆ ಮೀನುಗಾರ ಸಂಘದ ಅಧ್ಯಕ್ಷೆರಾಯಿನ ದಯಾನಂದ ಕೆ.ಸುವರ್ಣ,ಬೆಣ್ಣೆಕುದ್ರು ಶ್ರೀ ಕುಲಮಹಾಸ್ತ್ರಿ ಅಮ್ಮನವರ ದೇವಸ್ಥಾನದ ಕ್ಷೇತ್ರಾಡಳಿತ ಸಮಿತಿ ಅಧ್ಯಕ್ಷೆರಾಯಿನ ಆನಂದ ಸಿ.ಕುಂದರ್,ಉಚ್ಚಿಲ ಶ್ರೀ ಮಹಾಲಕ್ಷ್ಮಿ ದೇವಸ್ಥಾನದ ಕ್ಷೇತ್ರಾಡಳಿತ ಸಮಿತಿ ಅಧ್ಯಕ್ಷೆರಾಯಿನ ವಾಸುದೇವ ಸಾಲ್ಯಾನ್,ಜೀರ್ಣೋದ್ಧಾರ ಸಮಿತಿ ಅಧ್ಯಕ್ಷೆರಾಯಿನ ಗುಂಡು ಬಿ.ಅಮೀನ್,ಕಟ್ಟಡ ನಿರ್ಮಾಣ ಸಮಿತಿ ಅಧ್ಯಕ್ಷೆರಾಯಿನ ಹರಿಯಪ್ಪ ಕೋಟ್ಯಾನ್,ಉದ್ಯಾವರ ಸದಿಯ ಸಾಹುಕಾರ್ ಕುಟುಂಬದ ಯು.ಗಣೇಶ್,ಕುಂದಾಪುರ ಬಗ್ವಾಡಿ ಹೋಬಳಿ ಮೊಗವೀರ ಮಹಾಜನ ಸಂಘದ ಶಾಖಾಧ್ಯಕ್ಷೆರಾಯಿನ ಕೆ.ಕೆ.ಕಾಂಚಾನ್,ಉಚ್ಚಿಲ ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್, ಮೊಗವೀರ ಮಹಿಳಾ ಅಧ್ಯಕ್ಷೆರಾಯಿನ ಅಪ್ಪಿ ಸಾಲ್ಯಾನ್,ಮೊಗವೀರ ಯುವಸಂಘಟನೆದ ಜಿಲ್ಲಾಧ್ಯಕ್ಷೆರಾಯಿನ ಕೆ.ಶಿವರಾಮ್ ಕೋಟ ಉಪಸ್ಥಿತರಿಪ್ಪುವೆರ್.