ಮೊಗವೀರ ಯುವ ಸಂಘಟನೆದ ಜಿಲ್ಲಾಧ್ಯಕ್ಷೆರಾದ್ ರಾಜೇಂದ್ರ ಸುವರ್ಣ,ಕಾರ್ಯದರ್ಶಿ ರವೀಶ್ ಕೊರವಡಿ ಆಯ್ಕೆ….

ಮೊಗವೀರ ಯುವ ಸಂಘಟನೆದ ಉಡುಪಿದ ಪೊಸ ಜಿಲ್ಲಾಧ್ಯಕ್ಷೆರಾದ್ ಶ್ರೀ ರಾಜೇಂದ್ರ ಸುವರ್ಣ ಆಯ್ಕೆ ಆತೆರ್.ಅಂಚೆನೇ ಕಾರ್ಯದರ್ಶಿಯಾದ್ ಬೈಂದೂರು ಘಟಕದ ರವೀಶ್ ಕೊರವಡಿ ಆಯ್ಕೆ ಆತೆರ್.ಕೋಶಾದಸಿಕಾರಿಯಾದ್ ರವಿರಾಜ್ ಚಂದನ್ ಆಯ್ಕೆ ಆತೆರ್.ಅಂಚೆನೇ ಉಪಾಧ್ಯಕ್ಷೆಯಾದ್ ಕೋಟ ಘಟಕದ ಗುಲಾಬಿ ದೇವದಾಸ ಬಂಗೇರ ಆಯ್ಕೆ ಆತೆರ್.

ಮಂಗಳವಾರ ಉಡುಪಿ ಅಂಬಲಪಾಡಿದ ಶ್ಯಾಮಿಲಿ ಸಭಾಭವನೊಡ್ ನಡತಿನ ಮೊಗವೀರ ಯುವಸಂಘಟನೆದ ವಾರ್ಷಿಕ ಮಹಾಸಭೆಟ್ ಪೊಸ ಪದಾಧಿಕಾರಿಲೆನ ಆಯ್ಕೆ ನಡತುಂಡ್.

ವೇದಿಕೆಡ್ ಮೊಗವೀರ ಮುಂದಾಳು ಡಾ.ನಾಡೋಜ ಜಿ.ಶಂಕರ್ ಉಪಸ್ಥಿತರಿತ್ತುದ್ ಯುವ ಸಂಘಟನೆದ ಬುಲೆಚ್ಚಿಲ್ ಗ್ ಮಾರ್ಗದರ್ಶನ ಕೊರಿಯೆರ್.ನಿವ್ರತ್ತ ಅಧ್ಯಕ್ಷೆರಾಯಿನ ಶಿವರಾಮ್ ಕೋಟ ಅಧ್ಯಕ್ಷೆರಾದಿತ್ತೆರ್

.ವೇದಿಕೆಡ್ ಯುವ ಸಂಘಟನೆದ ಸ್ಥಾಪಕಾಧ್ಯಕ್ಷೆರಾಯಿನ ಸತೀಶ್ ಅಮೀನ್,ಮಾಜಿ ಅಧ್ಯಕ್ಷೆರಾಯಿನ ವಿನಯ್ ಕರ್ಕೇರ,ದ.ಕ.ಮೊಗವೀರ ಮಹಾಜನ ಸಂಘದ ಅಧ್ಯಕ್ಷೆರಾಯಿನ ಜಯ ಸಿ.ಕೋಟ್ಯಾನ್ ಉಪಸ್ಥಿತರಿತ್ತೆರ್.