ನೈತಿಕತೆನೇ ಮಾತಾ ಸಮಸ್ಯೆಗ್ ಪರಿಹಾರ.

ಕಾಪು : ನೈತಿಕತೆದ ಜೀವನಡಾದ್  ಸಮಾಜದುಲಾಯಿ ಸಾಮರಸ್ಯ, ಪ್ರೀತಿ, ವಿಶ್ವಾಸ , ಸಮಾನತೆ ಮೂಡ್ದ್  ಬರ್ರೆಗ್ ಸಾಧ್ಯ.
ಸ್ವಾತಂತ್ರ ಪಂಡ , ತನ್ನ ಮನೋಭಿಲಾಷೆನ್ ಈಡೇರಿಸಾವರೆಗ್ ಒವ್ವೇ  ವಾಮ ಮಾರ್ಗಡ್ ನಡತುದ್ ಅವ್ವೆನ್  ಗಳಿಸಾದ್  ತನ್ನ ಇಚ್ಚೆನ್  ತೀರಿಸಾವೊಂಬಿನಿ ಅತ್ತ್. ನಮ್ಮ ಜೀವನ  ಈ ಲೋಕಗ್  ಮಾತ್ರ ಸೀಮಿತ ಅತ್ತ್. ಮುಲ್ಪದ  ಮಾತಾ ಕರ್ಮಲೆನ  ಲೆಕ್ಕನ್ ಪರಲೋಕಡ್  ಸ್ರಷ್ಟಿಕರ್ತಗ್  ಕೊರ್ರೆಗ್ ಉಂಡು ಪನ್ಪಿನ ಯೋಚನೆ ಮನುಷ್ಯರೆಡ  ಇತ್ತುಂಡ ಮಾತ್ರ , ಆಯೆ ಸಮಾಜಡ್  ಗೌರವಯುತ ಜೀವನಗಾದ್  ನೈತಿಕತೆನ್ ಅಳವಡಿಸಾವರೆಗ್  ದುಂಬು ಬರ್ಪೆ. ಅಂಚಿನ ವಾತಾವರಣನ್  ಪ್ರತಿಯೊರಿ ಮನುಷ್ಯೆ ಮಲ್ಪೊಡ್ ಪಃಡುದು ಜಮಾ ಅತೆ ಇಸ್ಲಾಮೀ ಹಿಂದ್ ಉಡುಪಿ ಜಿಲ್ಲೆದ  ಮಹಿಳಾ ವಿಭಾಗದ ಸಂಚಾಲಕೆರಾಯೀನ ಕುಲ್ಸುಮ್ ಅಬೂಬಕ್ಕರ್ ಪಂಡೆರು.
ಆರು ಜಮಾ ಅತೆ ಇಸ್ಲಾಮೀ ಹಿಂದ್ ಭಾರತದ್ಯಾದಂತ ಆಯೋಜನೆ ಮಲ್ದಿನ ” ನೈತಿಕತೆನೇ ಸ್ವಾತಂತ್ರ್ಯದ ಭರವಸೆ” ಪನ್ಪಿನ ಧ್ಯೆಯ ವಾಕ್ಯದಡಿಟ್  ಅಭಿಯಾನ ನಡಪಿವೊಂದಿತ್ತುದ್ , ನೆತ್ತ  ಅಂಗವಾದ್  ಕಾಪು ವರ್ತುಲ ಹೋಟೆಲ್ ಕೆ. ಒನ್ ಡ್ ನಡತಿನ ಕಾರ್ಯಕ್ರಮಡ್ ಪ್ರಾಸ್ತಾವಿಕ ಭಾಷಣಡ್ ಪಾತೆರಿಯೆರು.
ಮುಖ್ಯ ಅತಿಥಿಯಾದ್ ಭಾಗವಹಿಸಿನ  ಸಾವಿತ್ರಿ ಗಣೇಶ್ ಮೇರು, ಮಹಿಳೆಯೆರಾಯಿನ  ನಮ ಸಮಾಜಡಾ ಸತ್ಯತೆ, ನ್ಯಾಯ, ನಿಷ್ಠೆ, ಕಾರ್ಯಕ್ಷಮತೆ, ಬದ್ಧತೆಲೆಗ್ ಒಗ್ಗೊಂದು ಪೋಂಡ, ಸಮಾಜ ನಮನ್  ದುಂಬು ಪೋವರೆಗ್ ಸಹಕಾರ ಮಲ್ಪುಂಡ್  ಬೊಕ್ಕ  ಗೌರವಿಸಾವುಂಡ್  ಪಂಡೆರು.
ಮೋನಿಕಾ ಕರ್ನೆಲಿಯೊ ಮೇರು, ನಮ ಎಲ್ಯ ಉಪ್ಪನಗ ಡ್ರಗ್ಸ್  ಪಂಡ ಆರೋಗ್ಯ ಗುಣ ಮಲ್ಪರೆಗ್ ಕೊರ್ಪಿನ  ಔಷಧ ಆದಿತ್ತುಂಡ್.. ಆಂಡ  ಇನಿ  ಆರೋಗ್ಯನ್  ಬೊಕ್ಕ ಸಮಾಜನ್  ನಾಶ ಮಲ್ಪುನ  ಮಾದಕ ದ್ರವ್ಯ ಆದುಂಡ್. ನೆತ್ಥ  ಬಗ್ಗೆ ಮಹಿಳೆಯೆರು ಅಯಿತ್ತ  ವಿರುದ್ಧ ಟೊOಕ ಕಟ್ಟುದ್ ಉಂತೊಡು ಪಂಡೆರು.

ಉಡುಪಿ ಜಿಲ್ಲಾ ಮಹಿಳಾ ಸಹ ಸಂಚಾಲಕೆರಾಯಿನ ರೇಷ್ಮಾ ಬೈಲೂರು ಸಮಾರೋಪಡ್ , ಬದುಕುಡ್ ಅಳವಡಿಸಾಯಿನ  ಗುಣಕುಲೆಗ್  ಬೆಲೆ ಬರೊಡಾಂಡ, ಮನುಷ್ಯೆ ತನಡ  ಉನ್ನತ ಮಟ್ಟದ ನೈತಿಕತೆನ್ ಬುಲೆಪಾವೊಡು.
ಕುಟುಂಬದ ಹಿರಿಯೆರು ಉನ್ನತ ಮಟ್ಟಡ್ ಚಾರಿತ್ರ್ಯವಂತೆರಾಯೆರಡ  ಅಯಿತ್ತ  ಪ್ರಭಾವ ಅಕ್ಲೆನ ಕುಟುಂಬ ಬೊಕ್ಕ  ಅಕುಲು  ವಾಸ ಮಲ್ಪುನ ಸಮಾಜಗ್ ಪರಿಣಾಮ ಬೂರುಂಡು ಅದಗ ಒಂಜಿ  ಉತ್ತಮ ಸಮಾಜ ನಿರ್ಮಾಣ ಆವರೆಗ್ ಸಾಧ್ಯ  ಪಂಡೆರು.
ಪುರಸಭಾ ಸದಸ್ಯೆರಾಯಿನ  ಮೋಹಿನಿ ಶೆಟ್ಟಿ ಬೊಕ್ಕ ಸುಲೋಚನಾ ಬಂಗೇರಾ ಮೇರು ಅಭಿಯಾನಗ್  ಶುಭ ಹಾರೈಸಿಯೆರು.
ಮಾಜಿದಾ ಮಲ್ಪೆ ಮೇರು ಸಭಾ ಕಾರ್ಯಕ್ರಮದ ಪ್ರಾರಂಭಡ್  ಕುರ್ ಆನ್ ಪಠಣ ಮಲ್ತೆರು. ರಹಮತುನ್ನಿಸ ರವರು ಅನುವಾದ ಮಲ್ತೆರು.
ಕಾಪು ಸ್ಟಾನಿಯ ಸಂಚಾಲಕೆರಾಯಿನ  ಶೇಹೇನಾಜ್ ಮೇರು ಸ್ವಾಗತ ಭಾಷಣ ಮಲ್ತುದ್ ಕಾರ್ಯಕ್ರಮ ನಿರೂಪಣೆ ಮಲ್ತೆರು.
ಮಸ್ನಾ ಮುಳೂರು ಧನ್ಯವಾದ ಕೊರಿಯೆರು.
ವೇದಿಕೆಡ್ , ಪುರಸಭಾ ಸದಸ್ಯೆರಾಯಿನ  ಶಾಂತಲತಾ ಶೆಟ್ಟಿ, ವಿಧ್ಯಾಆನಂದ್, ಅಶ್ವಿನಿ ಬಂಗೇರಾ ಮೊಕುಲು ಉಪಸ್ಥಿತರಿತ್ತೆರು.