ಸುನೀಲ್ ಕುಮಾರ್ ಬೇನಾಮಿ ಆಸ್ತಿದ ಬಗ್ಗೆ ತನಿಖೆ ಮಲ್ಪರೆಗ್ ಮುತಾಲಿಕ್ ಒತ್ತಾಯ..

ಕಾರ್ಕಳ : ಸಚಿವ ಸುನೀಲ್ ಕುಮಾರ್ ಅರೆನ ಬೇನಾಮಿ ಆಸ್ತಿ ತನಿಖೆ ನಡಪಾವರೆಗ್ ಲೋಕಾಯುಕ್ತೆರು ಮೀನಮೇಷಾ ಎನ್ನಿಯೆರೆಡ ಲೋಕಯುಕ್ತ ಕಛೇರಿ ಎದುರುಡ್ ಪ್ರತಿಭಟನೆ ಮಲ್ಪೊಡಾಪುಂಡ್ ಪಂಡುದ್ ಶ್ರೀರಾಮ ಸೇನೆ ಸಂಸ್ಥಾಪಕ ಪ್ರಮೋದ್ ಮುತಾಲಿಕ್ ಎಚ್ಚರಿಕೆ ಕೊರ್ತೆರ್.ಆರು ಕಾರ್ಕಳ ಪರಪು ಕೈತಲುದ ಪಾಂಚಜನ್ಯಾ ಕಛೇರಿ ಡ್ ನಡತಿನ ಸುದ್ದಿಗೋಷ್ಠಿಡ್ ವಿಷಯ ತೆರಿಪಾಯೆರ್.

ಶ್ರೀ ದಾವಣಗೆರೆತ್ತ ಚೆನ್ನಗಿರಿ ಶಾಸಕ ಮುಡಾಳು ವಿರೂಪಾಕ್ಷ , ದಾವಣಗೆರೆ ಶಾಸಕೆರಾಯಿನ ರವೀಂದ್ರ ನಾಥ್ ,ಮಯಾಕೊಂಡದ ಶಾಸಕ ಬಸವರಾಜ್ ನಾಯಕ್ , ಹೂವಿನ ಹಡಗಲಿ ಶಾಸಕ ಪರಮೇಶ್ವರ ನಾಯಕ್ , ವಿರುದ್ದ ಕರಿನ 2013 ಡ್
ದಾವಣಗೆರೆ ನಗರಾಭಿವೃದ್ಧಿಡ್ದ್ ಬಡವೆರೆಗಾದ್ ಕೊರ್ತಿನ ತನ್ನ ಕುಟುಂಬಗ್ ಪಟ್ಟುದಿನ ವಿಷಯಗ್ ಸಂಬಂಧಿಸಾದ್ ಶ್ರಿರಾಮ ಸೇನೆ ಲೋಕಾಯುಕ್ತಗ್ ದೂರು ಕೊರ್ತುಂಡ್ .ಇತ್ತೆ ವಿಶೇಷ ಜನ ಪ್ರತಿನಿಧಿನ ಕೋರ್ಟ್ನ್ ಡ್ ವಿಚಾರಣೆ ನಡತೊಂದುಂಡ್. ರಾಮ‌ಸೇನೆ ಭ್ರಷ್ಟಾಚಾರದ ವಿರುದ್ಧ ಸಮರ ಸಾರೊಂದುಂಡ್ ಪಂಡುದ್ ಮುತಾಲಿಕ್ ಪಂಡೆರು.

ಹೆಬ್ರಿ ತಾಲೂಕುದ ಶಿವಪುರ ಕೆರೆಬೆಟ್ಟುಡುಪ್ಪುನ ಜಮೀನ್ ಬಿಜೆಪಿ ಕಾರ್ಯಕರ್ತ ಗಜಾನಂದ ಬೊಕ್ಕ ವಿದ್ಯಾ ಸುವರ್ಣ ಪುದರುಡ್ ನೋಂದಣಿ ಮಲ್ದಿತ್ತುದ್ 67.94 ಎಕರೆ ಜಮೀನು ನಾಲ್ ಕೋಟಿ ಪದಿನೈನ್ ಲಕ್ಷೊಗ್ ದೆತೊಂದೆರ್. ಈ ಜಮೀನು ಸಚಿವ ಸುನೀಲ್ ಕುಮಾರ್ ಅರೆನ ಬೇನಾಮಿ ಆಸ್ತಿಯಾದುಂಡ್. ಫೆ.28 ಗ್ ಸಚಿವ ಸುನೀಲ್ ಕುಮಾರ್ ಬೇನಾಮಿ ಆಸ್ತಿದ ವಿರುದ್ಧ ಜಿಲ್ಲಾಧಿಕಾರಿ ಗ್ ದೂರು ಕೊರ್ದಿತ್ತುದ್ ಮಾ.2 ಗ್ ಲೋಕಾಯುಕ್ತಗ್ ದೂರು ದಾಖಲಿಸಾದುಂಡ್..ಈ ಜಮೀನ್ ನ್ ರೈತೆರೆನ್ ಬೆದರಿಸಾದ್ ಮೋಸಡ್ ಕಡಿಮೆ ರೇಟ್ ಗ್ ದೆತೊಂದೆರ್., ಬಿಜೆಪಿ ಕಾರ್ಯಕರ್ತ ಗಜಾನಂದ ನಿರುದ್ಯೋಗಿಯಾದಿತ್ತುದ್ ಆಯಡ ನಾಲ್ ಕೋಟಿ ಒಲ್ಪಡ್ದ್ ಬತ್ತುಂಡ್. ಪಂಡುದು ಸಚಿವ ಸುನೀಲ್ ಕುಮಾರ್ ಉತ್ತರ ಕೊರಡ್ ಪಂಡುದು ಮುತಾಲಿಕ್ ತೆರಿಪಾಯೆರ್.

ಮುಡಾಳು ವಿರೂಪಾಕ್ಷ ಅರೆನ ಹಗರಣದ ಬಗ್ಗೆ 2013 ಡ್ ದೂರು ದಾಖಲೆ ಮಲ್ದಿತ್ತುದ್ 2023 ವಿಚಾರಣೆಗ್ ಬತ್ತಿತ್ತುದ್ ಪತ್ತು ವರ್ಷ ಮುಟ್ಟ ಲೋಕಾಯುಕ್ತ ಮನೀಪಂದೆ ಕುಲ್ಲುದುಂಡ್ .ಸಚಿವ ಸುನೀಲ್ ಕುಮಾರ್ ಬೇನಾಮಿ ಆಸ್ತಿ ತನಿಖೆನ್ ಲೋಕಾಯುಕ್ತೆರು ವೇಗವಾದ್ ಮಲ್ತುದಗ ಸತ್ತಾಸತ್ಯತೆನ್ ಜನತೆಗ್ ತೆರಿಪಾವೊಡ್ .

ಮೈಸೂರುಡ್ ಬುಡುಗಡೆ ಆಯಿನ ಆಡಿಯೋ ಬಗ್ಗೆ ಪಾತೆರಿನ ಮುತಾಲಿಕ್ ಸಚಿವ ಸುನೀಲ್ ಕುಮಾರ್ ಟೆಂಡರ್ ಬುಡುಗಡೆಗಾದ್ 3% ಕಮಿಷನ್ ಪಡೆಯೊಂದಿತ್ತುದ್ , , ಇಂದನ ಕೆಪಿಟಿಸಿ ಎಲ್ ಇಲಾಖೆಡೇ ಒಂಜೇ ತಿಂಗೊಲುಡ್ ತರಾತುರಿಡ್ 800 ಕೋಟಿದ ಟೆಂಡರ್ ಪಾಸ್ ಮಲ್ದುಂಡ್ .ಅಯಿಟ್ 3% ಕಮಿಷನ್ ದೆತೊನೊಂದುಲ್ಲೆರ್ ಪಂಡ ಬ್ರಹ್ಮಾಂಡ ಬ್ರಷ್ಠಚಾರನೇ ಉಂಡು ಪಂಡುದು ಮುತಾಲಿಕ್ ಪಂಡೆರ್.
ಕೋವಿಡ್ ಪೊರ್ತುಡ್ 5000 ಕಟ್ಟಡ ಕೂಲಿ ಕಾರ್ಮಿಕೆರೆಗ್ ಬುಡುಗಡೆ ಮಲ್ದಿನ ಕಿಟ್ ನ್ ಕಾರ್ಮಿಕೆರೆಗ್ ಕೊರಂದೆ ಅನ್ಯಾಯ ಮಲ್ದಿನ ಮಾತೆರೆಗುಲಾ ತೆರಿದುಂಡ್.
ದುಂಬುದ ದಿನೊಟ್ ನನಲಾತ್ ಹಗರಣೊಲೆನ್ ಪಿದಾಯಿ ಪಾಡುವ ಪಂಡುದು ಮುತಾಲಿಕ್ ಎಚ್ಚರಿಕೆ ಕೊರಿಯೆರು.
ಕೇಂದ್ರದ ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಭ್ರಷ್ಟಾಚಾರ ರಹಿತ ಆಡಳಿತ ಕೊರ್ತುಂಡ್ ,ಎನ್ನ ಬೆಂಬಲ ಕೇಂದ್ರ ಸರಕಾರಗ್, ಆಂಡ ರಾಜ್ಯದ ಮಂತ್ರಿಲು ಹಗರಣಡೇ ಮುರ್ಕುದೆರ್.
ಎನ್ನ ಹೋರಾಟ ಭ್ರಷ್ಟಾಚಾರ ವಿರುದ್ಧ ಸಮರ, ಎನ್ನ ಕಾರ್ಯಕರ್ತೆರೆನ ಮಿತ್ತ್ ಬಿಜೆಪಿ ಕಾರ್ಯಕರ್ತೆರು ಹಲ್ಲೆ ಮಲ್ತೊಂದುಲ್ಲೆರ್ . ನನ ಯಾನು ಮನೀಪಂದೆ ಕುಲ್ಲುಜಿ ಪಂಡುದು ಕಾರ್ಯಕರ್ತರ ಒಟ್ಟುಗ್ ಯಾನುಲ್ಲೆ ಪಂಡುದು ಮುತಾಲಿಕ್ ಪಂಡೆರು

ಕಾರ್ಕಳ ತಾಲೂಕುಡ್ ಕೋಟಿ ಚೆನ್ನಯ್ಯ ಥೀಮ್ ಪಾರ್ಕ್ , ಪರಶುರಾಮ ಥೀಮ್ ಪಾರ್ಕ್ , ಕಾರ್ಕಳ ಉತ್ಸವ ಮಲ್ದಿನವ್ ಸ್ವಾಗತಾರ್ಹ ,ಆಂಡ ಅವ್ವೆನೇ ಪನೊಂದ್ ತಿರುಗುನವ್ ಸಮಂಜಸ ಅತ್ತ್, ಪಂಡುದು ಮುತಾಲಿಕ್ ಪಂಡೆರ್.
ಹೆಬ್ರಿ ತಾಲೂಕುಡ್ ಗ್ರಾಮೀಣ ಭಾಗಡ್ ನೀರುದ ಸಮಸ್ಯೆ, ರಸ್ತೆ ಸಮಸ್ಯೆ ಲ್ ಉಂಡು ಅಯಿಕ್ ಗಮನ ಕೊರೊಂದಿಜ್ಜೆರ್ ಪಂಡುದು ಮುತಾಲಿಕ್ ಅರೋಪ ಮಲ್ತೆರ್.
ಸುದ್ದಿ ಗೋಷ್ಠಿ ಡ್ ವಕೀಲ ಹರೀಶ್ ಅಧಿಕಾರಿ , ಪುರಸಭಾ ಸದಸ್ಯ ಲಕ್ಷ್ಮಿ ನಾರಾಯಣ ಮಲ್ಯ, ನಿಟ್ಟೆ ಗ್ರಾ.ಪಂ ಸದಸ್ಯ ಸುಹಾಸ್ ಹೆಗ್ಡೆ , ಮಹಿಳಾ ಪ್ರತಿನಿಧಿ ದಿವ್ಯ ಉಪಸ್ಥಿತರಿತ್ತೆರು.