ಕಾಂಗ್ರೆಸ್ ಮುಖಂಡೆ,ರಾಜ್ಯ ಸಭಾ ಸದಸ್ಯೆ ಆಸ್ಕರ್ ಫೆರ್ನಾಂಡಿಸ್ ದೇವೆರೆನ ಪಾದ ಸೇರಿನ ಸಂಗತಿ ಬಾರೀ ಬೇಜಾರುದವ್ವ್,ಪೇಜಾವರ ಶ್ರೀ ಸಂತಾಪ

ಮಾಜಿ ಕೇಂದ್ರ ಸಚಿವೆ,ರಾಜ್ಯ ಸಭಾ ಸದಸ್ಯೆರಾಯಿನ ಕಾಂಗ್ರೆಸ್ ಮುಖಂಡೆ ಆಸ್ಕರ್ ಫೆರ್ನಾಂಡಿಸ್ ಕುಡ್ಲದ ಖಾಸಗಿ ಆಸ್ಪತ್ರೆಡ್ ಇನಿ ತೀರ್ ಪೋಯೆರ್.80 ವರ್ಷ ಪ್ರಾಯದ ಆರ್ ಕುಡ್ಲದ ಯೇನಪೋಯ ಆಸ್ಪತ್ರೆಡ್ ಸೀರಿಯಸ್ ಆದಿತ್ತೆರ್. ಇನಿ ಅರ್ ಚಿಕಿತ್ಸೆಗ್ ಸರಿಟ್ ಸ್ಪಂದಿಸಾವಂದೆ ತೀರ್ ಪೋಯೆರ್.
ಗಾಂಧಿ ಕುಟುಂಬದ ಕೈತಲುದಾರಾಯಿನ ಮೇರ್ ಕಾಂಗ್ರೆಸ್ ಪಕ್ಷದ ಪೆರಿಯ ನಾಯಕೆರಾದಿತ್ತೆರ್.ರಾಜಕೀಯ ಕ್ಷೇತ್ರೊಡ್ ಮಲ್ಲ ಸೇವೆನ್ ಮಲ್ದಿನಾರ್  ಆಸ್ಕ ರ್ ಫೆರ್ನಾಂಡಿಸ್.

ಮೇರ್ ತೀರ್ ಪೋಯಿನ ವಿಷಯ ತೆರಿದ್ ಪೇಜಾವರ ಮಠತ್ತ ಶ್ರೀ ಶ್ರೀ ವಿಶ್ವಪ್ರಸನ್ನತೀರ್ಥ ಶ್ರೀಪಾದೆರ್ ಸಂತಾಪ ಸಂದೇಶ ತೆರಿಪಾದೆರ್.ಪೇಜಾವರ ಮಠ ಸೇರಿನಂಚ ಉಡುಪಿದ ಅಷ್ಠಮಠತ್ತ ಒಟ್ಟುಡ್ ಆತ್ಮೀಯ ಸಂಬಂಧೊನ್ ದೀಯೊಂದಿತ್ತಿನಾರ್.ಯೋಗ ವಿದ್ಯೆಡ್ ವಿಶೇಷ ಪರಿಣತಿ ಪಡೆದಿನ ಆರ್ ಗೋಉತ್ಪನ್ನದ ಔಷಧೀಯ ಮಹತ್ವದ ಬಗ್ಗೆ ಸಂಸತ್ ಸದನೊಡ್ ವಿಚಾರ ಮಂಡನೆ ಮಲ್ದೆರ್.ಉಡುಪಿ ಲೋಕಸಭಾ ಸದಸ್ಯೆರಾದ್ ಮಸ್ತ್ ವರ್ಷ ಸೇವೆ ಮಲ್ದಿನ ಆರು ಕೇಂದ್ರ ಸಚಿವೆರಾದ್ ಅಪಾರವಾಯಿನ ಸೇವೆ ಮಲ್ದಿನಾರ್.ಅರ್ ತೀರಿನ ವಿಷಯ ಬಾರೀ ಬೇಜಾರುದವ್ವ್ ಪಂಡುದ್ ಪೇಜಾವರ ಸ್ವಾಮಿಲು ಪತ್ರಿಕಾ ಪ್ರಕಟನೆಡ್ ತೆರಿಪಾದೆರ್.