ಕುಡ್ಲದ ನಗರ ಪೊಲೀಸ್ ಬೊಕ್ಕ ಸ್ವರಕ್ಷಾ ವುಮೆನ್ ಟ್ರಸ್ಟ್ ಮಂಗಳೂರುದ ಸಹಯೋಗಡ್ ಪಚ್ಚೆ ಪಗೆಲುಡೇ ನಡಪುನ ದರೋಡೆದ ಜಾಗ್ರತಿಗಾದ್ ಅಣುಕು ಪ್ರದರ್ಶನ ನಡತುಂಡ್.
ಈ ಘಟನೆದ ವೀಡಿಯೊ ಕೊಡಿಕ್ಕಡೆ ವೈರಲ್ ಆದ್ ಉಂದು ನಿಜ ಪಂಡುದೇ ಮಾತೆರ್ಲಾ ನಂಬುದಿತ್ತೆರ್.ಆಂಡ ಜನಜಾಗ್ರತಿಗಾದ್ ಈ ಘಟನೆ ಜನಜಾಗೃತಿಗಾದ್ ಮಲ್ದಿನವ್ ಪಂಡುದ್ ಕುಡ್ಲದ ನಗರ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಮಾಹಿತಿ ಕೊರ್ತೆರ್.
ಐತಾರದಾನಿ ಕಾಂಡೆ ಸುಮಾರು 11 ಗಂಟೆಗ್ ಸೈಂಟ್ ಆಗ್ನೆಸ್ ಕಾಲೇಜುದ ಎದುರುಡ್ ಕಾರುಡ್ ಬತ್ತಿನ ಒಂಜಿ ತಂಡ ನಡತೊಂದ್ ಪೋವೊಂದಿತ್ತಿನ ಪೊಂಜೊವುನ ಬ್ಯಾಗ್ನ್ ಒಯ್ತೊಂದುಪ್ಪನಗ ಆ ಪೊಂಜೊವ್ ಆಯನ್ ನೂಕುದ್ ತನ್ನ ಆತ್ಮರಕ್ಷಣೆ ಮಲ್ತೊಂಬಿನ ಘಟನೆನ್ ಜನಜಾಗ್ರತಿ ಮೂಡಿಸಾವುನ ನಿಟ್ಟುಡ್ ಆಯೋಜನೆ ಮಲ್ದಿತ್ತೆರ್.ಈ ವಿಡಿಯೊ ತೂಯಿನ ಜನ ಉಂದು ಸತ್ಯ ಘಟನೆ ಪಂಡುದೇ ನಂಬುದಿತ್ತೆರ್.
ಉಂದೊಂಜಿ ಸಾರ್ವಜನಿಕೆರೆಗ್ ಜಾಗ್ರತಿ ಪುಟ್ಟಾವರೆಗ್ ಮಲ್ತುಂಡುಲಾ ಅಲ್ಪ ಕೈತಲುದಕುಲ್ ಅವ್ವೆನ್ ನಿಜ ಪಂಡುದೇ ಮಾತೆರ್ಲಾ ಎಡ್ಡೆ ರೀತಿಡ್ ಆ ಪೊಂಜೊವುಗ್ ಸಹಕಾರ ಕೊರ್ತೆರ್ ಅತ್ತಾವಂದೆ ಆ ಕಳ್ಳೆರೆನ್ ಪತ್ತರೆಗ್ ಮಸ್ತ್ ಪ್ರಯತ್ನಲಾ ಮಲ್ದೆರ್ ಪಂಡುದ್ ಕಮಿಷನರ್ ತೆರಿಪಾದೆರ್.
ಒಟ್ಟುಡ್ ಇತ್ತೆ ಅಲ್ಪಲ್ಪ ನಡಪುನಂಚಿನ ಘಟನೆಲೆಗ್ ಪೂರಕವಾದ್ ಈ ಅಣುಕು ಪ್ರದರ್ಶನ ಜನಜಾಗೃತಿ ಯಶಸ್ವಿಯಾತುಂಡ್.ಸ್ವರಕ್ಷಾ ವುಮೆನ್ ಟ್ರಸ್ಟ್ ದ ಶೋಭಲತಾ ಕಟೀಲ್ ಬೊಕ್ಕ ತಂಡದಕುಲು ಈ ಕಾರ್ಯಾಚರಣೆದ ಯಶಸ್ವಿಗ್ ಸಹಕಾರ ಕೊರ್ತೆರ್.
by 