ಪತ್ರಿಕೋದ್ಯಮ ಜನಸಾಮಾನ್ಯರೆನ ಆಶೋತ್ತರಲೆಗ್ ಸ್ಪಂದಿಸಾವುನ ಕೊಂಡಿ: ಉಡುಪಿ ಜಿಲ್ಲಾಧಿಕಾರಿ ಡಾ. ಕೆ ವಿದ್ಯಾಕುಮಾರಿ
ಉಡುಪಿ: ಪತ್ರಿಕೋದ್ಯಮ ಸಮಾಜಡಿತ್ತಿನ ಜನಸಾಮಾನ್ಯರೆನ ಆಪಿನ ಪೋಪಿನ ಸಂಗತಿಲೆಗ್ ಸೇರಿನಂಚ ಪ್ರತಿಯೊಂಜಿ ಆಯಾಮಲೆನ್ ರಚನಾತ್ಮಕವಾದ್ ರಚನೆ ಮಲ್ತುದ್, ಅಕ್ಲೆನ ಆಶೋತ್ತರಲೆಗ್ ಸ್ಪಂದಿಸಾವುನ ಕೊಂಡಿದ ರೀತಿಡ್ ದಿನನಿತ್ಯ ಕೆಲಸ ಮಲ್ತೊಂದುಂಡು ಪಂಡುದು ಜಿಲ್ಲಾಧಿಕಾರಿ ಡಾ. ಕೆ ವಿದ್ಯಾಕುಮಾರಿ ಪಂಡೆರು.
ಆರು ನಗರದ ಅಜ್ಜರಕಾಡುದ ಡಾ. ಜಿ.ಶಂಕರ್ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾಕೋತ್ತರ ಅಧ್ಯಯನ ಕೇಂದ್ರಡ್ ಜಿಲ್ಲಾಡಳಿತ, ವಾರ್ತಾ ಬೊಕ್ಕ ಸಾರ್ವಜನಿಕ ಸಂಪರ್ಕ ಇಲಾಖೆ, ಡಾ. ಜಿ.ಶಂಕರ್ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾತಕೋತ್ತರ ಅಧ್ಯಯನ ಕೇಂದ್ರ, ಅಜ್ಜರಕಾಡು, ಬೊಕ್ಕ ಉಡುಪಿ ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘ, ಉಡುಪಿದ ಸಂಯುಕ್ತ ಆಶ್ರಯಡ್ ನಡತಿನ ಪತ್ರಿಕಾ ದಿನಾಚರಣೆ ಕಾರ್ಯಕ್ರಮನ್ ಗಿಡಕ್ ನೀರು ಪಾಡುನ ಮುಖೇನ ಉದಿಪನ ಮಲ್ತುದ್ ಪಾತೆರಿಯೆರ್. .ಪ್ರತಿಯೊರಿಲಾ ದಿನನಿತ್ಯದ ಬದುಕುಡ್ ಪತ್ರಿಕೆಲೆನ್ ಓದುನ ಹವ್ಯಾಸ ರೂಢಿ ಮಲ್ತೊನೊಡ್. ಪತ್ರಿಕೆಲು ಜಗತ್ತುಡ್ ನಡಪುನ ಪ್ರಸ್ತುತ ಸುದ್ದಿಗಳು, ರಾಜಕೀಯ ಬೆಳವಣಿಗೆಗಳು, ಆವಿಷ್ಕಾರೊಲು ಸೇರಿನಂಚ ಪ್ರತಿಯೊಂಜಿ ಕ್ಷೇತ್ರದ ಮಾಹಿತಿನ್ ಸ್ಪಷ್ಟವಾದ್ಶ ಸತ್ಯಾಸತ್ಯತೆದೊಟ್ಟುಗ್ ಕೊರ್ಪಿನ ಕಾರ್ಯ ಮಲ್ತೊಂದುಂಡ್. ಉಂದೆಟಾದ್ ಮಾತೆರೆಗುಲಾ ಜ್ಞಾನಾರ್ಜನೆ ಬೊಕ್ಕ ಮಾಹಿತಿಲು ತಲುಪೊಂದುಂಡ್ ಪಃಡೆರು. ಪ್ರತಿದಿನ ದಿನಪತ್ರಿಕೆ ಓದುನ ಹವ್ಯಾಸ ಇಪ್ಪುನಕ್ಲೆಗ್ ಪತ್ರಿಕೆ ತೂವಂದೆ ಇಜ್ಜಿಡ ದಿನ ಪ್ರಾರಂಭ ಆಪುಜಿ. ಜನಕ್ಲೆನ ಮಧ್ಯ ಇಂಚಿನ ಬೆಸುಗೆನ್ ಪತ್ರಿಕೆ ಉಂಡು ಮಲ್ದುಂಡ್. ಆಂಡ ಇನಿತ್ತ ಸಂದರ್ಭಡ್ ಎಲೆಕ್ಟ್ರಾನಿಕ್, ಸೋಶಿಯಲ್ ಮೀಡಿಯಾದ ನಡುಟ್ ಪತ್ರಿಕೋದ್ಯಮಲಾ ತನ್ನ ಅಸ್ತಿತ್ವನ್ ಒರಿತೊನರೆಗ್ ಪ್ರಯತ್ನ ಮಲ್ತೊಂದುಂಡು. ಕೋವಿಡ್ ಸಂದರ್ಭಡ್ ಹೆಚ್ಚ ಪತ್ರಿಕೆಲು ಸಂಕಷ್ಟಡಿತ್ತುದ್, ಕೋವಿಡ್ ಬೊಕ್ಕದ ದಿನಕ್ಲೆಡ್ ಚೇತರಿಕೆ ತೋಜೊಂದುಂಡ್. ಪತ್ರಿಕೆಲು ದಿನನಿತ್ಯದ ಮಾಹಿತಿದ ಒಟ್ಟುಗ್ ವಿದ್ಯಾರ್ಥಿಲೆಗ್ ಸ್ಪರ್ಧಾತ್ಮಕ ವಿಷಯದ ಬಗೆಟ್ ಬೊಕ್ಕ ಸಾರ್ವಜನಿಕೆರೆಗ್ ಅಗತ್ಯವಿಪ್ಪುನ ವಿಷಯಲೆನ್ ಮುಟ್ಟಾವೊಂದಿತ್ತುದ್, ಆ ಮೂಲಕ ಸಾರ್ವಜನಿಕೆರೆನ ನಿರೀಕ್ಷೆಗ್ ತಕ್ಕ ಸುದ್ದಿನ್ ಬಿತ್ತರಿಸಾವುನ ಕೆಲಸ ಪತ್ರಿಕೆಲು ಮಲ್ತೊಂದುಂಡ್ ಸರಕಾರಿ ಬಾಲಕಿಯೆರೆನ ಪದವಿ ಪೂರ್ವ ಕಾಲೇಜಿದ ಆಂಗ್ಲ ಭಾಷಾ ಉಪನ್ಯಾಸಕಿ ಭವ್ಯಾ ನಾಗರಾಜ್ ಉಪನ್ಯಾಸ ಕೊರ್ದ್ , ದೇಶಡ್ ಬೊಕ್ಕ ರಾಜ್ಯಡ್ ಪತ್ರಿಕೋದ್ಯಮ ಬುಲೆದುಬತ್ತಿನ ಸಾದಿನ್ ಸವಿಸ್ತಾರವಾದ್ ವಿವರಣೆ ಕೊರ್ದ್ ದಿನಡ್ ದಿನ ಪತ್ರಿಕೋದ್ಯಮ ಬೆಳವಣಿಗೆ ಆವೊಂದುಂಡ್. ಈ ಮಧ್ಯೆ ಅನೇಕ ಸವಾಲುಲೆನ್ ಎದುರಿಸಾವೊಂದ್ ಪತ್ರಿಕೋದ್ಯಮ ಸಮಾಜಡ್ ತನ್ನನೇ ಆಯಿನ ಛಾಪು ಮೂಡಿಸಾದುಂಡ್ ಪಂಡೆರು. ಪ್ರತಿದಿನ ಪೊಸತುನ್ ಕಲ್ಪರೆಗ್ ಪತ್ರಿಕೋದ್ಯಮ ಪ್ರೇರೇಪಿಸಾವುಂಡ್. ಒವ್ವೇ ರೀತಿದ ಸವಾಲುನ್ ಎದುರಿಸಾವರೆಗ್ ಧೈರ್ಯನ್ ತುಂಬುನ ಶಕ್ತಿ ಪತ್ರಿಕೋದ್ಯಮ ಕ್ಷೇತ್ರಗುಂಡ್. ಈ ಕ್ಷೇತ್ರಡ್ ವಿಫುಲ ಅವಕಾಶ ಇತ್ತುದ್, ಕೇವಲ ಜರ್ನಲಿಸಂ ಪದವಿ ಮಲ್ದಿನಕುಲು ಅತ್ತಾವಂದೇ, ಭಿನ್ನವಾದ್ ಆಲೋಚನೆ ಮಲ್ಪುನ ಸಾಮರ್ಥ್ಯ ಬೊಕ್ಕ ಎಡ್ಡೆ ಬರವಣಿಗೆ ಶೈಲಿ ಇತ್ತಿನಕುಲಾ ಪತ್ರಿಕೋದ್ಯಮ ಕ್ಷೇತ್ರಡ್ ತೊಡಗಿಸಾವೊನೊಲಿ ಪಂಡೆರು.
ಜಿಲ್ಲಾ ವಾರ್ತಾಧಿಕಾರಿ ಮಂಜುನಾಥ್ ಬಿ ಪ್ರಾಸ್ತಾವಿಕವಾದ್ ಪಾತೆರ್ದ್ ಜನಸಾಮಾನ್ಯರೆಗ್ ಪತ್ರಿಕೋದ್ಯಮದ ಪರಿಚಯ, ಅಯಿತ್ತ ಹಿನ್ನೆಲೆ, ಕಾಲಕಾಲಗ್ ತಕ್ಕ ಆಯಿನ ಬದಲಾಯಿನ ವೈಖರಿ ಬೊಕ್ಕ ಪ್ರಸ್ತುತ ವೃತ್ತಿಡ್ ತೊಡಗಿಸಾವೊಂದಿನಕುಲು ಮಲ್ತೊನೊಡಾಯಿನ ಬದಲಾವಣೆ ಬಗೆಟ್ ಅವಲೋಕನ ಮಲ್ತೊನರೆಗ್ ಪತ್ರಿಕಾ ದಿನಾಚರಣೆನ್ ಆಯೋಜನೆ ಮಲ್ದುಂಡ್. ಮಾನವನ ಸರ್ವತೋಮುಖ ಅಭಿವೃದ್ಧಿ, ಬೆಳವಣಿಗೆಡ್ ಪತ್ರಕೋದ್ಯಮ ಮಹತ್ತರ ಪಾತ್ರೊನ್ ವಹಿಸುವುನೊಟ್ಟುಗ್ ಮಾತಾ Smart ಜಾಗೃತಿನ್ ಮೂಡಿಸಾವರೆಗ್ ತನ್ನನೇ ಆಯಿನ ಛಾಪುನ್ ಪಡೆದುಂಡ್. ನೆತ್ತ ಒಟ್ಟುಗ್ ಸ್ವಾಸ್ತ್ಯ ಸಮಾಜ ನಿರ್ಮಾಣಗ್ ತನ್ನನೇ ಆಯಿನ ಕೊಡುಗೆ ಕೊರೊಂದು ಬರೊಂದುಂಡ್ ಪಂಡೆರು.
ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಅಧ್ಯಕ್ಷ ರಾಜೇಶ್ ಶೆಟ್ಟಿ ಅಲೆವೂರು ಪಾತೆರ್ದ್ , ದಿನನಿತ್ಯದ ಪತ್ರಿಕೋದ್ಯಮದ ಚಟುವಟಿಕೆಲು ಎಂಚ ನಡತೊಂದುಂಡ್ ಪಂಡ , ಪತ್ರಿಕೆನ್ ಪಿದಾಯಿ ಕನವನಗಗ ಮಸ್ತ್ ಜನಕ್ಲೆನ ಶ್ರಮ ಉಪ್ಪುಂಡ್. ಒಂಜಿ ಸುದ್ದಿನ್ ಬೇತೆ ಬೇತೆ ಪತ್ರಿಕೆಲು ವಿಭಿನ್ನ ಶೈಲಿಡ್ ಪ್ರಕಟ ಮಲ್ಪುವಾ ಪಂಡಿನ ಆರು, ಪ್ರತಿಯೊರಿಲಾ ಪತ್ರಿಕೆನ್ ದೆತೊಂದ್ ಓದುನ ಹವ್ಯಾಸ ಬುಲೆಪಾವೊನೊಡು ಪಂಡೆರು.
ಡಾ. ಜಿ.ಶಂಕರ್ ಸರ್ಕಾರಿ ಮಹಿಳಾ ಪ್ರಥಮ ದರ್ಜೆ ಕಾಲೇಜು ಬೊಕ್ಕ ಸ್ನಾ ಕೋತ್ತರ ಅಧ್ಯಯನ ಕೇಂದ್ರದ ಪ್ರಾಂಶುಪಾಲ ಪ್ರೊ. ಭಾಸ್ಕರ್ ಶೆಟ್ಟಿ ಕಾರ್ಯಕ್ರಮದ ಅಧ್ಯಕ್ಷತೆ ಡಿತ್ತುದ್ , ಪತ್ರಿಕೆ ಸಂವಿಧಾನಿಕವಾದ್ ಸಾಂಸ್ಥಿಕ ಸ್ಥಾನನ್ ಪಡೆಜಿಡಲಾ ಲೌಖಿಕ ಬೊಕ್ಕ ಪ್ರಾಯೋಗಿಕವಾದ್ ಪ್ರಜಾಪ್ರಭುತ್ವದ ನಾಲನೇ ಅಂಗ. ಪತ್ರಿಕಾ ಧರ್ಮನ್ ಪ್ರತಿಯೊರಿ ಪತ್ರಕರ್ತೆರು ಬದ್ಧತೆಡ್ ಪಾಲಿಸಾಜಿಡ ಸಮಾಜಡ್ ಪ್ರಜಾಪ್ರಭುತ್ವ ವ್ಯವಸ್ಥೆ ಗಟ್ಟಿಯಾದ್ ತಳವೂರೆಗ್ ಸಾಧ್ಯ ಪಂಡೆರು.
ಕಾರ್ಯಕ್ರಮದಲ್ಲಿ ಕರ್ನಾಟಕ ಪತ್ರಕರ್ತರ ಸಂಘದ ರಾಜ್ಯ ಸಮಿತಿ ಸದಸ್ಯ ಕಿರಣ್ ಮಂಜನಬೈಲು, ಕಾಲೇಜಿದ ಕಲಾ ನಿಕಾಯದ ಡೀನ್ ಪ್ರೊ. ನಿಕೇತನಾ, ಪತ್ರಕರ್ತರು, ಕಾಲೇಜಿದ ಉಪನ್ಯಾಸಕೆರು, ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು. ಈ ಸಂದರ್ಭಡ್ ವಾರ್ತಾಭಾರತಿ ದಿನಪತ್ರಿಕೆದ ಹಿರಿಯ ವರದಿಗಾರ ಬಿ.ಬಿ. ಶೆಟ್ಟಿಗಾರ್ ಅರೆಗ್ ಪತ್ರಿಕಾ ದಿನಾಚರಣೆ ಅಂಗವಾದ್ ಸನ್ಮಾನ ಮಲ್ತೆರ್.
ಪತ್ರಕರ್ತ ಅಜಿತ್ ಸನ್ಮಾನಿತೆರೆನ ವ್ಯಕ್ತಿ ಪರಿಚಯ ಮಲ್ತೆರ್. ಕಾಲೇಜಿದ ಪತ್ರಿಕೋದ್ಯಮ ವಿದ್ಯಾರ್ಥಿನಿ ಅಶ್ವಿನಿ ನಿರೂಪಣೆ ಮಲ್ತುದ್, ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಸೊಲ್ಮೆ ಸಂದಾಯ್ತ ಮಲ್ತೆರು.
by 