ಪಿಡಿಓ ನ ಮಿತ್ತ್ ಗ್ರಾಮಸ್ಥೆರೆಗ್ ಅಸಮಾಧಾನ.

ಬಡಾನಿಡಿಯೂರು ಗ್ರಾಮ ಪಂಚಾಯತ್ ಡ್  ಗ್ರಾಮ ಪಂಚಾಯತ್ ಅಭಿವೃದ್ಧಿ( P.D.O)ಅಧಿಕಾರಿಯಾದ್ 6 ವರ್ಷ ಸೇವೆ  ಮಲ್ದಿನ PDO  ಗ್ ಸರ್ಕಾರಡಾ  ವರ್ಗಾವಣೆ ಆದೇಶ ಬತ್ತಿತ್ತುದ್  ಅವ್ವೆನ್  ವಿರೋಧ ಮಲ್ತುದ್ ಅಧಿಕಾರಿ  ಕೋರ್ಟ್ ಗ್  ಪಾಡ್ದ್ ಕುಡೊರ  ಬಡಾನಿಡಿಯೂರು ಗ್ರಾಮ ಪಂಚಾಯತ್ ಗೆ ವಾಪಾಸು ವರ್ಗಾವಣೆ ಆದ್  ಬತ್ತುದೆರ್.ಆ ಅಧಿಕಾರಿನ ಅಧಿಕಾರ ದ ಅವಧಿಡ್  ಗ್ರಾಮೊಡ್  ಒವ್ವೇ ಅಭಿವೃದ್ಧಿ ಕಾರ್ಯೊಲು ನಡಪಂದಿನ  ಹಿನ್ನೆಲೆಡ್  ಆ ಅಧಿಕಾರಿನ  ವಿರುದ್ಧ ಗ್ರಾಮಸ್ಥರೆಗ್  ಬಾರಿ ಆಕ್ರೋಶವಿತ್ತುದ್, ಒವ್ವೇ  ಕಾರಣಗುಲಾ ಆ ಅಧಿಕಾರಿ  ವಾಪಾಸು ಪಂಚಾಯತ್ ಅಭಿವೃದ್ಧಿ ಅಧಿಕಾರಿಯಾದ್  ಆಡಳಿತ ನಡಪಾವರೆ ಬಲ್ಲಿ  ಪಂಡುದು ಗ್ರಾಮಸ್ಥರು ಮಾತಾ  ಸೇರ್ದ್   ಪಂಚಾಯತ್  ಗ್ ಬೀಗ ಪಾಡುದ್ ಪ್ರತಿಭಟನೆ  ಮಲ್ತೆರ್. ,

ಈ ಪೊರ್ತುಡ್ ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್ ಪಾತೆರ್ದ್ ಈ ಅಧಿಕಾರಿಡ ದಾದ ಬೇಲೆ ಪಂಡಲಾ ಸರಿಕಟ್ಪಾದ್ ಮಲ್ಪುಜೆರ್. ಊರುದ  ತಾದಿದ ಬೊಲ್ಪುದ ವ್ಯವಸ್ಥೆ ಹಾಳಾಯಿನಪಗ ದೂರು ಕೊರುಂಡ ಪಂಚಾಯತ್ ಡ್ ಕಾಸಿಜ್ಜಿ. ಊರುದಕುಲು ಕತ್ತಲೆಡೇ ಉಪ್ಪುಲೆ ಶಿವರಾತ್ರೆ ಮಲ್ಪುಲೆ ಪಂಡುದ್ ವ್ಯಂಗ್ಯ ಮಲ್ಪುವೆರ್ ಪಂಡೆರ್.  ಪಂಚಾಯತ್ ದ ಉಪಾಧ್ಯಕ್ಷೆರಾಯಿನ ಗಿರೀಶ್, ಮಾಜಿ ಅಧ್ಯಕ್ಷೆರಾಯಿನ ಪ್ರಭಾಕರ ತಿಂಗಳಾಯ, ಪದುಕೆರಾಯಿನ ಶೋಭಾ ಸಾಲ್ಯಾನ್, ಆಶಾ, ಪ್ರವೀಣ್, ಡಿಸೋಜಾ ಮೊಕುಲು ಪಿಡಿಓ ನ ಬಗೆಟ್ ಅಸಮಾಧಾನದ ಪಾತೆರ ಪಾತೆರ್ದ್ ಈ ಪಂಚಾಯತ್ ಗ್ ಅವ್ವೇ ಪಿಡಿಓ ಬತ್ತೆರಡ ಪಂಚಾಯತ್ ಗ್ ಬೀಗ ಪಾಡುವಾ. ನನ ದುಂಬಗುಲಾ ನಿರಂತರವಾಯಿನ ಹೋರಾಟ ಮಲ್ಪುವಾ ಪಂಡುದ್ ಎಚ್ಚರಿಕೆ ಕೊರಿಯೆರ್..ಬಡಾನಿಡಿಯೂರುದ ಗ್ರಾಮಸ್ಥೆರ್ ಪ್ರತಿಭಟನೆಗ್ ಸಾಕಾರ ಕೊರ್ದ್ ಊರುಗ್ ದಾಲಾ ಬೇಲೆ ಮಲ್ಪಂದಿನ ಭ್ರಷ್ಟ ಅಧಿಕಾರಿಲು ಏರ್ಲಾ ಬರ್ರೆಗ್ ಬಲ್ಲಿ ಪಂಡೆರ್.

ಈ ಸುದ್ದಿ ತೆರಿನ ಉಡುಪಿ ಶಾಸಕೆರಾಯಿನ ಯಶ್ಪಾಲ್ ಸುವರ್ಣ ಮೇರು ಬತ್ತುದ್ ಊರುದಕ್ಲೆಗ್ ಸರಿಯಾಯಿನ ರೀತಿಡ್ ಸ್ಪಂದಿಸಾದ್ ಭ್ರಷ್ಟಾಚಾರ ಮಲ್ಪರೆಗ್ ಒಲ್ಪಲಾ ಅವಕಾಶ ಕೊರ್ಪುಜಿ. ಕೂಡಲೇ ಮಿತ್ತುದ ಅಧಿಕಾರಿಲೆಡ ಪಾತೆರ್ದ್ ಸೂಕ್ತವಾಯಿನ ಕ್ರಮ ದೆತೊನುವಾ. ಪಂಡುದ್ ಇತ್ತೆ ಸದ್ಯೊಗ್ ಪಂಚಾಯತ್ ಕಾರ್ಯದರ್ಶಿ ಪಿಡಿಓ ಗ್ ಸಂಬಂಧಪಟ್ಟಿನ ಬೇಲೆ ಮಲ್ಪರೆಗ್ ಅವಕಾಶ ಮಲ್ತ್ ಕೊರೊಡ್ ಪಂಡುದ್ ಊರುದಕ್ಲೆಡ ಬಿನ್ನಪ ಮಲ್ತೆರ್. ಶಾಸಕೆರೆನ ಪಾತೆರೆಗ್ ಬೆಲೆ ಕೊರಿನ ಕಡೇಕ್ ಪಂಚಾಯತ್ ಬೀಗ ದೆತ್ತುದ್ ಕಾರ್ಯದರ್ಶಿಗ್ ಬೊಕ್ಕ ಸಿಬ್ಬಂದಿಲೆಗ್ ಬೇಲೆ ಮಲ್ಪರೆಗ್ ಅವಕಾಶ ಮಲ್ತ್ ಕೊರಿಯೆರ್.