ಕ್ರಷ್ಣಾಪುರ ಪರ್ಯಾಯದ ಅಂಚೆ ಲಕೋಟೆ ಬುಡುಗಡೆ..

ಭಾರತೀಯ ಅಂಚೆ ಇಲಾಖೆ ಉಡುಪಿ ಅಂಚೆ ವಿಭಾಗಡ್ದ್ ಕೃಷ್ಣಾಪುರ ಪರ್ಯಾಯದ ಈ ಸುಸಂದರ್ಭೊಡ್ ಕೃಷ್ಣಾಪುರ ಪರ್ಯಾಯದ ವಿಶೇಷ ಅಂಚೆ ತೊಟ್ಟೆನ್ ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕೆರಾಯಿನ ನವೀನ್ ಚಂದರ್ ಕೃಷ್ಣಮಠದ ರಾಜಾಂಗಣಡ್ ಪರ್ಯಾಯದ ಸುಸಂಧರ್ಭಡ್ ಬುಡುಗಡೆ ಮಲ್ತೆರ್. ಪೂಜ್ಯ ಪರ್ಯಾಯ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ಶ್ರೀ ವಿದ್ಯಾಸಾಗರ ತೀರ್ಥ ಸ್ವಾಮೀಜಿ ಮೇರು ಆಶೀರ್ವಚನ ಮಲ್ತೆರ್ .ಕಾಣಿಯೂರು ಮಠಾಧೀಶೆರಾಯಿನ ವಿದ್ಯಾವಲ್ಲಭ ತೀರ್ಥ ಶ್ರೀ ಪಾದೆರು ಶುಭಾಶೀರ್ವಾದ ಮಲ್ತೆರ್. ಶ್ರೀ ಮಠದ ವಿದ್ವಾಂಸ ಗೋಪಾಲ ಕೃಷ್ಣ ಉಪಾಧ್ಯಾಯ ಬೊಕ್ಕ ಉಡುಪಿ ಅಂಚೆ ವಿಭಾಗದ ಸಹಾಯಕ ಅಂಚೆ ಅಧೀಕ್ಷಕೆರಾಯಿನ ಕೃಷ್ಣರಾಜ ವಿಠಲ ಭಟ್,ಕಚೇರಿ ಸಹಾಯಕಿ ಲೀಲಾವತಿ ತಂತ್ರಿ ,ಮಾರ್ಕೆಟಿಂಗ್ ಎಕ್ಸಿಕ್ಯುಟಿವ್ ಪೂರ್ಣಿಮಾ ಜನಾರ್ದನ್ ಉಪಸ್ಥಿತಿತರಿತ್ತೆರ್. ಪ್ರತೀ ಪರ್ಯಾಯ ಪೊರ್ತುಡ್ ಬುಡುಗಡೆ ಆಪಿನ ಈ ವಿಶೇಷ ಅಂಚೆ ತೊಟ್ಟೆಲೆನ್ ಪ್ರದೀಪ್ ಕುಮಾರ ಕಲ್ಕೂರ್,ಕಲ್ಕೂರ ಪ್ರತಿಷ್ಟಾನ ಮಂಗಳೂರು ಮೆರೆನ ಪ್ರಾಯೋಜಕತ್ವಡ್ ನಡಪುಂಡ್.