ಪವರ್ Rally..

ಮಹಿಳಾ ಉದ್ಯಮಿಲೆನ ಸಂಸ್ಥೆ ಪವರ್ ಕ್ಲಬ್ ಮಣಿಪಾಲದ ವತಿಡ್ದ್ ಉಂದುವೇ ಬರ್ಪಿನ ಫೆ. 7ಡ್ದ್ 9ತಾರೀಕುಮುಟ್ಟ ಮಹಿಳಾ ಉದ್ಯಮಿಲೆಗ್ ಉತ್ತೇಜನ ಮಲ್ಪರೆಗೋಸ್ಕರ ನಡಪುನ ಪವರ್ ಪರ್ಬ-2025 ದ ಪೂರ್ವಭಾವಿಯಾದ್ ಪವರ್ ಸಂಸ್ಥೆದ ಪೊಂಜೊವುನಕ್ಲೆಡ್ದ್ ಪವರ್ ರ್ಯಾಲಿ ನಡತುಂಡ್. ಮಣಿಪಾಲದ ಡಿಸಿ ಆಫೀಸ್ ದ ಎದುರುಡ್ ನಡತಿನ ಮೆರವಣಿಗೆಗ್ ಎಮ್ ಐಟಿ ದ ನಿರ್ದೇಶಕೆರಾಯಿನ ಡಾ. ಅನಿಲ್ ರಾಣಾ ಚಾಲನೆ ಕೊರಿಯೆರ್. ಈ ಪೊರ್ತುಡ್ ಜಿಲ್ಲಾ ಪಂಚಾಯತ್ ಸಿಇಓ ಪ್ರತೀಕ್ ಬಾಯಲ್, ಪವರ್ ಸಂಸ್ಥೆದ ಅಧ್ಯಕ್ಷೆ ತನುಜಾ ಮಾಬೆನ್, ಪರ್ಬದ ಸಂಯೋಜಕಿ ಸುಗುಣ ಸುವರ್ಣ, ಕಾರ್ಯದರ್ಶಿ ಸುಪ್ರಿಯಾ ಕಾಮತ್, ಕೋಶಾಧಿಕಾರಿ ಪುಷ್ಪಾ ರಾವ್,ಸ್ಥಾಪಕಾಧ್ಯಕ್ಷೆ ರೇಣುಜಯರಾಮ್, ಮಾಜಿ ಅಧ್ಯಕ್ಷೆರಾಯಿನ ಶೃತಿ ಗಣೇಶ್, ಡಾ. ಗಾಯತ್ರಿ, ಸರಿತಾ ಸಂತೋಷ್ ಉಪಸ್ಥಿತರಿತ್ತೆರ್.